କଟକ ୨୪।୧୧; ବର୍ତ୍ତମାନ ଖୁବ ଚଳଚଞ୍ଚଳ ଓଡିଆ ସିନେ ଜଗତ । ବିଗତ ଦିନରେ ଭଲ ଭଲ କାହାଣୀକୁ ନେଇ ଅନେକ ଫିଲ୍ମ ରିଲିଜ ହୋଇଛି। ଯାହା ସିନେ ପ୍ରେମିଙ୍କ ମନକୁ ଛୁଇଁବା ସହିତ ବକ୍ସ ଅଫିସରେ ମଧ୍ୟ ଭଲ ବ୍ୟବସାୟ କରୁଛି । ଏହି ଧାରାରେ ଏବେ ଫିଲ୍ମ ପାଇଁ ନିଚ୍ଛକ କାହାଣୀ ଓ ବାସ୍ତବବାଦୀ ବିଷୟବସ୍ତୁକୁ ଧ୍ୟାନ ଦିଆଯାଉଛି । ଆଗକୁ ଏମିତି ଏକ କାହାଣୀ ଓଡିଆ ସିନେପ୍ରେମୀ ଦେଖିବାକୁ ପାଇବେ ‘ଘମାଘୋଟ’ ଜରିଆରେ ।
କୌସ୍ତଭ ଡ୍ରିମ୍ ୱାର୍କ୍ସ ତରଫରୁ କଟକ ବାଲିଯାତ୍ରାରେ ରିଲିଜ ହେଲା ‘ଘମାଘୋଟ’ ଫିଲ୍ମର ପୋଷ୍ଟର । କୌସ୍ତଭ ଡ୍ରିମୱାର୍କସ୍ ଷ୍ଟୁଡିଓ ତରଫରୁ ବାଲିଯାତ୍ରାରେ ଯାହାର ଫୋଷ୍ଟର କରାଯାଇଛି ରିଲିଜ୍ । ଅନେକ ଦିନରୁ ଚର୍ଚ୍ଚାରେ ଥିବା ଫିଲ୍ମ ‘ଘମାଘୋଟ’ ରେ ଭରି ରହିଛି ଧମାକାଦାର ଆକ୍ସନ ସହିତ ଦମ୍ଦାର କାହାଣୀ । ଗତକାଲି ରାତିରେ ଐତିହାସିକ ବାଲିଯାତ୍ରାରେ ଏହାର ପ୍ରଥମ ପୋଷ୍ଟର ରିଲିଜ କରାଯାଇଥିଲା ।
ତେବେ ଏହି ଫିଲ୍ମରେ ରାଜା ଡି ନିର୍ଦ୍ଦେଶନା ଦେଇଥିବା ବେଳେ ପ୍ରଯୋଜନା ଭାର ସମ୍ଭାଳିଛନ୍ତି କୌଶିକ ଦାସ୍ ଓ ରାମ ପଟ୍ଟନାୟକ । ସହ ପ୍ରଯୋଜନାରେ ଅଛନ୍ତି କୌସ୍ତବ ଦାସ୍ ।
ଫିଲ୍ମରେ ଅନେକ ଷ୍ଟାରକାଷ୍ଟ ଅଛନ୍ତି। ଯେଉଁଥିରେ ସନୋଜ ପଣ୍ଡା, ଅଭିଷେକ ପଣ୍ଡା,ସନ୍ଦୀପ ମିଶ୍ର, ତପି ମିଶ୍ର, ଆକାଶ ହୋତା, ଆକାଶ ରାଉତ, ଶୈଳେନ୍ଦ୍ର ସାମନ୍ତରାୟ, କ୍ରିଷ୍ଣା କର, ରାଜେଶ ପଣ୍ଡା, ଜୋଣ୍ଟି, ଏମୋନ ପ୍ରଧାନ ଓ ବିଭାସ ରହିଛନ୍ତି। ତେବେ କଟକ ବାଲିଯାତ୍ରାରେ ଅନୁଷ୍ଠିତ ଏହି ଆୟୋଜନରେ ଫ୍ୟାନ୍ସ ନିଜ ପସନ୍ଦର କଳାକାରଙ୍କୁ ଦେଖି ଖୁସି ହେବା ସହିତ ଅପକମିଙ୍ଗ ଫିଲ୍ମ ପାଇଁ ଶୁଭେଚ୍ଛା ଜଣାଇଥିଲେ ।
