ଦାରିଙ୍ଗବାଡି଼ ୦୪।୦୧ : ମୁଖ୍ୟମନ୍ତ୍ରୀଙ୍କୁ ନିମନ୍ତ୍ରଣ । କନ୍ଧମାଳ ଜିଲ୍ଲା ଦାରିଙ୍ଗବାଡ଼ିରେ ହେବାକୁ ଥିବା ମହୋତ୍ସବ କାର୍ଯ୍ୟକ୍ରମରେ ସାମିଲ ହେବା ପାଇଁ ମୁଖ୍ୟମନ୍ତ୍ରୀଙ୍କୁ ଭେଟିଛନ୍ତି ଦାରିଙ୍ଗବାଡିର ଶୀତ ମହୋତ୍ସବ କମିଟି ।
କନ୍ଧମାଳ ଜିଲ୍ଲା ଦାରିଙ୍ଗବାଡିରେ ଆସନ୍ତା ୧୧ ତାରିଖ ଦିନ ଉଦ୍ଘାଟି ହେବ ଶୀତ ମହୋତ୍ସବ । ଗୁରୁବାର ଦିନ ଅପରାହ୍ନରେ ପୋଷ୍ଟର ଉନ୍ମୋଚିତ କରିଥିଲେ ସମିତି ଅଧ୍ୟକ୍ଷ ସୁଶାନ୍ତ କୁମାର ପ୍ରଧାନ ଏବଂ ବିଡିଓ ପ୍ରୀତିରଞ୍ଜନ ରଥ । ୨୦୧୫ରୁ ଦାରିଙ୍ଗବାଡିରେ ଶୀତ ମହୋତ୍ସବ ଆରମ୍ଭ ହୋଇଆସୁଛି । ଚଳିତ ବର୍ଷ ମିନି ଷ୍ଟାଡିୟମରେ ଏହାର ଆୟୋଜନ ହେବାକୁ ଯାଉଛି । ଯାହା ୧୧ ରୁ ଆରମ୍ଭ ହୋଇ ୧୩ ତାରିଖରେ ଶେଷ ହେବ । ମହୋତ୍ସବରେ ସାଂସ୍କୃତିକ ସଂଧ୍ୟାରେ ସ୍ଥାନୀୟ କଳାକାରଙ୍କ ସମେତ କନ୍ଧମାଳ ଜିଲ୍ଲା, ରାଜ୍ୟର ବିଭିନ୍ନ ଜିଲ୍ଲା ଏବଂ ବ୍ଲକରୁ କଳାକାରଙ୍କ ନୃତ୍ୟ ଏବଂ ଗୀତର ଆକର୍ଷଣ ରହିବ । ଯାହାକୁ ଦେଖିବା ପାଇଁ ଶୀତ ମହୋତ୍ସବ କମିଟି ତରଫରୁ ଶୁକ୍ରବାର ଦିନ ମୁଖ୍ୟମନ୍ତ୍ରୀଙ୍କୁ ଭେଟିଥିଲେ ସମିତି ଅଧ୍ୟକ୍ଷ ସୁଶାନ୍ତ କୁମାର ପ୍ରଧାନ, ବିଡିଓ ପ୍ରୀତିରଞ୍ଜନ ରଥ, ପତିତପାବନ ରାଉତ ଏବଂ ସନ୍ତୋଷ ସାହୁ ।
