ସଂଘର୍ଷ କରି ହାରିଲା ମୁମ୍ବାଇ ଇଣ୍ଡିଆନ୍ସ; ପାଣ୍ଡ୍ୟାଙ୍କ ପଞ୍ଝା ଓ ସୂର୍ଯ୍ୟଙ୍କ ଅର୍ଦ୍ଧଶତକ ବେକାର, ଲକ୍ଷ୍ନୌକୁ ଜିତ୍

Published By : Prameya-News7 Bureau | April 04, 2025 IST

ଲକ୍ଷ୍ନୌ: ସୂର୍ଯ୍ୟକୁମାର ଯାଦବ, ନମନ ଧୀର ଓ ହାର୍ଦ୍ଦିକ୍ ପାଣ୍ଡ୍ୟାଙ୍କ ସଂର୍ଘଷ ସତ୍ତ୍ବେ ପରାସ୍ତ ହୋଇଛି ମୁମ୍ବାଇ ଇଣ୍ଡିଆନ୍ସ । ଫଳରେ ଲକ୍ଷ୍ନୌ ସୁପରି ଜାଏଣ୍ଟସ ୧୪ ରନରେ ବିଜୟୀ ହୋଇଛି । ଚଳିତ ଆଇପିଏଲ ୨୦୨୫ ମହାସମରରେ ଏଲଏସଜିର ଏହା ଦ୍ବିତୀୟ ଜିତ୍ । ଏଲଏସଜି ପ୍ରଥମେ ବ୍ୟାଟଂ କରି ମୁମ୍ବାଇ ଇଣ୍ଡିଆନ୍ସକୁ ୨୦୪ ରନର ଟାର୍ଗେଟ୍ ଦେଇଥିଲା । ମାତ୍ର ଏମଆଇ ନିର୍ଦ୍ଧାରିତ ୨୦ ଓଭରେ ୧୯୧ ରନ୍ ସଂଗ୍ରହ କରିବାରେ ସକ୍ଷମ ହୋଇଥିଲା । ଯାହାଫଳରେ ରିଷଭ ପନ୍ତଙ୍କ ଲକ୍ଷ୍ନୌ ସୁପରି ଜାଏଣ୍ଟସ ମ୍ୟାଚକୁ ଜିତି ନେଇଛି । 

ଆଇପିଏଲ ମହାସମରରେ ଆଜି ୧୬ତମ ମ୍ୟାଚ୍ ଖେଳାଯାଇଛି । ଲକ୍ଷ୍ନୌ ଏକନା ଷ୍ଟାଡିୟମରେ ମୁହାଁମୁହିଁ ହୋଇଥିଲେ ମମ୍ବାଇ ଇଣ୍ଡିଆନ୍ସ ଓ ଲକ୍ଷ୍ନୌ ସୁପରି ଜାଏଣ୍ଟ୍‌ସ । ଟସ୍ ଜିତି ପ୍ରଥମେ ବ୍ୟାଟିଂ ପାଇଁ ଏଲଏସଜିକୁ ଆମନ୍ତ୍ରଣ କରିଥିଲା ଏମଆଇ । ତେବେ ଘରୋଇ ପରିବେଶ ଏହାର ପୂରା ଫାଇଦା ଇଠାଇଥିଲା ଦଳ । ଦୁଇ ଓପନର  ମିଚେଲ୍ ମାର୍ସ, ଓ ଇଡେନ ମାକ୍ରମ ମୁମ୍ବାଇ ବୋଲରଙ୍କ ଉପରେ ଜବରଦସ୍ତ ପ୍ରହାର କରିଥିଲେ । ପ୍ରଥମ ଓ୍ବିକେଟରେ ଦଳ ୭୬ ରନ ପାର୍ କରିଥିଲେ । ମିଚେଲ୍ ମାର୍ସ ମାତ୍ର ୩୧ଟି ବଲ୍ ଖେଳି ୬୦ ରନ୍‌ର ଅର୍ଦ୍ଧଶତକୀୟ ପାଳି ଖେଳିଥିଲେ । ସେ ଗଲା ପରେ ମାକ୍ରମ ଚମତ୍କାର ପ୍ରଦର୍ଶନ କରିଥିଲେ । ସେ ୩୮ ବଲରୁ ୫୩ ରନ୍ କରିଥିଲେ  । ସେହିପରି ଆୟୁଷ ବଦୋନୀ ୩୦ ରନ୍ କରିଥିବା ବେଳେ ଡେଭିଡ୍ ମିଲର ୨୭ ରନ୍ କରିଥିଲେ । ଫଳରେ ଏଲଏସଜି ୨୦ ଓଭରରେ ୮ ଓ୍ବିକେଟ୍ ହରାଇ ୨୦୩ ରନ୍ କରିଥିଲା । ମୁମ୍ବାଇ ସାମ୍ନାରେ ୨୦୪ ରନ୍ ର ଟାର୍ଗେଟ୍ ରହିଥିଲା । ମୁମ୍ବାଇ  ଇଣ୍ଡିଆନ୍ସ ପକ୍ଷରୁ ଅଧିନାୟକ ହାର୍ଦ୍ଦିକ୍ ପାଣ୍ଡ୍ୟାଙ୍କୁ ୫ ଓ୍ବିକେଟ୍ ମିଳିଛି । 

