କଣ୍ଟାବାଞ୍ଜି ୨୩।୦୯ : ଘରୋଇ ସ୍କୁଲର ମହିଳା ଆକାଉଣ୍ଟାଣ୍ଟଙ୍କୁ ହତ୍ୟା । ସ୍ୱାମୀ ହତ୍ୟା କରି ଆତ୍ମହତ୍ୟାର ରୂପ ଦେଇଥିବାର ଆସିଛି ଅଭିଯୋଗ । ମହିଳାଙ୍କ ପରିବାର ଲୋକଙ୍କ ପକ୍ଷରୁ ଆସିଛି ଏପରି ସଙ୍ଗୀନ ଅଭିଯୋଗ । ସେପଟେ ଅଭିଯୋଗ ପରେ କଣ୍ଟାବାଞ୍ଜି ପୋଲିସର ତଦନ୍ତ ଆରମ୍ଭ ।
ଖବର ଅନୁଯାୟୀ, ଏକ ଘରୋଇ ସ୍କୁଲରେ ଆକାଉଣ୍ଟାଣ୍ଟ ଭାବେ କାମ କରୁଥିଲେ ଇତିଶ୍ରୀ ବେହେରା । ହେଲେ ତାଙ୍କୁ କେହି ହତ୍ୟା କରିଦେଇଛନ୍ତି । ସେପଟେ ପରିବାର ଲୋକଙ୍କ ମତରେ, ତାଙ୍କ ଝିଅକୁ ଅନ୍ୟ କେହି ନୁହେଁ, ବରଂ ସ୍ୱାମୀ ହିଁ ହତ୍ୟା କରିଛି । ଆଉ ଆତ୍ମହତ୍ୟାର ରୂପ ଦେବାକୁ ଉଦ୍ୟମ କରୁଛି । ପରିବାର ଲୋକଙ୍କ ଏପରି ଅଭିଯୋଗ ପରେ କଣ୍ଟାବାଞ୍ଜି ପୋଲିସ ମହିଳାଙ୍କ ସ୍ୱାମୀ ଦେବଦ୍ୱୀପ ବେହେରାକୁ ଅଟକ ରଖି ପଚରାଉଚରା କରୁଛି । ବାକି ଏବେ ଯାଏଁ ହତ୍ୟାକାଣ୍ଡର କାରଣ ଅସ୍ପଷ୍ଟ ରହିଛି ।
