ଭଦ୍ରକ ୨୭।୮: ଦିନ ଦ୍ୱିପ୍ରହରରେ ଟ୍ରକରୁ ବ୍ୟାଟେରୀ ଚୋରି କରୁଥିବା ବେଳେ ୨ ଜଣ ଲୁଟେରାଙ୍କୁ କାବୁ କଲେ ସ୍ଥାନୀୟ ଲୋକେ । ଉତ୍ତମ ମଧ୍ୟମ ଦେଇ ପୋଲିସକୁ ହସ୍ତାନ୍ତର କରାଯାଇଛି । ଭଦ୍ରକ ଜିଲ୍ଲା ଭଣ୍ଡାରିପୋଖରୀ ଥାନା କଂରାପୋଖରୀ ଛକ ନିକଟରେ ଘଟିଛି ଘଟଣା ।
ସୂଚନାଯୋଗ୍ୟ ଯେ, ଭଦ୍ରକ ୧୬ ନମ୍ୱର ଜାତୀୟ ରାଜପଥ ପାର୍ଶ୍ଵରେ ମା’ କୁନ୍ତଳା ଟ୍ରେଡ଼ର୍ସର ଗୋଟିଏ ଟ୍ରକ ଛିଡା ହୋଇଥିଲା । ଏତିକି ବେଳେ ୨ ଜଣ ଲୁଟେରା କୌଶଳ କ୍ରମେ ଟ୍ରକ୍ର ବ୍ୟାଟେରୀକୁ ରେଞ୍ଚି ଲଗାଇ କାଢ଼ୁଥିଲେ । ଏହା ଦେଖି ଜଣେ ବ୍ୟକ୍ତି ଡାକ ପକାଇବାରୁ ସ୍ଥାନୀୟ ଲୋକେ ଦୌଡ଼ି ଆସିଥିଲେ । ସେମାନେ ଏହି ଦୁଇ ଜଣ ଲୁଟେରାଙ୍କୁ କାବୁ କରି ନେଇଥିଲେ । ପରେ ତାଙ୍କୁ ଉତ୍ତମ ମଧ୍ୟମ ଦେଇ ରସିରେ ବାନ୍ଧି ଭଣ୍ଡାରିପୋଖରୀ ପୋଲିସକୁ ଖବର ଦେଇଥିଲେ । ଖବର ପାଇ ପୋଲିସ ସେଠାରେ ପହଞ୍ଚି ସେମାନଙ୍କୁ ଗିରଫ କରିବା ସହିତ ଗୋଟିଏ ମୋଟର ସାଇକେଲ ଓ ଚୋରିରେ ବ୍ୟବହୃତ ରେଞ୍ଚି ଓ ଅନ୍ୟାନ୍ୟ ଜିନିଷ ଜବତ କରି ଥାନାକୁ ଆଣିଛି । ଗିରଫ ଦୁଇ ଅଭିଯୁକ୍ତ ହେଲେ ଧାମନଗର ଥାନା ହବିବ ନଗର ଅଂଚଳର ସଦାମ ହୁସେନ ଓ ସେକ ରାଜା ବୋଲି ସୂଚନା ମିଳିଛି । ଏହି ଦୁଇ ଜଣ ବିଭିନ୍ନ ସମୟରେ ଗାଡିରୁ ବ୍ୟାଟେରୀ ଚୋରି କରିଥାନ୍ତି ।
You Can Read:
ଭଦ୍ରକରେ ଜିଲ୍ଲା ସ୍ତରୀୟ ଡିଜିଟାଲ ଫସଲ ସର୍ବେକ୍ଷଣ କାର୍ଯ୍ୟକ୍ରମ ଶୁଭାରମ୍ଭ
