ବୈପାରିଗୁଡ଼ା ୦୮।୧୨ : ଖଟିଆରେ ବୁହା ହେଲେ ରୋଗୀ । କୋରାପୁଟ ଜିଲ୍ଲା ବୈପାରୀଗୁଡ଼ା ବ୍ଲକ ମାଝୀଗୁଡ଼ା ପଞ୍ଚାୟତ ଡାଇନିଛୁଆଁ ଗାଁରୁ ଆସିଛି ଏପରି ଏକ ଘଟଣା ।
ଖବର ଅନୁଯାୟୀ, ଶନିବାର ବିଳମ୍ବିତ ରାତିରେ ଡାଇନିଛୁଆଁ ଗାଁର ଦୈତାରୀ ଖିଲଙ୍କ ଅଣ୍ଟା ବ୍ୟଥା ହୋଇଥିଲା । ଏହାପରେ ପରିବାର ଲୋକ ଆମ୍ବୁଲାନ୍ସକୁ ଫୋନ୍ କରିଥିଲେ । ହେଲେ ରାସ୍ତା ଖରାପ ଲାଗି ଗାଁରେ ପହଞ୍ଚିପାରିଲାନି ଆମ୍ବୁଲାନ୍ସ । ଶେଷରେ ବାଧ୍ୟ ହୋଇ ଦୈତାରୀଙ୍କୁ ଖଟିଆରେ ବୋହି ନେଇଥିଲେ ପରିବାର ଲୋକ । ୪ କିଲୋମିଟର ପାଦ ଚଲା ପାହାଡିଆ ରାସ୍ତା ବୋହି ଲମତାପୁଟ ବ୍ଲକର ମୁଣ୍ଡାପୁଟରେ ପହଞ୍ଚିଥିଲେ । ଏହାପରେ ଏକ ଆମ୍ବୁଲାନ୍ସ ଯୋଗେ ଲମତାପୁଟ ସ୍ଥିତ ଆଶାକିରଣ ମେଡିକାଲରେ ଭର୍ତ୍ତି କରାଯାଇଛି ।
