ମୁମ୍ଵାଇ ୦୮।୧୦: ଟିମ୍ ଇଣ୍ଡିଆର ଅଲରାଉଣ୍ଡର ଖେଳାଳି ହାର୍ଦ୍ଦିକ ପାଣ୍ଡ୍ୟା । ତାଙ୍କ ପତ୍ନୀ ନତାଶା ଅଲଗା ହୋଇଯାଇଛନ୍ତି । ଉଭୟ କିଛି ଦିନ ତଳେ ନିଜର ଛାଡପତ୍ର ଘୋଷଣା କରିଥିଲେ। ସୋସିଆଲ ମିଡିଆରେ ଏକ ପୋଷ୍ଟ ସେୟାର କରି ଫ୍ୟାନ୍ସଙ୍କୁ ଆଶ୍ଚର୍ଯ୍ୟ କରିଥିଲେ। ନତାଶା ଓ ହାର୍ଦ୍ଦିକ ଏକ ସୋସିଆଲ ମିଡିଆ ପୋଷ୍ଟରେ ଲେଖିଥିଲେ ଯେ ଉଭୟ ପାରସ୍ପରିକ ସମ୍ମତି ସହିତ ଅଲଗା ହୋଇଯାଇଛନ୍ତି। ଛାଡ଼ପତ୍ର ପରେ ନାତାଶା ପୁଣି ଥରେ ପରଦାକୁ ଫେରିଛନ୍ତି । ବଡ଼ ପରଦା ନହେଲେ ବି ସେ ଖୁବଶୀଘ୍ର ଏକ ମ୍ୟୁଜିକ୍ ଭିଡିଓରେ ନଜର ଆସିବେ । ଏନେଇ ସେ ଇନଷ୍ଟାରେ ଏକ ପୋଷ୍ଟ କରି ଜଣାଇଛନ୍ତି ।
ନିକଟରେ ତାଙ୍କର ଏହି ଭିଡିଓ ସୋସିଆଲ ମିଡିଆରେ ଖୁବ୍ ଭାଇରାଲ ହେଉଛି । ଭିଡିଓଟିର ନାମ ହେଉଛି 'ତେରେ କରକେ' ।ସେ ପୋଷ୍ଟରରେ ଗାୟକ 'ପ୍ରୀତିନ୍ଦର'ଙ୍କ ସହ ନଜର ଆସିଛନ୍ତି। ପୋଷ୍ଟରରେ ଲୋକମାନେ ନତାଶାଙ୍କ ଲୁକକୁ ବହୁତ ପସନ୍ଦ କରିଛନ୍ତି । ଗୀତର ଟିଜର ମଧ୍ୟ ରିଲିଜ୍ ହୋଇସାରିଛି। ଲୋକମାନେ ନତାଶାଙ୍କ ପୋଷ୍ଟରେ ବହୁତ କମେଣ୍ଟ କରୁଛନ୍ତି । ଜଣେ ୟୁଜର୍ସ ଲେଖିଛନ୍ତି - ସେ ବର୍ତ୍ତମାନ ନିଜ ପିଲାଙ୍କ ପାଇଁ କାମ କରୁଛନ୍ତି । ଶକ୍ତିଶାଳୀ ମହିଳା । ଅନ୍ୟ ଜଣେ ଲେଖିଥିଲେ - ପରିଶ୍ରମୀ ମାଆ । ଅନେକ ଅଭିନନ୍ଦନ । ଆଉ ଜଣେ ଲେଖିଛନ୍ତି- ଶୁଭକାମନା ନତାଶା, ତୁମକୁ ଇଣ୍ଡଷ୍ଟ୍ରିରେ ଦେଖି ଖୁସି ।
ଟିଜରରେ ନତାଶାଙ୍କ ନୃତ୍ୟ ଓ ଅଭିନୟକୁ ଦର୍ଶକ ଖୁବ ପସନ୍ଦ କରିଛନ୍ତି। ତେବେ ନତାଶା କରିଥିବା ଇନଷ୍ଟା ପୋଷ୍ଟରେ ହାର୍ଦ୍ଦିକଙ୍କ ବଡ଼ ଭାଇ ଅର୍ଥାତ୍ କୃଣାଲ ପାଣ୍ଡ୍ୟା କମେଣ୍ଟ କରିଥିବା ଦେଖାଯାଇଛି। ସେ କମେଣ୍ଟ କରି ହାର୍ଟ ଇମୋଜି ଦେଇଥିବା ଦେଖିବାକୁ ମିଳିଛି।
