ମୁମ୍ଵାଇ ୩୦।୦୧; ବଲିଉଡ୍ ଅଭିନେତା ସୈଫ୍ ଅଲୀ ଖାନ୍। ତାଙ୍କ ଉପରେ ଛୁରାମାଡ଼ ହେବା ଘଟଣା ପରେ ଖାନ ପରିବାର ଓ ଘରର ସୁରକ୍ଷା ବ୍ୟବସ୍ଥାକୁ କଡ଼ାକଡ଼ି କରି ଦିଆଯାଇଛି। ଖାନ ପରିବାର ନିଜର ପିଲାଙ୍କ ସୁରକ୍ଷାକୁ ଦୃଷ୍ଟିରେ ରଖି ଏକ ବଡ଼ ନିଷ୍ପତ୍ତି ନେଇଛନ୍ତି। ଆକ୍ରମଣ ପରେ ସୈଫ୍ ଓ କରୀନା ସେମାନଙ୍କ ପିଲାଙ୍କ ଫଟୋ ଉଠାଇବା ପାଇଁ ପାପାରାଜିଙ୍କୁ ମନା କରିଛନ୍ତି ।
ରିପୋର୍ଟ ଅନୁଯାୟୀ, ‘ସୈଫ ଅଲି ଖାନ ଓ କରୀନା କପୁରଙ୍କ ପିଆର ଜାନୁଆରି ୨୮ ତାରିଖରେ ଗଣମାଧ୍ୟମକୁ ସାକ୍ଷାତକାର କରି କହିଛନ୍ତି, ସୈଫ ଓ କରିନାଙ୍କ ପକ୍ଷରୁ ମୁଁ ଆପଣମାନଙ୍କୁ ଅନୁରୋଧ କରୁଛି କି ଖାନ ପରିବାରର ଦୁଇପୁଅ ତୈମୁର ଓ ଜହାଙ୍ଗୀରଙ୍କ ଫଟୋ ଓ ଭିଡିଓ କଏଦ କରିବେ ନାହିଁ। ସେ ଜନ୍ମଦିନ ପାର୍ଟି ହେଉ କି କୌଣସି ସ୍ଥାନରେ ଖେଳୁଥିବା ସମୟରେ ପିଲାଙ୍କ ଫଟୋ ଉଠାଇ ପାରିବେ ନାହିଁ।ଏଥିପ୍ରତି ସୈଫ ଓ କରୀନା ଏହି ପ୍ରତିବନ୍ଧକ ଲାଗୁ କରିଛନ୍ତି। ଏମିତି ତାଙ୍କ ଘର ତଳେ ଛିଡ଼ା ହେବାକୁ ବାରଣ କରିଛନ୍ତି। ସେ କରିନା ଓ ସୈଫ ଘରୁ ବାହାରିବା ସମୟରେ ହେଉ କି ଆସିବା ବେଳେ ଯେମିତି ଗଣମାଧ୍ୟମ ଉଭୟଙ୍କ ଫଟୋ ଓ ଭିଡିଓ ନେବା ପାଇଁ ହଇରାଣ ନକରନ୍ତୁ।’ କଳାକାରଙ୍କ ଘରେ ଚୋର ପଶି ସୈଫ୍ଙ୍କ ଉପରେ ଆକ୍ରମଣ କରିବା ପରେ ଦୁହେଁ ଏହି ନିଷ୍ପତ୍ତି ନେଇଛନ୍ତି।
