ଲିୟାମ୍ ଲିଭିଙ୍ଗଷ୍ଟୋନଙ୍କ ଅର୍ଦ୍ଧଶତକ, ଗୁଜରାଟକୁ ୧୭୦ ରନ୍ ଟାର୍ଗେଟ୍ ଦେଲା ବେଙ୍ଗାଲୁରୁ

Published By : Prameya-News7 Bureau | April 02, 2025 IST

IPL/BCCI

ବେଙ୍ଗାଲୁରୁ: ଦମଦାର ବୋଲିଂ ବଳରେ ଆରସିବିକୁ ୧୬୯ ରନରେ ଅଟକାଇବାରେ ସକ୍ଷମ ହୋଇଛି ଗୁଜରାଟ ଟାଇଟନ୍ସ । ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ ନିର୍ଦ୍ଧାରିତ ୨୦ ଓଭରରେ ୮ ୱିକେଟ୍ ହରାଇ ୧୬୯ ରନ୍ କରିଛି । ବିଜୟ ପାଇଁ ଗୁଜରାଟ ସାମନାରେ ୧୭୦ ରନ୍ ଟାର୍ଗେଟ୍ ଦେଇଛି ଦଳ । ବେଙ୍ଗାଲୁରୁ ପାଇଁ ଲିଆମ ଲିଭିଙ୍ଗଷ୍ଟୋନ୍ ସର୍ବାଧିକ ୫୪ କରିଥିଲେ । ଅନ୍ୟପଟେ ଗୁଜରାଟ ପାଇଁ ମହମ୍ମଦ ସିରାଜ ସର୍ବାଧିକ ୩ ୱିକେଟ୍ ନେଇଥିଲେ ।

ଆଜି IPL ୨୦୨୫ର ୧୪ତମ ମ୍ୟାଚ୍ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ଏବଂ ଗୁଜରାଟ ଟାଇଟାନ୍ସ ମଧ୍ୟରେ ଖେଳାଯାଉଛି । ବେଙ୍ଗାଲୁରୁର ଏମ୍ ଚିନ୍ନାସ୍ୱାମୀ ଷ୍ଟାଡିୟମରେ ଉଭୟ ଦଳ ମୁହାଁମୁହିଁ ହେଉଛନ୍ତି । ଗୁଜରାଟ ଟସ୍ ଜିତି ବୋଲିଂ କରିବାକୁ ନିଷ୍ପତ୍ତି ନେଇଥିଲା ।ଟସ୍ ହାରିବା ପରେ ବ୍ୟାଟିଂ କରିବାକୁ ଆସିବା ପରେ ଆରସିବିର ଆରମ୍ଭ ଭଲ ନଥିଲା । ଦ୍ୱିତୀୟ ଓଭରରେ ଷ୍ଟାର ବ୍ୟାଟସମ୍ୟାନ ବିରାଟ କୋହଲି ୭ ରନ୍ କରି ଅର୍ସାଦଙ୍କ ବଲରେ ଆଉଟ୍ ହୋଇଥିଲେ । ଫିଲିପ୍ସ ସଲ୍ଟ ୧୪, ଦେବଦତ୍ତ ପାଡିକଲ ୪ ଏବଂ ଅଧିନାୟକ ରଜତ ପାଟିଦାର ୧୨ କରି ଆଉଟ୍ ହୋଇଥିଲେ । 

୪୨ ରନରେ ଆରସିବି ୪ଟି ୱିକେଟ ହରାଇଥିଲା । ଏହା ପରେ ଲିଭିଙ୍ଗଷ୍ଟୋନ ଏବଂ ଜିତେଶ ଶର୍ମାଙ୍କ ମଧ୍ୟରେ ପଞ୍ଚମ ୱିକେଟ ପାଇଁ ୫୨ ରନର ଭାଗୀଦାରି କରିଥିଲେ । ଜିତେଶ ୨୧ ବଲ୍‌ରେ ୩୩ ରନ୍ କରିଥିଲେ । କୃଣାଲ ପାଣ୍ଡ୍ୟା ୫ କରି ଆଉଟ୍ ହୋଇଥିଲେ । ଲିଭିଙ୍ଗ୍‌ଷ୍ଟୋନ୍ ସପ୍ତମ ୱିକେଟ୍‌ ପାଇଁ ଟିମ୍ ଡେଭିଡଙ୍କ ସହ ୪୬ ରନ୍‌ର ଭାଗୀଦାରୀ କରି ଆର୍‌ସିବିକୁ ଏକ ଚ୍ୟାଲେଞ୍ଜିଂ ସ୍କୋର୍‌ରେ ପହଞ୍ଚାଇଥିଲେ । ଡେଭିଡ୍ ୨୦ତମ ଓଭରରେ ୧୬ ରନ୍ କରିଥିଲେ । ସେପଟେ ଗୁଜରାଟ ପାଇଁ ମହମ୍ମଦ ସିରାଜ ୩ ଓ ସାଇ କିଶୋର ୨ ୱିକେଟ୍ ନେଇଥିଲେ ।

 

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.