ବାଲିପାଟଣା ୨।୫: ପାରିବାରିକ କଳହକୁ ନେଇ ହତ୍ୟାକାଣ୍ଡ । ବାପାକୁ ହତ୍ୟା କଲା ନାବାଳକ ପୁଅ । ରାଜଧାନୀ ଉପକଣ୍ଠ ବାଲିପାଟଣା ଥାନା ତିହୁରୀ ଗାଁରେ ଘଟିଛି ଏଭଳି ହତ୍ୟାକାଣ୍ଡ । ନାବାଳକ ପୁଅର ରଡ୍ ମାଡରେ ବାପାଙ୍କ ମୃତ୍ୟୁ ହୋଇଛି । ମୃତକ ତିହୁରୀ ଗ୍ରାମର ଗଜରାଜ ଭୋଇ । ଗୁରୁବାର ରାତିରେ ଘଟିଛି ଏଭଳି ଅଭାବନୀୟ ଘଟଣା ।
ସୂଚନାଯୋଗ୍ୟ ଯେ, ଗୁରୁବାର ରାତି ପ୍ରାୟ ୮ଟାରେ ଗଜରାଜ ମଦ ପିଇ ଘରେ ଗଣ୍ଡଗୋଳ କରିଥିଲେ । ଘଟଣାକୁ ନେଇ ବାପ-ପୁଅ ମାରପିଟ୍ ହୋଇଥିଲେ । ଏଥିରେ ନାବାଳକ ପୁଅ ଉତ୍ତ୍ୟକ୍ତ ହୋଇ ଏକ ରଡ୍ରେ ଗଜରାଜଙ୍କ ମୁଣ୍ଡକୁ ମାଡ଼ ମାରିଥିଲେ । ତାଙ୍କ ମାଡ଼ରେ ବାପା ଗଜରାଜ ରକ୍ତ ଜୁଡୁବୁଡ଼ୁ ଅବସ୍ଥାରେ ଗୁରୁତର ହୋଇ ଅଡଶପୁର ମେଡ଼ିକାଲରେ ଭର୍ତ୍ତି ହୋଇଥିଲେ । ଡାକ୍ତର ଗଜରାଜଙ୍କୁ ମୃତ ଘୋଷଣା କରିଛି । ମୃତଦେହକୁ ଜବତ କରି ବ୍ୟବଚ୍ଛେଦ ପାଇଁ ପୋଲିସ ପଠାଇଛି । ଘଟଣାସ୍ଥଳରେ ବାଲିପାଟଣା ପୋଲିସ ତଦନ୍ତ କରୁଛି । ହତ୍ୟାକାରୀ ପୁଅ ତିହୁରି ସ୍ଥିତ ଘରେ ରହିଛନ୍ତି । ଚଳିତ ବର୍ଷ ସେ ମେଟ୍ରିକ୍ ପରୀକ୍ଷା ଦେଇଛନ୍ତି ।
You Can Read:
ଆଉ ମାତ୍ର କେଇ ମିନିଟ୍ ପରେ ପହଞ୍ଚିଥାନ୍ତେ ଘରେ, ବାଇକ୍ ଦୁର୍ଘଟଣାରେ ଚାଲିଗଲା ବାପା-ଝିଅଙ୍କ ମୃତ୍ୟୁ, ପୁଅ ଗୁରୁତର
