ନୂଆଦିଲ୍ଲୀ ୧୪।୦୨: ୧୦ ଦିନରେ ରାସନ, ୨୦ ମିନିଟ୍ରେ ଖାଇବା…ବ୍ଲିଙ୍କଇଡଟ୍, ଜୋମାଟୋ ଏବଂ ସ୍ବିଗି ପରି ଆପ୍ ଆପଣଙ୍କ ଦୁଆରେ ହୋଇଯାଏ ହାଜର । କିନ୍ତୁ ଏହାଠାରୁ ବହୁତ ଆଗରେ ରହିଛି ଏକ ଷ୍ଟାଟଅପ୍ କମ୍ପାନୀ । ଏହି କମ୍ପାନୀ ୧୦ ମିନିଟରେ କରିବ ମଣିଷଙ୍କ ଡେଲିଭରୀ । ଶୁଣିଲେ ଆଶ୍ଚର୍ଯ୍ୟ ଲାଗୁଛି ନା କିନ୍ତୁ ଏହା ସତ । ଏହି କମ୍ପାନୀ ମଣିଷଙ୍କ ଡେଲିଭରୀ କରିବାର ଦାବି କରିଛି ।
ଡେଲିଭରୀ ହୋଇଥିବା ଏହି ମଣିଷ ଆପଣଙ୍କର ସମସ୍ୟାକୁ ଦୂର କରିବ । ଆପଣଙ୍କ କ୍ୟାରିଅର ପାଇଁ ଗାଇଡାନ୍ସ ଦେବ । ଏହି ଆପ୍ ସାହାଯ୍ୟରେ ମାତ୍ର ୧୦ ମିନିଟ୍ରେ ଏକ୍ସପର୍ଟଙ୍କର ମିଳିପାରିବ ଆଡଭାଇସ୍ । ସେ ଚାକିରୀ ବଦଳିବା ହେଉ କିମ୍ବା କୌଣସି ସମ୍ବେଦନଶୀଳ ମାମଲା । ଆପଣଙ୍କୁ କୌଣସି ନା କୌଣସି ଏକ୍ସପର୍ଟଙ୍କ ଠାରୁ ମିଳିଯିବ ଆଡଭାଇସ୍ । ତେବେ ଏହି ଆପ୍କୁ ନେଇ ଚାରିଆଡେ ଚର୍ଚ୍ଚା । ଆପ୍ର ନାଁ ହେଉଛି ଟପ୍ମେଟ୍ ଆଇଓ ।
ଏହି ନୂଆ ପ୍ଲାଟଫର୍ମ ଭାରତରେ ଦ୍ରୁତ ଗତିରେ ବଢୁଛି । ଖାସ୍ କରି ସହରରେ ଯୁବପିଢ଼ିଙ୍କୁ କରୁଛି ଉତ୍ସାହିତ । ଆଉ ଯୁବପିଢୀ ଏହା ଉପରେ ବିଶ୍ବାସ କରୁଛନ୍ତି । ଏମତିକି ଏହି ଷ୍ଟାଟଅପ୍କୁ ବର୍ତ୍ତମାନ ଯାଏଁ ୩ଲକ୍ଷ ଲୋକ ଫଲୋ କରୁଛନ୍ତି । ବାସ୍ତବରେ ଏହି ଲୋକମାନେ ଜଣେ ଜଣେ ବିଶେଷଜ୍ଞ । ଏମାନେ ଗ୍ରାହକଙ୍କୁ କ୍ୟାରିଅର ମାର୍ଗଦର୍ଶନ, ବ୍ୟକ୍ତିଗତ ବିକାଶ ଠାରୁ ଆରମ୍ଭ କରି ବିଭିନ୍ନ ପ୍ରକାର ସମସ୍ୟାର ସମାଧାନ କରିବାରେ ସାହାଯ୍ୟ କରନ୍ତି ।