୨୦୪ ରନ୍ ର ଟାର୍ଗେଟକୁ ପିଛା କରି ପଡ଼ିଆକୁ ଓହ୍ଲାଇଥିଲେ ମୁମ୍ବାଇ ଇଣ୍ଡିଆନ୍ସର ଦୁଇ ଓପନର ଓ୍ବିଲ୍ ଜ୍ୟାକ୍ସ ଓ ରିୟାନ ରିକେଲଟନ୍ । ହେଲେ ମୁମ୍ବାଇକୁ ପ୍ରାରମ୍ଭିକ ଝଟକା ଦେଇଥିଲା ଏଲଏସଜି । ଦ୍ବିତୀୟ ଓଭରେ ଓ୍ବିଲ୍ ଜ୍ୟାକ୍ସ ଆକାଶଦୀପଙ୍କ ଶିକାର ହୋଉଥିଲେ  । ପରେ ଶର୍ଦୁଲ୍ ଠାକୁର ରିକେଲଟନ୍ ଆଉଟ୍ କରିଥିଲେ । ପରେ ସୂର୍ଯ୍ୟକୁମାର ଯାଦବ, ନମନ ଧୀର ଓ ହାର୍ଦ୍ଦିକ୍ ପାଣ୍ଡ୍ୟାଙ୍କ ସଂର୍ଘଷ କରିଥିଲେ । ସୂର୍ଯ୍ୟକୁମାର ଯାଦବ ଅର୍ଦ୍ଧଶତକୀୟ ଇନିଂସ ଖେଳିଥିଲେ । ନମନ ଧୀର ୪୬ ରନ ପାଳି ଏବଂ ଅଧିନାୟକ ୨୫ ରନ କରିଥିଲା ମଧ୍ୟ ଦଳକୁ ଜିତାଇ ପାରିନଥିଲେ ।  ଲକ୍ଷ୍ନୌ ବୋଲର ମୁମ୍ବାଇ ଇଣ୍ଡିଆନ୍ସ ମୁହାଁରୁ ମ୍ୟାଚକୁ ଛଡ଼ାଇ ଆଣିଥିଲେ । ଏମଆଇ ନିର୍ଦ୍ଧାରିତ ୨୦ ଓଭରେ ୧୯୧ ରନ ସଂଗ୍ରହ କରିବାରେ ସକ୍ଷମ ହୋଇଥିଲା । ଫଳରେ ଲକ୍ଷ୍ନୌ ୧୪ ରନରେ ମ୍ୟାଚକୁ ଜିତି ନେଇଛି ।  

 

 

 

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.