କଟକ ୫।୪: ରାମନବମୀ ପାଇଁ କଟକ ସହରରେ ପୋଲିସ ଫ୍ଲାଗ୍ ମାର୍ଚ୍ଚ କରିଛି । ଡିସିପିଙ୍କ ନେତୃତ୍ବରେ ଦୁଇଟି ଆଇଆରବି ବାଟାଲିୟନ ଜବାନ ଓ ଓଏସଏପି ଷଷ୍ଠ ବାଟାଲିୟନ ଜବାନଙ୍କ ସହ ଅତିରିକ୍ତ ଡିସିପି, ସବୁ ଜୋନର ଏସିପି ଓ ସବୁ ଥାନାର ଆଇଆଇସି ମାନେ ଏହି ଫ୍ଲାଗ୍ ମାର୍ଚ୍ଚରେ ସାମିଲ ହୋଇଥିଲେ ।
ଫ୍ଲାଗ୍ ମାର୍ଚ୍ଚ ସିଏମସି ବିଜୁ ଭବନ ନିକଟ ମାରୁତି ମଣ୍ଡପରୁ ଆରମ୍ଭ ହୋଇ ଝୋଲାସାହି, ପୀଠାପୁର, ଦୋଳମୁଣ୍ଡାଇ, ବଜ୍ରକବାଟି ଛକ, ନିମସାହି ଆଦି ଅଞ୍ଚଳ ଗୁଡିକ ଦେଇ ଚୌଧୁରୀ ବଜାର ପର୍ଯ୍ୟନ୍ତ ଆସିଥିଲା । ରାମନବମୀ ସମୟରେ ଲୋକଙ୍କ ମନରେ ସୁରକ୍ଷାର ଭାବ ନିଶ୍ଚିତ କରାଇବା ପାଇଁ ଏଭଳି ଫ୍ଲାଗ ମାର୍ଚ୍ଚ କରାଯାଇଥିଵା ଡିସିପି କହିଛନ୍ତି । ଆସନ୍ତାକାଲି ରାମନବମୀ ଅବସରରେ କଟକ ସହରରେ ଶାନ୍ତି ଶୃଙ୍ଖଳା ବଜାୟ ରଖିବା ପାଇଁ ୨୫ ପ୍ଲାଟୁନ ପୋଲିସ ଫୋର୍ସ ମୁତୟନ ରହିବେ ବୋଲି ଡିସିପି ସୂଚନା ଦେଇଛନ୍ତି । ଏହାସହ ବିଭିନ୍ନ ସ୍ଥାନରୁ ବାହାରୁଥିବା ଶୋଭାଯାତ୍ରା ସହ ମଧ୍ୟ ସ୍ବତନ୍ତ୍ର ପୋଲିସ ଫୋର୍ସ ରହିବେ ।
You Can Read:
ରାଜା ଚକ୍ରଙ୍କ ପାଇଁ ପୁଣି ବଢିଲା ଅଡ଼ୁଆ : ଫାର୍ମ ହାଉସ୍ ସହ ବିଭିନ୍ନ କ୍ରସରରେ ତଦନ୍ତ
