ବାଲିପାଟଣା: ବିଚ୍ ବଜାରରେ ଆତଙ୍କ କଲା, ଟ୍ରକ୍ ଭାଙ୍ଗିଲା, ଟ୍ରକ୍ ହେଲପର ହାତ ଭାଙ୍ଗିଲା ଆଉ ପୁଲିସକୁ ଧକ୍କା ମାରି ଫେରାର ହେଲା ଦୁବୃର୍ତ୍ତ । ଏଭଳି ଏକ ଘଟଣା ଘଟିଛି ରାଜଧାନୀ ଉପକଣ୍ଠ ବାଲିପାଟଣା ଥାନା ବନମାଳିପୁର ଫାଣ୍ଡି ବନମାଳିପୁର ବଜାରରେ ।
ପଶ୍ଚିମବଙ୍ଗରୁ ଏକ ଆଳୁ ଟ୍ରକ ବନମାଳିପୁର ଆସିଥିଲା । ଏହି ସମୟରେ ସ୍ଥାନୀୟ ଅଞ୍ଚଳର ପାର୍ଥ ସେନାପତି ଟ୍ରକ୍ ଚାଳକଙ୍କୁ ଦାଦା ବଟି ମାଗିଥିଲା । ଏଥିରେ ଚାଳକ ଜଣକ ରାଜି ନହେବାରୁ ଟ୍ରକ୍ ହେଲପରକୁ ମାଡ଼ ମାରିବା ସହ ହାତ ଭାଙ୍ଗି ଦେଇଥିଲା ଯୁବକ ଜଣକ। ପରେ ଚାଳକକୁ ମଧ୍ୟ ମାଡ଼ ମାରିଥିଲା ।
ଖାଲି ସେତିକି ନୁହେଁ ରାଗ ଶାନ୍ତ ନହେବାରୁ ଟ୍ରକର ସାମ୍ନା କାଚକୁ ଏକ ଲୁହା ରଡରେ ଭାଙ୍ଗି ଦେଇଥିଲା। ତେବେ ଖବର ପାଇଁ ଘଟଣାସ୍ଥଳରେ ବନମାଳିପୁର ଫାଣ୍ଡି ପୁଲିସ୍ ପହଞ୍ଚି ଦୁର୍ବୁତ୍ତକୁ କାବୁ କରି ଫାଣ୍ଡିକୁ ନେବାବେଳେ ଦୁର୍ବୃତ୍ତ ଜଣକ ପୁଲିସକୁ ଧକ୍କା ମାରି ଫେରାର ହୋଇଯାଇଛି । ଘଟଣାରେ ଏକ ମାମଲା ରୁଜୁ କରିବା ସହ ଦୁର୍ବୃତ୍ତକୁ ଧରିବା ପାଇଁ ଚେଷ୍ଟା ଚଳାଇଛି ବନମାଳିପୁର ଫାଣ୍ଡି ପୋଲିସ ।
