ନୂଆଦିଲ୍ଲୀ: ବଞ୍ଚିଥିବା ସମୟରେ ଯେମିତି ସମାଜ ସେବା କରୁଥିଲେ ଆଜି ମୃତ୍ୟୁ ପରେ ବି ରତନ ଟାଟାଙ୍କ ସମାଜ ସେବା ଜାରି ରହିଛି। ସ୍ୱର୍ଗତ ଶିଳ୍ପପତି ରତନ ଟାଟାଙ୍କ ପ୍ରାୟ ୩,୮୦୦ କୋଟି ଟଙ୍କାର ସମ୍ପତ୍ତିର ଇଚ୍ଛାପତ୍ରର ଏକ ପ୍ରମୁଖ ଅଂଶ ରତନ ଟାଟା ଏଣ୍ଡାଉମେଣ୍ଟ ଫାଉଣ୍ଡେସନ (RTEF) ଏବଂ ରତନ ଟାଟା ଏଣ୍ଡାଉମେଣ୍ଟ ଟ୍ରଷ୍ଟ (RTET)କୁ ଦିଆଯିବ ବୋଲି ସୂଚନା ମିଳିଛି। ଅବଶିଷ୍ଟ ସମ୍ପତ୍ତି ତାଙ୍କ ପରିବାର, ବନ୍ଧୁ ଏବଂ ନିକଟତର ସହଯୋଗୀମାନଙ୍କ ପାଇଁ ବଣ୍ଟାଯିବ। ଦ ଇକୋନୋମିକ୍ ଟାଇମ୍ସରେ ଏହି ରିପୋର୍ଟ ପ୍ରକାଶ ପାଇଛି।
RTEF ଏବଂ RTET ଉଭୟ ଫାଉଣ୍ଡେସନ୍ ମାନବ ସେବା ଏବଂ ଚାରିଟି କାମ କରନ୍ତି। ରିପୋର୍ଟରେ କୁହାଯାଇଛି ଯେ ଟାଟାଙ୍କ ସମ୍ପତ୍ତିରେ ଟାଟା ସନ୍ସର ଅର୍ଡିନାରୀ ଏବଂ ପ୍ରେଫରେନ୍ସ ଶେୟାର ସହିତ ଅନ୍ୟାନ୍ୟ ଫାଇନାନ୍ସିଆଲ ଆସେଟ୍ସ ରହିଛି। ରତନ ଟାଟାଙ୍କ ୨୩ ଫେବୃଆରୀ, ୨୦୨୨ ତାରିଖର ଥିବା ଇଚ୍ଛାପତ୍ରରେ ତାଙ୍କ ସମ୍ପତ୍ତିର ବିଭାଜନର ବିବରଣୀ ଦିଆଯାଇଛି। ଏହି ଇଚ୍ଛାପତ୍ର ତାଙ୍କ ଦ୍ୱାରା ଆରମ୍ଭ କରାଯାଇଥିବା ମାନବିକ ସେବା ଏବଂ ଚାରିଟି କାର୍ଯ୍ୟକୁ ଜାରି ରଖିବାକୁ ଗୁରୁତ୍ୱ ଦିଆଯାଇଛି।
ସାବତ ଭାଇ ଜିମି ଙ୍କୁ ଜୁହୁରେ ଥିବା ସମ୍ପତ୍ତିର ଅଧା ଭାଗ ମିଳିବ।
ରତନ ଟାଟାଙ୍କ ସାବତ ଭାଇ ଜିମି ନାଭାଲ ଟାଟାଙ୍କୁ ଜୁହୁ ସମ୍ପତ୍ତିର ଅଧା ଭାଗ ମିଳିବ।,ସେ ରତନ ଟାଟା ତାଙ୍କ ପିତା ନାଭାଲ ଏଚ୍ ଟାଟାଙ୍କଠାରୁ ଉତ୍ତରାଧିକାରୀ ଭାବରେ ପାଇବେ। ଏହାର ମୂଲ୍ୟ ପ୍ରାୟ ୧୬ କୋଟି ଟଙ୍କା ହେବ ବୋଲି କୁହାଯାଉଛି। ବଳକା ସମ୍ପତ୍ତି ସିମନ ଟାଟା ଏବଂ ନୋଏଲ ଟାଟାଙ୍କ ମଧ୍ୟରେ ବାଣ୍ଟି ଦିଆଯିବ।
