କଟକ ୧୯।୯: ଏସ୍‌ସିବି ମେଡ଼ିକାଲରେ ଲାଗି ରହିଥିବା ଅବ୍ୟବସ୍ଥା, ଖାସ୍ କରି ମେଡିକାଲର ବିପର୍ଯ୍ୟସ୍ତ ପରିମଳ ବ୍ୟବସ୍ଥାକୁ ନେଇ ଖୁବ୍ ଅସନ୍ତୋଷ ପ୍ରକାଶ କରିଛନ୍ତି ହାଇକୋର୍ଟ । ଏ ପ୍ରସଙ୍ଗରେ ସ୍ପଷ୍ଟୀକରଣ ରଖିବା ଲାଗି ରାଜ୍ୟ ସ୍ବାସ୍ଥ୍ୟ ସଚିବଙ୍କୁ ବ୍ୟକ୍ତିଗତ ଭାବେ ହଜାର ହେବାକୁ ନିର୍ଦ୍ଦେଶ ଦେଇଛନ୍ତି ହାଇକୋର୍ଟ । ଆସନ୍ତା ୨୬ ତାରିଖରେ ସ୍ବାସ୍ଥ୍ୟ ସଚିବ ହାଜର ହେବାକୁ ନିର୍ଦ୍ଦେଶ ହୋଇଛି, ତାଙ୍କ ସହିତ ଏସସିବି ମେଡ଼ିକାଲ ଅଧୀକ୍ଷକ ବ୍ୟକ୍ତିଗତ ଭାବେ ହଜାର ହେବାକୁ ମଧ୍ୟ ନିର୍ଦ୍ଦେଶ ହୋଇଛି । ନିକଟରର ହାଇକୋର୍ଟଙ୍କ ଦ୍ବାରା ନିଯୁକ୍ତ ଆଡ଼ଭୋକେଟ୍ କମିଟି ଏସସିବି ଗସ୍ତରେ ଯାଇଥିଲା । ସେ ସମୟର ଅବ୍ୟବସ୍ଥାକୁ କୋର୍ଟରେ ଉପସ୍ଥାପନ କରିଥିଲେ କମିଟି ସଦସ୍ୟ । ତେଣେ କଟକ ସହରର ବିପର୍ଯ୍ୟସ୍ତ ରାସ୍ତାଘାଟ ଅବସ୍ଥାକୁ ନେଇ ସିଏମସିର ଏକାଧିକ ଅଧିକାରୀ ହାଇକୋର୍ଟରେ ହଜାର ହୋଇଥିଲେ । ସିଏମସି କମିଶନର ଯେଉଁ ସତ୍ୟପାଠ ଦାଖଲ କରିଛନ୍ତି, ସେଥିରେ ଉଲ୍ଲେଖ ରହିଛି ଯେ, ରାସ୍ତା ମରାମତି କାମ ଆରମ୍ଭ ହୋଇଛି, ଯାହା ୨୬ ତାରିଖ ସୁଦ୍ଧା ଶେଷ କରିବାକୁ ଲକ୍ଷ୍ୟ ରଖାଯାଇଛି । ଆସନ୍ତା ୨୬ ତାରିଖ ଦିନ ମାମଲାର ପରବର୍ତ୍ତୀ ଶୁଣାଣି ପାଇଁ ଦିନ ଧାର୍ଯ୍ୟ କରାଯାଇଛି ।

You Can Read:

ପୋଲିସ ହେପାଜତରେ ମୃତ୍ୟୁ ପାଇଁ ୨ ଲକ୍ଷ ଟଙ୍କା କ୍ଷତିପୂରଣ ଦିଅ : ରାଜ୍ୟ ସରକାରଙ୍କୁ ହାଇକୋର୍ଟଙ୍କ ନିର୍ଦ୍ଦେଶ