ମୁମ୍ଵାଇ ୨୦।୧୧; ପାକିସ୍ତାନୀ ଅଭିନେତ୍ରୀ ମାହିରା ଖାନ । ବର୍ତ୍ତମାନ ସେ ଖୁବ୍ ବିଳାସପୂର୍ଣ୍ଣ ଜୀବନ ବିତାଉଛନ୍ତି । ସର୍ବାଧିକ ପାରିଶ୍ରମିକ ନେଉଥିବା ପାକିସ୍ତାନୀ ଅଭିନେତ୍ରୀଙ୍କ ମଧ୍ୟରୁ ମାହିରା ଅନ୍ୟତମ । ବର୍ତ୍ତମାନ ମାହିରାଙ୍କ ମୋଟ ସମ୍ପତ୍ତିର ପରିମାଣ ୫୮କୋଟି ଟଙ୍କା । ମାହିରା ଗୋଟିଏ ଫିଲ୍ମ ପାଇଁ ୩ରୁ ୫ଲକ୍ଷ ଟଙ୍କା ପାଉଣା ନିଅନ୍ତି ବୋଲି ଚର୍ଚ୍ଚା ହୁଏ ।
୨୦୧୭ରେ ସେ ଶାହରୁଖ ଖାନଙ୍କ ସହିତ ‘ରଇସ୍’ ଚଳଚ୍ଚିତ୍ରରୁ ବଲିଉଡ୍ରେ ଅଭିନୟ ଆରମ୍ଭ କରିଥିଲେ । ତାଙ୍କୁ ଯେତେବେଳେ ୧୭ ବର୍ଷ, ଉଚ୍ଚଶିକ୍ଷା ପାଇଁ ସେ କାଲିଫର୍ଣ୍ଣିଆ ଯାଇଥିଲେ । ନିକଟରେ ଏକ ସାକ୍ଷାତକାରରେ ମାହିରା କହିଛନ୍ତି, ନିଜକୁ ପ୍ରତିଷ୍ଠିତ କରିବା ପାଇଁ ସଂଘର୍ଷ କରୁଥିବାବେଳେ ସେ ଅନେକ ସମସ୍ୟା ସାମ୍ନା କରିଛନ୍ତି । ହୋଟେଲରେ ଝାଡ଼ୁପୋଛା ଲଗାଇଛନ୍ତି । ଏମିତିକି ଟଏଲେଟ୍ ମଧ୍ୟ ସଫା କରିବାକୁ ପଡ଼ିଛି ବୋଲି କହିଥିଲେ ମାହିରା ।
ମାଧୁରୀ ଦୀକ୍ଷିତ ତାଙ୍କର ପ୍ରେରଣା ଓ ‘ବେଟା’ ଫିଲ୍ମର ‘ଧକ୍ ଧକ୍ କରନେ ଲଗା...’ଗୀତରେ ମାଧୁରୀଙ୍କ ନୃତ୍ୟ ଦେଖି ସେ ଅଭିନୟ ଦୁନିଆରେ ପ୍ରବେଶ କରିଥିଲେ ବୋଲି ମାହିରା ସାକ୍ଷାତକାରରେ କହିଥିଲେ । ‘ହମ୍ସଫର’ ଫିଲ୍ମରେ ଫୱାଦ ଖାନଙ୍କ ସହ ତାଙ୍କର ବିବାହ ଦୃଶ୍ୟ ସୁଟିଂ ବେଳେ ସେ ଲାଲ ସିଫନ ଦୁପଟ୍ଟା ପିନ୍ଧିଥିଲେ । ତାହା ‘ଓ ରାମ୍ଜୀ...’ ଗୀତରେ ମାଧୁରୀ ଦୀକ୍ଷିତଙ୍କ ଲୁକ୍ରୁ ପ୍ରେରିତ ଥିଲା ବୋଲି କହିଥିଲେ ମାହିରା ।