ଏହା ବ୍ୟତୀତ ଜିମି ଟାଟାଙ୍କୁ ରୁପା ପାତ୍ର ଏବଂ କିଛି ଅଳଙ୍କାର ମିଳିବ। ରତନ ଟାଟାଙ୍କ ଘନିଷ୍ଠ ବନ୍ଧୁ ମେହଲି ମିସ୍ତ୍ରୀଙ୍କୁ ଅଲିବାଗରେ ଥିବା ସମ୍ପତ୍ତି ଏବଂ ତିନୋଟି ବନ୍ଧୁକର କଲେକ୍ସନ ଦିଆଯିବ। ଯେଉଁଥିରେ ଗୋଟିଏ .୨୫ ବୋର ପିସ୍ତଲ ରହିଛି।
ସାବତ ଭଉଣୀ ଶିରିନ ଓ ଡିଆନାଙ୍କୁ ମିଳିବ ୮୦୦ କୋଟି
ରତନ ଟାଟାଙ୍କ ଆର୍ଥିକ ସମ୍ପତ୍ତିର ଏକ ତୃତୀୟାଂଶ, ଯେଉଁଥିରେ ବ୍ୟାଙ୍କ ଏଫଡି, ଫାଇନାନ୍ସିଆଲ ଆସେଟ୍ସ, ଆର୍ଟ ଏବଂ ଘଣ୍ଟା ଭଳି ଫିଜିକାଲ ଆସେଟ୍ସ ରହିଛି। ଏହି ସମସ୍ତ ସମ୍ପତ୍ତିର ଆନୁମାନିକ ମୂଲ୍ୟ ୮୦୦ କୋଟି ଟଙ୍କା ହେବ। ଯାହାକୁ ତାଙ୍କର ସାବତ ଭଉଣୀ ଶିରିନ ଜୀଜୀଭୋଇ, ଡିଆନା ଜୀଜୀଭୋଇ ଏବଂ ଟାଟା ଗ୍ରୁପର ପୂର୍ବତନ କର୍ମଚାରୀ ମୋହିନୀ ଏମ. ଦତ୍ତାଙ୍କ ମଧ୍ୟରେ ବାଣ୍ଟି ଦିଆଯିବ। ମୋହିନୀ ଏମ୍. ଦତ୍ତା ରତନ ଟାଟାଙ୍କ ନିକଟତର ଥିଲେ। ରିପୋର୍ଟରେ କୁହାଯାଇଛି ଯେ ଅନଲିଷ୍ଟେଡ୍ ଷ୍ଟକ୍ସ ଏବଂ ଶେୟାର, ସହିତ ଡିଟେଲ୍ସ ନଥିବା ଯେକୌଣସି ସମ୍ପତ୍ତିକୁ RTEF ଏବଂ RTET ମଧ୍ୟରେ ସମାନ ଭାବରେ ବାଣ୍ଟି ଦିଆଯିବ।
ପ୍ରତ୍ୟେକ ଟାଟା ପୋଷା ପ୍ରାଣୀ ପ୍ରତି ତ୍ରୟମାସିକରେ ₹୩୦,୦୦୦ ପାଇବେ।
