ଭୁବନେଶ୍ବର ୨୯।୩: କଂଗ୍ରେସର ବିଧାନସଭା ଘେରାଉ ବେଳେ ପୋଲିସ ଉପରକୁ ଆକ୍ରମଣ ଘଟଣାରେ କାର୍ଯ୍ୟାନୁଷ୍ଠାନ ନେଇଛି ପୋଲିସ । ଜଣେ କଂଗ୍ରେସ କର୍ମୀଙ୍କୁ ଗିରଫ କରିଛି କମିସନରେଟ୍ ପୋଲିସ । ଗିରଫ କଂଗ୍ରେସ କର୍ମୀ ଜଣକ ହେଲେ ମୀର ଉସମାନ ବେଗ୍ । ପୋଲିସ ଉପରକୁ ଆକ୍ରମଣ ଅଭିଯୋଗରେ ପୋଲିସ ଗିରଫ କରିଛି ।
କଂଗ୍ରେସର ବିଧାନସଭା ଘେରାଉ ବେଳେ ଲୋୟର ପିଏମ୍ଜି ରଣକ୍ଷେତ୍ର ପାଟଲିବା ଘଟଣାରେ ଶୁକ୍ରବାର ୩ଟି ମାମଲା ରୁଜୁ ହୋଇଥିଲା । କ୍ୟାପିଟାଲ ଥାନାରେ ପୋଲିସ ପକ୍ଷରୁ ଦୁଇଟି ମାମଲା ରୁଜୁ ହୋଇଥିଲା । ଗୋଟିଏ ପୋଲିସ ଗାଡି ପୋଡି ଏବଂ ଅନ୍ୟଟି ପୋଲିସକୁ ଆକ୍ରମଣ ଘଟଣାରେ ମାମଲା ରୁଜୁ ହୋଇଥିଲା । ଏହା ପୂର୍ବରୁ ବିଧାନସଭା ଗେଟ୍ ସମ୍ମୁଖରେ କଂଗ୍ରେସ କର୍ମୀଙ୍କ ବିକ୍ଷୋଭ ନେଇ ଏକ ମାମଲା ରୁଜୁ ହୋଇଥିଲା ।
ସେପଟେ ଲାଠି ଚାର୍ଜ ଘଟଣାରେ ପୋଲିସ ବିରୁଦ୍ଧରେ ହ୍ୟୁମାନ ରାଇଟ୍ସ କମିଶନରେ ମାମଲା ରୁଜୁ ହୋଇଥିଲା । ମାମଲା ରୁଜୁ କରିଥିଲେ ଆଇନଜୀବୀ ଲଲାଟେନ୍ଦୁ ଦାସ । ପୋଲିସ ଡିଜି, ପୋଲିସ କମିଶନର ଓ ଭୁବନେଶ୍ବର ଡିସିପିଙ୍କ ବିରୁଦ୍ଧରେ ଥିଲା ଅଭିଯୋଗ । ବିନା କାରଣରେ କଂଗ୍ରେସ କର୍ମୀଙ୍କ ଉପରେ ପ୍ରଥମେ ପୋଲିସ ଲାଠିମାଡ଼ କରିଥିବା ଅଭିଯୋଗ ହୋଇଥିଲା । କଂଗ୍ରେସର ୧୦୦ରୁ ଅଧିକ କର୍ମୀ ଆହତ ହୋଇଥିବା ଅଭିଯୋଗରେ ଦର୍ଶାଯାଇଥିଲା ।
ସୂଚନାଯୋଗ୍ୟ ଯେ, ଗୁରୁବାର କଂଗ୍ରେସର ବିଧାନସଭା ଘେରାଉ ବେଳେ ରଣକ୍ଷେତ୍ର ପାଲଟିଥିଲା ଲୋୟର ପିଏମଜି । ପୋଲିସ ଉପରକୁ ଅଣ୍ଡା, ଟମାଟୋ, ଢ଼େଲା ପଥର, ଚେୟାର ମାଡ଼ ହୋଇଥିଲା । ପରିସ୍ଥିତି ନିୟନ୍ତ୍ରଣକୁ ଆଣିବାକୁ ପୋଲିସ ପକ୍ଷରୁ ଲାଠିଚାର୍ଜ ସହ ପାଣି ଓ ଟିୟର ଗ୍ୟାସ୍ ମାଡ଼ କରାଯାଇଥିଲା ।
You Can Read:
ନାବାଳିକା ଦୁଷ୍କର୍ମକାରୀକୁ ୨୦ବର୍ଷ ଜେଲ୍, ୧୦ହଜାର ଟଙ୍କା ଜରିମାନା ନିର୍ଦ୍ଦେଶ
