ସମ୍ୱଲପୁର ୦୧/୦୭: ବୁର୍ଲା ବୋର୍ଡ କଲୋନୀରେ ବଡ ଧରଣର ଚୋରି । ଘରେ କେହି ନଥିବାର ସୁଯୋଗ ନେଇ କଳାକନା ବୁଲାଇଛନ୍ତି ଚୋରି । ଚୋରି କରି ନେଲେ ଲକ୍ଷାଧିକ ଟଂକାର ସୁନା ଅଳଙ୍କାର ।
ସୂଚନାଥାଉକି, ବୁର୍ଲା ବୋର୍ଡ କଲୋନୀର ମନୋଜ ପାତ୍ର ଘର ଛାଡି କୁଆଡେ ପରିବାର ସହ ଗତ ସନ୍ଧ୍ଯା ସମୟରେ ଯିବା ସହ ସାମାନ୍ଯ ବିଳମ୍ବରେ ଘରକୁ ଆସିଥିଲେ । ତେବେ ସେହି ସମୟରେ ସୁଯୋଗ ପାଇ କିଛି ଦୁର୍ବୃତ୍ତ ଘରେ ପଶି ଗୋଟିଏ ସୁନା ହାର, ଗୋଟିଏ ସୁନା ଚେନ୍, ଦୁଇଟି କାନ ଫୁଲ, ୬୫ ହଜାର ଟଂକା ଚୋରି କରି ଫେରାର ମାରିଛନ୍ତି ।
ତେବେ ରାତିରେ ଘରକୁ ଆସିବା ପରେ ମନୋଜ ଘର ଗେଟ୍ ତାଲା ଭାଙ୍ଗିଥିବା ଦେଖିବାକୁ ପାଇଥିଲେ । ପରେ ଘର ଭିତରକୁ ଗଲା ପରେ ସବୁ ସୁନା ଅଳଙ୍କାର ଚୋରି ହୋଇଥିବା ଜାଣିବାକୁ ପାଇଥିଲେ । ଫଳରେ ପୋଲିସକୁ ଖବର ଦେବା ପରେ ପୋଲିସ ଆସି ତଦନ୍ତ ଆରମ୍ଭ କରିଛି ।