ନୂଆଦିଲ୍ଲୀ: ଭାରତୀୟ ନୌସେନା, ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋ (NCB) ଏବଂ ଗୁଜରାଟ ପୋଲିସ ଏଟିଏସ ମିଳିତ ଭାବରେ ଚଢ଼ାଉ କରି ୫୦୦ କେଜିର ଡ୍ରଗ୍ସ ଜବତ କରିଛି। ଶୁକ୍ରବାର ପୋରବନ୍ଦର ଉପକୂଳରେ ଇରାନର ଏକ ବୋଟରୁ ଏତେ ପରିମାଣର ଡ୍ରଗ୍ସ ଜବତ କରାଯାଇଛି। ଏହା ସହ ଏଥିରେ ସଂପୃକ୍ତି ୮ ଜଣ ଇରାନ ନାଗରିକଙ୍କୁ ଗିରଫ କରାଯିବା ସହ ସେମାନଙ୍କ ଠାରୁ ୭୦୦ କେଜିର ମେଥାମେଫଟାମିନ ସେମାନଙ୍କଠାରୁ ଜବତ ହୋଇଛି। ଏହି ଅପରେସନ ଗୁରୁବାର ସନ୍ଧ୍ୟାରୁ ଆରମ୍ଭ ହୋଇଥିଲା।
ସୂଚନାଥାଉକି, ଏହା ପୂର୍ବରୁ ଅକ୍ଟୋବର ୨୯ରେ ଅହମଦାବାଦ ଏୟାରପୋର୍ଟରୁ ୧.୭୫ ହାଇବ୍ରିଡ କେଜିର ଗଞ୍ଜେଇ ଜବତ ହୋଇଥିଲା । ଏହାର ମୂଲ୍ୟ ୨୧୧ କୋଟି ଟଙ୍କା ହୋଇଥିବାବେଳେ ଏଥିରେ ସଂପୃକ୍ତ ଥିବା ୭ ଜଣକୁ ଗିରଫ କରାଯାଇଥିଲା। ସେହିଭଳି ଅକ୍ଟୋବର ୧୩ରେ ଗୁଜରାଟ ଆଙ୍ଖଲେଶ୍ବର ସିଟିରେ ମଧ୍ୟ ପୋଲିସର ମିଳିତ ଚଢ଼ାଉରେ ପ୍ରାୟ ୫ ହଜାର କୋଟି ଟଙ୍କାର କୋକେନ ଜବତ ହୋଇଥିଲା।