ରତନ ଟାଟାଙ୍କ ଇଚ୍ଛାପତ୍ରରେ ଏହା ମଧ୍ୟ ଉଲ୍ଲେଖ ରହିଛି ଯେ ରତନ ଟାଟାଙ୍କ ମୃତ୍ୟୁ ପରେ ମଧ୍ୟ ତାଙ୍କ ପାଳିତ ପଶୁମାନଙ୍କର ଯତ୍ନ ନିଆଯିବ।ସେମାନଙ୍କ ଯତ୍ନ ପାଇଁ ୧୨ ଲକ୍ଷ ଟଙ୍କା ରଖାଯାଇଛି, ଯେଉଁଥିରେ ପ୍ରତ୍ୟେକ ପାଳିତ ପଶୁଙ୍କୁ ପ୍ରତି ତ୍ରୈମାସିକ ପାଇଁ ୩୦,୦୦୦ ଟଙ୍କା ମିଳିବ। ଟାଟାର କାର୍ଯ୍ୟନିର୍ବାହୀ ସହାୟକ ଶାନ୍ତନୁ ନାଇଡୁଙ୍କ ଛାତ୍ର ଋଣ ଛାଡ କରାଯିବ, ଓ ତାଙ୍କ ପଡ଼ୋଶୀ ଜେକ୍ ମାଲାଇଟ୍ ମଧ୍ୟ ସୁଧମୁକ୍ତ ଶିକ୍ଷା ଋଣର ଲାଭ ପାଇବେ।
ସମ୍ପତ୍ତିରେ ନଗଦ, ବ୍ୟାଙ୍କ ଆକାଉଣ୍ଟ, ଏଫଡି ଏବଂ ବିଦେଶୀ ସମ୍ପତ୍ତି ସାମିଲ
କୋର୍ଟ କାଗଜପତ୍ର ଅନୁଯାୟୀ, ତାଙ୍କ ସମ୍ପତ୍ତିରେ ୪ ଲକ୍ଷ ଟଙ୍କାରୁ ଅଧିକ ମୂଲ୍ୟର ନଗଦ, ସ୍ଥାନୀୟ ବ୍ୟାଙ୍କ ଆକାଉଣ୍ଟ ଏବଂ ପ୍ରାୟ ୩୬୭ କୋଟି ଟଙ୍କାର ଏଫଡି ଅନ୍ତର୍ଭୁକ୍ତ। ରତନ ଟାଟାଙ୍କ ବିଦେଶୀ ସମ୍ପତ୍ତିରେ ଇଷ୍ଟ ଆଫ୍ରିକାର ସେସେଲ୍ସ ସହରରେ ୪୦ କୋଟି ଟଙ୍କାର ସମ୍ପତ୍ତି, ୱେଲ୍ସ ଫାର୍ଗୋ ଏବଂ ମୋର୍ଗାନ ଷ୍ଟାନଲିରେ ବ୍ୟାଙ୍କ ଆକାଉଣ୍ଟ ବ୍ୟତୀତ ଏଲ୍କୋଆ କର୍ପ ଏବଂ ହାଓମେଟ୍ ଏରୋସ୍ପେସରେ ସେୟାର ରହିଛି।
ସମ୍ପତ୍ତି ତାଲିକାରେ ବୁଲଗାରି-ଟିସୋଟ୍ ଭଳି ବ୍ରାଣ୍ଡର 65ଟି ଲଗଜରୀ ଘଣ୍ଟା ମଧ୍ୟ ଅନ୍ତର୍ଭୁକ୍ତ।
ରତନ ଟାଟାଙ୍କ ସମ୍ପତ୍ତି ତାଲିକାରେ ବୁଲଗାରି, ପାଟେକ୍ ଫିଲିପ୍, ଟିସାର୍ଟ ଏବଂ ଅଡେମାର୍ସ ପିଗୁଏଟ୍ ଭଳି ବ୍ରାଣ୍ଡର ୬୫ଟି ଲଗଜରୀ ଘଣ୍ଟା ମଧ୍ୟ ରହିଛି। ସେସେଲ୍ସରେ ଟାଟାର ଜମି ଅଧିକାର RNT ଆସୋସିଏଟ୍ସ ସିଙ୍ଗାପୁରକୁ ସ୍ଥାନାନ୍ତରିତ କରାଯିବ। RNT ଆସୋସିଏଟ୍ସ ଇଣ୍ଡିଆ ଏବଂ ସିଙ୍ଗାପୁରରେ ସେୟାରଧାରୀ R ଭେଙ୍କଟରମଣ ଏବଂ ପାଟ୍ରିକ୍ ମ୍ୟାକଗୋଲ୍ଡଡ୍ରିକ୍ ଅଧିକାରକୁ କାଏମ ରଖିବା ପାଇଁ ମଧ୍ୟ ନିର୍ଦ୍ଦେଶ ଦିଆଯାଇଛି।