ବେଙ୍ଗାଲୁରୁ: ମହମ୍ମଦ ସିରାଜଙ୍କ ଶାଣିତ ବୋଲିଂ ପରେ ଜୋସ୍ ବଟଲରଙ୍କ ବିସ୍ଫୋରକ ବ୍ୟାଟିଂ ବଳରେ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ ବିପକ୍ଷରେ ଦମଦାର ବିଜୟ ହାସଲ କରିଛି ଗୁଜରାଟ ଟାଇଟନ୍ସ। ନିଜର ଘରୋଇ ମଇଦାନରେ ସିଜିନର ପ୍ରଥମ ମ୍ୟାଚ୍ ଖେଳିଥିବା ବେଙ୍ଗାଲୁରୁକୁ ପରାଜୟର ସ୍ଵାଦ ଚାଖିବାକୁ ପଡ଼ିଛି। ଏଥି ସହ ସିଜିନର ପ୍ରଥମ ପରାଜୟ ଭୋଗି ପଏଣ୍ଟ ତାଲିକାର ଶୀର୍ଷରେ ଥିବା ବେଙ୍ଗାଲୁରୁ ତୃତୀୟକୁ ଖସି ଆସିଛି। ଅନ୍ୟପଟେ ଗୁଜରାଟ କ୍ରମାଗତ ଦ୍ଵିତୀୟ ବିଜୟ ହାସଲ କରିଛି। ମ୍ୟାଚ୍‌ରେ ଟସ୍ ଜିତି ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଥିଲା ଗୁଜରାଟ। 

ବେଙ୍ଗାଲୁରୁ ଦ୍ଵାରା ଧାର୍ଯ୍ୟ ୧୭୦ ରନର ବିଜୟ ଲକ୍ଷ୍ୟକୁ ଗୁଜରାଟ ୧୩ଟି ବଳ ବଳକା ଥାଇ ମାତ୍ର ୨ ଓ୍ଵିକେଟ୍ ହରାଇ ହାସଲ କରି ନେଇଛି। ଜୋସ୍ ବଟଲର ୭୩ ରନର ଅପରାଜିତ ବିସ୍ଫୋରକ ଇନିଂସ ଖେଳି ଦଳକୁ ଜିତାଇଥିବା ବେଳେ ସାଇ ସୁଦର୍ଶନ ୪୯ ରନ ଓ ଶେରଫେନ ରଦରଫୋର୍ଡ ୩୯ ରନ କରି ଅପରାଜିତ ଥିଲେ। ଏହା ପୂର୍ବରୁ ଆରସିବି ୮ ଓ୍ଵିକେଟ୍ ହରାଇ ୧୬୯ ରନ କରିଥିଲା। ଦଳ ପକ୍ଷରୁ ଲିୟାମ ଲିଭିଙ୍ଗଷ୍ଟୋନ ୫୪ ରନ ରନ କରିଥିବା ବେଳେ ଜିତେଶ ଶର୍ମା ୩୩ ରନ ଓ ଟିମ୍ ଡେଭିଡ୍ ୩୨ ରନ କରିଥିଲେ। ବେଙ୍ଗାଲୁରୁ ପକ୍ଷରୁ ମହମ୍ମଦ ସିରାଜ ୧୯ ରନ ଦେଇ ୩ ଓ୍ଵିକେଟ୍ ଅକ୍ତିକାର କରି ଦଳ ବିଜୟରେ ଗୁରୁତ୍ଵପୂର୍ଣ୍ଣ ଭୂମିକା ଗ୍ରହଣ କରିଛନ୍ତି। 

Also read: BCCI ଜାରି କଲା ଟିମ୍ ଇଣ୍ଡିଆର ହୋମ ସିଡ୍ୟୁଲ, ଓଡ଼ିଶା କ୍ରିକେଟ୍ ପ୍ରେମୀଙ୍କ ପାଇଁ ଖୁସିର ଖବର