ନୀଳଗିରି ୦୨।୧୧ : ବାଲେଶ୍ଵର ଜିଲ୍ଲା ବିଭିନ୍ନ ଅଞ୍ଚଳରେ ରାତିରେ ମାତିଛନ୍ତି ଡକାୟତ ଗ୍ୟାଙ୍ଗ। ବୋଲେରୋରେ ଆସି ସିରିଜ ଲୁଟିଲେ ଲୁଟେରା। ନୂଆପାଢ଼ୀ ଅଞ୍ଚଳରୁ କାବୁ କଲେ ଗ୍ରାମବାସୀ। ନୀଳଗିରି ଥାନାରେ ଲୁଟ୍ ନେଇ ମାମଲା ରୁଜୁ ହୋଇଛି।
ଖବର ଅନୁଯାୟୀ, ନୀଳଗିରି ଥାନା ମହିସାପଟ୍ଟା ଅଞ୍ଚଳରେ କରମା ନାଟ ଦେଖି ମୟୁରଭଞ୍ଜ ଜିଲ୍ଲା ବୈଶିଙ୍ଗା ଥାନା ପଦ୍ମନାଭପୁର ଗାଁର ବୁଧିଆ ସିଂଙ୍କ ତାଙ୍କ ସମ୍ପର୍କୀୟ ସହିତ ରାତିରେ ଫେରୁଥିଲେ। ଏକ ବୋଲେରୋ ଗାଡିରେ ୫ ଜଣ ଯୁବକ ଆସି ବୁଧିଆ ସିଂଙ୍କୁ ଅଟକାଇ ମାଡ଼ ମାରିବା ସହ ବାଇକ ଲୁଟିନେଇଥିଲେ। ଲୁଟିବା ପରେ ବାଇକ ନେଇ ରେମୁଣା ରାସ୍ତାରେ ଫେରାର ହେଉଥିବା ବେଳେ ନୂଆପାଢ଼ୀ ଅଞ୍ଚଳରେ କାବୁ କରିଥିଲେ ଲୋକେ। ବୋଲେରୋରେ ବସିଥିବା ଡକାୟତ ଖସି ଯାଇଥିବା ବେଳେ ଚୋରି କରିଥିବା ଯୁବକଙ୍କୁ ଅଟକାଇ ଥିଲେ ଅଞ୍ଚଳବାସୀ। ତାଙ୍କୁ ରେମୁଣା ଥାନାରେ ଜମିମା ଦେବା ପରେ ଅନ୍ୟସ୍ଥାନରେ ଲୁଟିବା ବେଳେ ଧରାପଡିଲେ ଡକାୟତ। ନୀଳଗିରି ଥାନାରେ ମାମଲା ରୁଜୁ କରାଯିବା ପରେ ପୋଲିସ ଅଭିଯୁକ୍ତ ଓ ବାଇକକୁ ରେମୁଣା ଥାନାରୁ ଆଣି ଖୋଳତାଡ଼ କରୁଛି। ଅଭିଯୁକ୍ତର ଘର ରେମୁଣା ଥାନାର ବୋଲି ଜଣାପଡିଛି।