ପ୍ରୋବେଟ୍ ପ୍ରକ୍ରିୟାର ଏକ ଅଂଶ ଭାବରେ, ଟାଟାଙ୍କ ଇଚ୍ଛାପତ୍ରର ଏଗ୍ଜିକ୍ୟୁଟର୍ସଙ୍କ ମଧ୍ୟରେ- ଆଡଭୋକେଟ୍ ଡାରିୟସ୍ କାମବାଟ୍ଟା, ମେହଲି ମିସ୍ତ୍ରୀ ଏବଂ ତାଙ୍କ ଭଉଣୀ ଶିରିନ୍ ଏବଂ ଡିଆନା ଜେଜିଭୋୟ - ବମ୍ବେ ହାଇକୋର୍ଟରେ ଏକ ଆବେଦନ ଦାଖଲ କରିଛନ୍ତି। ପ୍ରୋବେଟ୍ ପ୍ରକ୍ରିୟା ଇଚ୍ଛାପତ୍ରର ସତ୍ୟତା ଯାଞ୍ଚ କରେ ଏବଂ କାର୍ଯ୍ୟନିର୍ବାହୀଙ୍କୁ ସମ୍ପତ୍ତି ବାଣ୍ଟିବାର କ୍ଷମତା ଦିଆଯାଏ। ଏହି ପ୍ରକ୍ରିୟା ପାଇଁ ପ୍ରାୟ ଛଅ ମାସ ସମୟ ଲାଗିବ ବୋଲି ଆଶା କରାଯାଉଛି। ରତନ ଟାଟାଙ୍କର ୯ ଅକ୍ଟୋବର ୨୦୨୪ରେ ମୁମ୍ବାଇର ବ୍ରିଚ୍ କ୍ୟାଣ୍ଡି ହସ୍ପିଟାଲରେ ମୃତ୍ୟୁ ହୋଇଥିଲା।
୧୯୯୦ ରୁ ୨୦୧୨ ପର୍ଯ୍ୟନ୍ତ ଟାଟା ଗ୍ରୁପର ଅଧ୍ୟକ୍ଷ ଥିଲେ ରତନ ଟାଟା
୨୮ ଡିସେମ୍ବର ୧୯୩୭ରେ ଜନ୍ମିତ ରତନ ଟାଟା ହେଉଛନ୍ତି ଟାଟା ଗ୍ରୁପର ପ୍ରତିଷ୍ଠାତା ଜାମସେଦଜୀ ଟାଟାଙ୍କ ଅଣନାତୀ। ସେ ୧୯୯୦ ରୁ ୨୦୧୨ ପର୍ଯ୍ୟନ୍ତ ଗ୍ରୁପର ଅଧ୍ୟକ୍ଷ ଥିଲେ ଏବଂ ଅକ୍ଟୋବର ୨୦୧୬ ରୁ ଫେବୃଆରୀ ୨୦୧୭ ପର୍ଯ୍ୟନ୍ତ ମଧ୍ୟବର୍ତ୍ତୀକାଳୀନ ଅଧ୍ୟକ୍ଷ ଥିଲେ। ରତନ ଟାଟା ଗ୍ରୁପର ଚାରିଟେବଲ୍ ଟ୍ରଷ୍ଟର ମୁଖ୍ୟ ଥିଲେ।
ରତନ ତାଙ୍କ ପାରିବାରିକ ପରମ୍ପାରକୁ ଖୁବ୍ ଉଚ୍ଚ ସ୍ତରକୁ ନେଇଯାଇଥିଲେ। ସେ ଏୟାର ଇଣ୍ଡିଆକୁ ତାଙ୍କ ସାମ୍ରାଜ୍ୟରେ ସାମିଲ କରିଥିଲେ। ବିଦେଶୀ କମ୍ପାନୀ ପୋର୍ଟଫୋଲିଓରେ ଫୋର୍ଡର ଲଗଜରୀ କାର୍ ବ୍ରାଣ୍ଡ ଲ୍ୟାଣ୍ଡ ରୋଭର ଏବଂ ଜାଗୁଆରକୁ ମଧ୍ୟ ଯୋଡ଼ିଥିଲେ।
