ଲକ୍ଷ୍ନୌ: ହୋମ୍ ଗ୍ରାଉଣ୍ଡରେ ନିର୍ଧୂମ ପ୍ରହାର । ମୁମ୍ବାଇ ବୋଲରଙ୍କ ଉପରେ ବର୍ଷିଲେ ଲକ୍ଷ୍ନୌ ବ୍ୟାଟର । ମିଚେଲ୍ ମାର୍ସ, ଇଡେନ ମାକ୍ରମଙ୍କ ଜବରଦସ୍ତ ବ୍ୟାଟିଂ । ଅର୍ଦ୍ଧଶତକୀୟ ଇନିଂସ ଖେଳିଲେ ଦୁଇ ଷ୍ଟାର ଖେଳାଳି । ଚେକ୍ ଦେଲେ ଅଧିନାୟକ ହାର୍ଦ୍ଦିକ୍ ପାଣ୍ଡ୍ୟା । ଏମଆଇ କ୍ୟାପଟେନଙ୍କୁ ପାଞ୍ଚ ଓ୍ବିକେଟ୍ । ନିର୍ଦ୍ଧାରିତ ୨୦ ଓଭରରେ ୨୦୩ ରନ୍ ସଂଗ୍ରହ କରିଛି ଲକ୍ଷ୍ନୌ ସୁପରି ଜାଏଣ୍ଟ୍ସ । ମୁମ୍ବାଇ ଇଣ୍ଡିଆନ୍ସ ସାମ୍ନାରେ ୨୦୪ ରନ୍ର ଟାର୍ଗେଟ୍ ।
ଆଇପିଏଲ ମହାସମରରେ ଆଜି ୧୬ତମ ମ୍ୟାଚ୍ ଖେଳାଯାଉଛି । ଲକ୍ଷ୍ନୌର ଏକନା ଷ୍ଟାଡିୟମରେ ମୁହାଁମୁହିଁ ହେଉଛନ୍ତି ମମ୍ବାଇ ଇଣ୍ଡିଆନ୍ସ ଓ ଲକ୍ଷ୍ନୌ ସୁପରି ଜାଏଣ୍ଟ୍ସ । ଟସ୍ ଜିତି ପ୍ରଥମେ ବ୍ୟାଟିଂ ପାଇଁ ଏଲଏସଜିକୁ ଆମନ୍ତ୍ରଣ କରିଥିଲା ଏମଆଇ । ତେବେ ଘରୋଇ ପରିବେଶରେ ଏହାର ଫାଇଦା ଇଠାଇଥିଲା ଦଳ । ଦୁଇ ଓପନର ମିଚେଲ୍ ମାର୍ସ, ଓ ଇଡେନ ମାକ୍ରମ୍ ମୁମ୍ବାଇ ବୋଲରଙ୍କ ଉପରେ ଜବରଦସ୍ତ ପ୍ରହାର କରିଥିଲେ । ପ୍ରଥମ ଓ୍ବିକେଟରେ ଦଳ ୭୬ ରନ ପାର୍ କରିଥିଲେ । ମିଚେଲ୍ ମାର୍ସ ମାତ୍ର ୩୧ଟି ବଲ୍ ଖେଳି ୬୦ ରନ୍ର ଅର୍ଦ୍ଧଶତକୀୟ ପାଳି ଖେଳିଥିଲେ । ସେ ଗଲା ପରେ ମାକ୍ରମ୍ ଚମତ୍କାର ପ୍ରଦର୍ଶନ କରିଥିଲେ । ସେ ୩୮ ବଲରୁ ୫୩ ରନ୍ କରିଛନ୍ତି । ସେହିପରି ଆୟୁଷ ବଦୋନୀ ୩୦ ରନ୍ କରିଥିବା ବେଳେ ଡେଭିଡ୍ ମିଲର ୨୭ ରନ୍ କରିଛନ୍ତି । ଫଳରେ ଏଲଏସଜି ୨୦ ଓଭରରେ ୮ ଓ୍ବିକେଟ୍ ହରାଇ ୨୦୩ ରନ୍ କରିଛି । ତେବେ ମୁମ୍ବାଇକୁ ମ୍ୟାଚ୍ ଜିତିବାକୁ ହେଲେ ୨୦୪ ରନ୍ କରିବାକୁ ପଡ଼ିବ । ସେପଟେ ମୁମ୍ବାଇ ଇଣ୍ଡିଆନ୍ସ ପକ୍ଷରୁ ଅଧିନାୟକ ହାର୍ଦ୍ଦିକ୍ ପାଣ୍ଡ୍ୟାଙ୍କୁ ୫ ଓ୍ବିକେଟ୍ ମିଳିଛି । ଆଇପିଏଲରେ ଏହା ତାଙ୍କର ପ୍ରଥମ ପଞ୍ଝା ।
