ନୂଆପଡା ୨୦/୦୧: ସୁରକ୍ଷା ବାହିନୀ ଓ ମାଓବାଦୀ ମୁହାଁମୁହିଁ । ଜଙ୍ଗଲରେ ଲୁଚି ରହିଛନ୍ତି ଅନେକ ମାଓବାଦୀ । ନୂଆପଡା ଛତିଶଗଡ ସୀମାନ୍ତବର୍ତ୍ତୀ କୁଲାରୀଘାଟ ସଂରକ୍ଷିତ ଜଙ୍ଗଲରେ ସୁରକ୍ଷା ବାହିନୀ ଓ ମାଓବାଦୀ ମୁହାଁମୁହିଁ । ଉଭୟଙ୍କ ମଧ୍ୟରେ ଚାଲିଛି ଜୋରଦାର ଗୁଳି ବିନିମୟ । ଅପରେସନରେ ଛତିଶଗଡର ସୁରକ୍ଷା ବାହିନୀ ଓ କେନ୍ଦ୍ରୀୟ ସୁରକ୍ଷା ବାହିନୀ ସହ ନୂଆପଡାର SOG ୪୪ ନମ୍ବର ଟିମ୍ ସାମିଲ୍ ।

ଅଧିକ ପଢନ୍ତୁ...

ଚାଷ ଜମିରେ ହୁତୁହୁତୁ ହୋଇ ଜଳିଗଲା ହାର୍ଭେଷ୍ଟର

ସୂଚନା ଥାଉକି, ଛତିଶଗଡ ମେନପୁର ଥାନା କୁଲାରୀଘାଟ ଜଙ୍ଗଲରେ ଅନେକ ସଂଖ୍ୟାରେ ମାଓବାଦୀ ଲୁଚି ରହିଥିବା ନେଇ ଗୁଇନ୍ଦା ସୂଚନା ମିଳିଥିଲା । ଏହି ସୂଚନା ମିଳିବା ପରେ ଆନ୍ତଃରାଜ୍ୟ ଅଭିଯାନ ମାଧ୍ୟମରେ ଉଭୟ ରାଜ୍ୟର ସୁରକ୍ଷା କର୍ମୀଙ୍କ ଅପରେସନ ଜୋରଦାର କରାଯାଇଛି । ଏବେ ବି ସେଠି ଗୁଳି ବିନିମୟ ଚାଲିଛି । ଏନେଇ ସୂଚନା ଦେଇଛନ୍ତି ନୂଆପଡା ଏସପି ଗୁନ୍ଦାଲା ରାଘବେନ୍ଦ୍ର ରେଡ୍ଡୀ।