କୋରାପୁଟ ୬।୧୨: ଚାଷୀ ମୁଣ୍ଡରେ ଚଡ଼କ । ନିଆଁ ଲାଗି ଜଳିଗଲା ଏକର ଏକର ଜମିରୁ ଅମଳ ହୋଇଥିବା ଲକ୍ଷାଧିକ ଟଙ୍କାର ଧାନ ଓ ମାଣ୍ଡିଆ । ଦିନ ଦ୍ବିପ୍ରହରରେ ଧାନ ଖଳାରେ ନିଆଁ ଲାଗି ଦେଖୁ ଦେଖୁ ସବୁ ଜଳିପୋଡି ପାଉଁଶ ହୋଇଗଲା । କୋରାପୁଟ ଜିଲ୍ଲା ଦଶମନ୍ତପୁର ବ୍ଲକ ମୁଜାଙ୍ଗ ପଞ୍ଚାୟତର କିଲାର ଗ୍ରାମରେ ଦେଖିବାକୁ ମିଳିଛି ଏଭଳି ଘଟଣା । 

ସୂଚନାଯୋଗ୍ୟ ଯେ, ଗ୍ରାମର ଚାଷୀ ଗୁଚେନା ଭୋଇ, ଶ୍ୟାମ ମୁଦୁଲି, ଗୁବି ମୁଦୁଲି, ଇଟଲି ସାଉନ୍ତା ନିଜ ଜମିରୁ ଅମଳ ହୋଇଥିବା ମାଣ୍ଡିଆ ଓ ଧାନ ନିକଟରେ ଥିବା ଏକ ଖଳାରେ ରଖିଥିଲେ । ଅଚାନକ ଖଳାରେ ନିଆଁ ଲାଗି ଲକ୍ଷାଧିକ ଟଙ୍କାର ଚାଷ ଜଳିପୋଡ଼ି ପାଉଁଶ ହୋଇଯାଇଛି । ଋଣ କରି ଚାଷ କରିଥିବାରୁ ଖଳା ନିକଟରେ ପରିବାର ଲୋକଙ୍କ କାନ୍ଦ ବୋବାଳିରେ ଫାଟି ପଡୁଛି । ପ୍ରଶାସନ ପକ୍ଷରୁ ସହାୟତା ପ୍ରଦାନ କରିବାକୁ ଗ୍ରାମବାସୀ ନିବେଦନ କରିଛନ୍ତି ।

You Can Read:

ଓଡ଼ିଶାକୁ ଏମିତି ଶିଳ୍ପ ଆସୁ ଯେମିତି ଅଧିକ ନିଯୁକ୍ତି ସୃଷ୍ଟି ହେବ : ଶିଳ୍ପ ମନ୍ତ୍ରୀ