ନୂଆଦିଲ୍ଲୀ ୧୧।୦୨; ମଧ୍ୟପ୍ରଦେଶରେ ମର୍ମନ୍ତୁଦ ଦୁର୍ଘଟଣା । ଟ୍ରାଭେଲର ଓ ଟ୍ରକ୍ ମଧ୍ୟରେ ଜୋରଦାର ଧକ୍କା ହୋଇଥିଲା । ଜଗଦଲପୁର ଜିଲ୍ଲା ସିହୋରା NH ୩୦ରେ ଏହି ଦୁର୍ଘଟଣା ଘଟିଛି । ସେଥିରେ ୭ ଜଣଙ୍କ ମୃତ୍ୟୁ ହୋଇଥିବା ବେଳେ ଆଉ କିଛି ଆହତଙ୍କୁ ମେଡିକାଲରେ ଭର୍ତ୍ତି କରାଯାଇଛି । ଏହି ସମସ୍ତେ ପ୍ରୟାଗରାଜରୁ ବୁଡ଼ ପକାଇ ଆନ୍ଧ୍ର ପ୍ରଦେଶ ଫେରୁଥିଲେ।

ଟ୍ରାଭେଲର୍‌ରେ ଯାତ୍ରା କରୁଥିବା ଲୋକମାନେ ଆନ୍ଧ୍ରପ୍ରଦେଶର ବୋଲି ଜଣାପଡ଼ିଛି।  ସେମାନେ ପ୍ରୟାଗରାଜରୁ ଫେରୁଥିଲେ। ତେବେ ସିହୋରା ନିକଟରେ ତାଙ୍କ ଗାଡ଼ି ଏକ ଦ୍ରୁତଗାମୀ ଟ୍ରକ୍ ସହିତ ଧକ୍କା ହୋଇଥିଲା। ଦୁର୍ଘଟଣାରେ ଟ୍ରାଭେଲର ପୂରାପୂରି କ୍ଷତିଗ୍ରସ୍ତ ହୋଇଥିଲା। କୁହାଯାଉଛି ଯେ ଟ୍ରାଭେଲରରେ ଏବେ ବି ଅନେକ ଲୋକ ଫସି ରହିଛନ୍ତି । ପୋଲିସ ଗାଁ ଲୋକଙ୍କ ସହ ଉଦ୍ଧାର କାର୍ଯ୍ୟରେ ନିୟୋଜିତ ଅଛନ୍ତି।

ପ୍ରତ୍ୟକ୍ଷଦର୍ଶୀମାନେ ଦାବି କରିଛନ୍ତି ଯେ ଟ୍ରକଟି ହାଇୱେରେ ଭୁଲ ଦିଗରୁ ଆସୁଥିଲା, ଯାହା ଫଳରେ ଦୁର୍ଘଟଣା ଘଟିଥିଲା। ସେ କହିଛନ୍ତି ଯେ ଘଟଣା ସ୍ଥଳରେ ସାତ ଜଣଙ୍କର ମୃତ୍ୟୁ ହୋଇଥିବାବେଳେ ଟ୍ରାଭେଲର ଭିତରେ ଅନେକ ଲୋକ ଫସି ରହିଥିଲେ। ଦୁର୍ଘଟଣା ପରେ, ଜବଲପୁରର କଲେକ୍ଟର ଏବଂ ପୋଲିସ ଅଧୀକ୍ଷକ ଦୁର୍ଘଟଣାସ୍ଥଳକୁ ଆସିଥିଲେ।