ବାସୁଦେବପୁର ୦୫।୦୪ : ଶୋଭାଯାତ୍ରା ଦେଖି ଆସୁଥିବା ବେଳେ ଅଘଟଣ । ବାସୁଦେବପୁରରେ ରାମନବମୀ ଉପଲକ୍ଷେ ଚାଲିଥିବା କଳସ ଶୋଭାଯାତ୍ରା ଦେଖି ଆସୁଥିବା ବେଳେ ଘଟିଲା ଦୁର୍ଘଟଣା। ଯେଉଁଥିରେ ଜଣଙ୍କର ମୃତ୍ୟୁ ହୋଇଥିବା ବେଳେ ଆଉ ଜଣେ ଗୁରୁତର ହୋଇଛନ୍ତି । ଗୁରୁତରଙ୍କୁ ଉଦ୍ଧାର କରି ନିକଟସ୍ଥ ମେଡିକାଲରେ ଭର୍ତ୍ତି କରାଯାଇଛି ।
ଖବର ଅନୁଯାୟୀ, ଦୁଇ ଜଣ ସାଙ୍ଗ ଶୋଭାଯାତ୍ରା ଦେଖି ବାଇକ୍ରେ ଆସୁଥିଲେ । ଏହି ସମୟରେ ରାସ୍ତାକଡ଼ରେ ଛିଡ଼ା ହୋଇଥିବା ଏକ ଟ୍ରକ ପଛରେ ପିଟି ହୋଇଥିଲା । ଯାହାଫଳରେ ଗାଡ଼ିରୁ ଦୁଇ ଜଣ ଛିଟ୍କି ତଳେ ପଡିଥିଲେ । ସ୍ଥାନୀୟ ଲୋକେ ଉଭୟଙ୍କୁ ଉଦ୍ଧାର କରି ବାସୁଦେବପୁର ଡାକ୍ତରଖାନାରେ ଭର୍ତ୍ତି କରିଥିଲେ । ହେଲେ ସେଠାରେ ଡାକ୍ତର ଜଣଙ୍କୁ ମୃତ ଘୋଷଣା କରିଥିଲେ। ମୃତ ଯୁବକ ବରଣ୍ଡୁଆ ନାରଣପୁର ଗାଁର ମୀନକେତନ ଦଳେଇଙ୍କ ପୁଅ ପଦ୍ମଲୋଚନ ହୋଇଥିବା ବେଳେ ଗୁରୁତର ଥିବା ଯୁବକ ସେହି ଗାଁର ଶ୍ରୀକାନ୍ତ ମହାନ୍ତିଙ୍କ ପୁଅ ସତ୍ୟଜିତ ବୋଲି ଜଣାପଡିଛି । ସତ୍ୟଜିତଙ୍କ ଅବସ୍ଥା ଗୁରୁତର ଥିବାରୁ ବାସୁଦେବପୁରରେ ପ୍ରାଥମିକ ଚିକିତ୍ସା କରାଯାଇ ଭଦ୍ରକ ମେଡିକାଲକୁ ସ୍ଥାନାନ୍ତରିତ କରାଯାଇଛି । ଅନ୍ୟପଟେ ସ୍ଥାନୀୟ ପୋଲିସ ଘଟଣାସ୍ଥଳରେ ପହଞ୍ଚି ଦୁର୍ଘଟଣାଗ୍ରସ୍ତ ଗାଡ଼ିକୁ ଜବତ କରି ଥାନାକୁ ଆଣିଛି । ଏହାସହ ଘଟଣାର ଛାନ୍ଭିନ୍ ଜାରି ରଖିଛି ପୋଲିସ ।
ଘମାଘୋଟ ବାଣିଜ୍ୟ ଯୁଦ୍ଧ, ଓ୍ୱାଲଷ୍ଟ୍ରିଟ୍ରୁ ଉଡିଗଲା ୩ ଟ୍ରିଲିୟନ ଡଲାର
