ଆଠଗଡ଼: ଚୋରା ଚାଲାଣବେଳେ ଦୁଇଟି ହରିଣ ଶିଙ୍ଘ ସହ ଜଣକୁ ଗିରଫ କରିଛି ବଡ଼ମ୍ବା ପୋଲିସ । ଗିରଫ ଅଭିଯୁକ୍ତ ଜଣକ ହେଲେ କେନ୍ଦ୍ରାପଡ଼ା ଜିଲ୍ଲା ଅଞ୍ଚଳର ସତ୍ୟବ୍ରତ ନାୟକ। ତା’ ନିକଟରୁ ଦୁଇଟି ହରିଣ ଶିଙ୍ଘ ସହିତ ଏହି କାରବାରରେ ବ୍ୟବହୃତ ଏକ ମୋଟସାଇକେଲକୁ ମଧ୍ୟ ଜବତ କରି ବନ ବିଭାଗକୁ ହସ୍ତାନ୍ତର କରିଛି ପୋଲିସ ।
ସୂଚନା ଅନୁଯାୟୀ, ହରିଣ ଶିଙ୍ଘ ନେଇ ଯାଉଥିବା ଖବର ପାଇଁ ଭଟ୍ଟାରିକା ଛକଠାରେ ଅଭିଯୁକ୍ତକୁ କାବୁ କରିଥିଲା ଆଠଗଡ଼ ପୋଲିସ। କଟକ ଗ୍ରାମାଞ୍ଚଳ ଏସପି ପ୍ରତୀକ ସିଂଙ୍କ ନିର୍ଦ୍ଦେଶ କ୍ରମେ ବଡ଼ମ୍ବା ଥାନା ଅଧିକାରୀଙ୍କ ନେତୃତ୍ୱରେ ଏହି ଟିମ୍ ଚଢ଼ଉ କରିଥିଲା। ତେବେ ଅଭିଯୁକ୍ତ ବନ ବିଭାଗକୁ ହସ୍ତାନ୍ତର କରିଛି ବଡ଼ମ୍ବା ପୋଲିସ୍।
