ନୂଆଦିଲ୍ଲୀ ୦୭/୧୧: ସଲମାନଙ୍କ ଜୀବନ ପ୍ରତି ବିପଦ । ବାରମ୍ୱାର ଲରେନ୍ସ ବିଷ୍ନୋଇ ଗ୍ୟାଙ୍ଗରୁ ସଲମାନ ଖାନଙ୍କୁ ହତ୍ୟା ଧମକ ଦିଆଯାଉଛି । ଏହା ପରେ ବଲିଉଡର ବାଦଶାହା ଶାହାରୁଖ ଖାନଙ୍କୁ ମଧ୍ୟ ହତ୍ୟା ଧମକ ଦିଆଯାଇଛି । ଏହି ମାମଲାରେ ବାନ୍ଦ୍ରା ପୋଲିସ ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଛି । ଏବେ ଖବର ଆସୁଛି ଯେ ଶାହାରୁଖଙ୍କୁ ଧମକ ଦେଇଥିବା ଅଭିଯୁକ୍ତଙ୍କୁ ଖୋଜିବାକୁ ରାୟପୁୁ ଯାଇଛି ପୋଲିସ ଟିମ୍ । ଗିରଫ କରାଯାଇଛି ।
ସୂଚନାଥାଉକି, ରାୟପୁରର ଫୈଜନ୍ ନାମକ ଜଣେ ବ୍ୟକ୍ତିଙ୍କ ଧମକପୂର୍ଣ୍ଣ କଲ ଆସିଥିଲା । ଏହି ଫୋନ୍ କଲ ଶାହାରୁଖ ଖାନଙ୍କ ପ୍ରଡକ୍ସନ୍ କମ୍ପାନୀ ରେଡ୍ ଚିଲିଜ୍ଙ୍କ କାର୍ଯ୍ୟାଳୟକୁ ଆସିଥିଲା । ପରେ ସେଠାରେ କିଛି ସମୟରେ ପାଇଁ ଉତ୍ତେଜନା ପ୍ରକାଶ ପାଇଥିଲା । ଧମକପୂର୍ଣ୍ଣ କଲ ପାଇବା ନେଇ ପୋଲିସ ନିକଟରେ ଅଭିଯୋଗ କରାଯାଇଥିଲା । ଏହା ପରେ ମୁମ୍ବାଇର ବାନ୍ଦ୍ରା ପୋଲିସ ଷ୍ଟେସନରେ ଏକ ଏଫଆଇଆର ପଞ୍ଜିକୃତ ହୋଇଛି ।
ସେପଟେ ଅଭିଯୋଗ ଆସିବା ପରେ ମୁମ୍ବାଇ ପୋଲିସ ଟିମ୍ ଛତିଶଗଡ ରାୟପୁରରେ ପହଞ୍ଚିଥିଲା । ପୋଲିସ୍ ଏହି କଲକୁ ଟ୍ରାକ୍ କରି ବା ପରେ ଜଣାପଡିଥିଲା କି ଏହି କଲ୍ଟି ରାୟପୁରରୁ ଆସିଥିଲା । ପୋଲିସ ସେଠାରେ ପହଞ୍ଚି ଲୋକଙ୍କୁ ପଚରାଉଚରା କରିବା ପରେ ଅଭିଯୁକ୍ତର ପତ୍ତା ମିଳିଯିବ ବୋଲି ପୋଲିସର ଆଶା । ଏବେ ପୋଲିସ ସବୁ ଦିଗରୁ ଯାଞ୍ଚ ଆରମ୍ଭ କରିଛି । ଏଥିରେ ସାଇବର ସେଲ୍ ଟିମ୍ ମଧ୍ୟ କାମ କରୁଛି ।