ଏହି ଆପ୍ କେବଳ ଏକ ଫାଷ୍ଟ ଡେଲିଭରି ସେବା ଯୋଗାଉଛି ତା ନୁହେଁ, ଏହାଠାରୁ ମଧ୍ୟ ବହୁତ ଅଧିକ । ତେବେ ଏହାକୁ ନେଇ ଏକ୍ସପର୍ଟ ମତ ଦେଇଛନ୍ତି । ଜଣେ ବିଶେଷଜ୍ଞ କହିଛନ୍ତି ଏହା ବହୁତ ଭଲ ପଦକ୍ଷେପ । କ୍ୟାରିଅର ବିଶେଷଜ୍ଞମାନେ ଆପଣଙ୍କୁ ଗୋଟିଏ କ୍ଷେତ୍ର ବାଛିବାରେ ପରାମର୍ଶ ଦେଇପାରିବେ । ଯଦି ଆପଣ ଚାକିରି ପରିବର୍ତ୍ତନ କରିବାକୁ ଚାହାଁନ୍ତି ତେବେ ସେମାନେ ଆପଣଙ୍କର ସିଭି ମୂଲ୍ୟାଙ୍କନ କରିପାରିବେ । କିନ୍ତୁ ଏଥିରେ ପ୍ରତ୍ୟେକ ବିଶେଷଜ୍ଞଙ୍କ ବ୍ୟକ୍ତିଗତ ବିଶ୍ଳେଷଣ ଭିନ୍ନ ।
ଏହା ବ୍ୟକ୍ତିଙ୍କୁ ଦ୍ୱନ୍ଦ୍ୱରେ ପକାଇବାର ସମ୍ଭାବନା ବଢ଼ାଇପାରେ । ଯେପରି କେହି ଜଣେ ପଚାରିଲେ ଯେ ମୁଁ UPSCରେ ଏକ ଭଲ କ୍ୟାରିଅର କରିପାରିବି ନା ଷ୍ଟାର୍ଟଅପ୍ ଏକ ଭଲ ବିକଳ୍ପ । ଏଥିରେ ପ୍ରତ୍ୟେକ ବିଶେଷଜ୍ଞଙ୍କ ମତାମତ ଭିନ୍ନ ହୋଇପାରେ । ଯଦି ଜଣେ ବ୍ୟକ୍ତି ଦୁଇଜଣଙ୍କଠାରୁ ପରାମର୍ଶ ନିଅନ୍ତି ଏବଂ ସେମାନେ ଭିନ୍ନ ମତ ଦିଅନ୍ତି, ତେବେ ସେ ଦ୍ୱନ୍ଦ୍ୱରେ ପଡ଼ିପାରନ୍ତି ।
ତେବେ ଏହି ଆପ୍କୁ ଅନେକ ଟଙ୍କା ରୋଜଗାର କରିବାର ଉପାୟ କହିଛନ୍ତି । ଜଣେ ବ୍ୟକ୍ତି କହିଛନ୍ତି କି ଏପରି ଆପ୍ କେବଳ ସେତେବେଳେ ପ୍ରଭାବଶାଳୀ ହୋଇପାରିବ ଯଦି ଏହାର ଚାର୍ଜ ବହୁତ କମ୍ ଥାଏ । ଏହା ସହିତ ଆପଣ ଏଠାରେ ଯେଉଁ ବିଶେଷଜ୍ଞମାନଙ୍କୁ ପାଆନ୍ତି ସେମାନେ ଅଭିଜ୍ଞ ହୋଇଥିବା ଉଚିତ । ଦଶ ମିନିଟ୍ ମଧ୍ୟରେ ଉପଲବ୍ଧ ହେବା ଏବଂ ପରାମର୍ଶ ଦେବା ଯେତିକି ଭଲ ଶୁଣାଯାଉଛି, ବାସ୍ତବରେ ଏହା ଏତେ ସହଜ କାମ ନୁହେଁ।
