ମୁମ୍ବାଇ: ଗୋଟିଏ ପଟେ ଅଲ୍ଲୁ ଅର୍ଜୁନଙ୍କ ଫିଲ୍ମ ପୁଷ୍ପା ୨ ବକ୍ସ ଅଫିସରେ ଧମାଲ୍ କରୁଥିବା ବେଳେ ଅନ୍ୟପଟେ ବଲିଉଡ ଫିଲ୍ମ ବେବି ଜନ ଡିସେମ୍ବର ୨୫ରେ କ୍ରିସମସ ଦିନରେ ରିଲିଜ୍ ହେଲା। ମାଲାୟଲମ ଫିଲ୍ମ ମାର୍କୋର ଆକ୍ସନକୁ ଲୋକେ ପ୍ରଶଂସା କଲେ। ଏସବୁ ସତ୍ତ୍ଵେ ହଲିଉଡ ଫିଲ୍ମ ମୁଫାସାର ବକ୍ସ ଅଫିସ ଉପରେ ଏହାର କୌଣସି ଫରକ ପଡ଼ିନି। ବରଂ ବେବି ଜନ ସୁପର ଡୁପର ଫ୍ଲପ୍ ହେବାକୁ ଯାଉଛି।
୨୦୧୯ରେ ପରଦାକୁ ଆସିଥିବା ଦ ଲାୟନ କିଙ୍ଗର ସିକ୍ଵଏଲ ମୁଫାସା ଦ ଲାୟନ କିଙ୍ଗ ଭାରତରେ ୧୦ ଦିନରେ ୧୦୦ କୋଟି ଆୟ କରି ସାରିଛି। ଏହି ସଫଳତା ହାସଲ କରିବାରେ ମୁଫାସା ଚଳିତ ବର୍ଷର ତୃତୀୟ ହଲିଉଡ଼ ଫିଲ୍ମ। ଏହା ପୂର୍ବରୁ ଡେଡପୁଲ୍ ଆଣ୍ଡ ଭଲଭରିନ ଭାରତରେ ୧୩୬.୧୫ କୋଟି ଓ ଗର୍ଜିଲା ଏକ୍ସ କଙ୍ଗ ୧୦୬.୯୯ କୋଟି ଟଙ୍କାର ଆୟ କରିଥିଲା।
ଏହି ହିସାବରେ ମୁଫାସା ୨୦୨୪ରେ ଭାରତରେ ତୃତୀୟ ହଲିଉଡ ଫିଲ୍ମ ଭାବେ ୧୦୦ କୋଟିରୁ ଅଧିକ କାରବାର କରିଛି। ଦେଖିବାକୁ ବାକି ରହିଲା ମୁଫାସା ଡେଡପୁଲ୍ ଆଣ୍ଡ ଭଲଭରିନ ଓ ଗର୍ଜିଲା ଏକ୍ସ କଙ୍ଗର ରେକର୍ଡ ଭାଙ୍ଗି ପାରୁଛି କି ନାହିଁ।
ସାକନିଲ୍କର ରାତି ୮ଟା ସୁଦ୍ଧା ଆସିଥିବା ମୁଫାସାର ବକ୍ସ ଅଫିସ ରିପୋର୍ଟ
ପ୍ରଥମ ଦିନ- ୮.୩ କୋଟି
ଦ୍ଵିତୀୟ ଦିନ- ୧୩.୨୫ କୋଟି
ତୃତୀୟ ଦିନ- ୧୭.୩ କୋଟି
ଚତୁର୍ଥ ଦିନ- ୬.୨୫ କୋଟି
ପଞ୍ଚମ ଦିନ- ୮.୫ କୋଟି
ଷଷ୍ଠ ଦିନ- ୧୩.୬୫ କୋଟି
ସପ୍ତମ ଦିନ- ୭ କୋଟି
ଅଷ୍ଟମ ଦିନ- ୬.୬ କୋଟି
ନବମ ଦିନ- ୯.୬ କୋଟି
ଦଶମ ଦିନ- ୧୦.୬୧ କୋଟି
ମୋଟ୍-୧୦୦.୭୧ କୋଟି
