ମୁମ୍ଵାଇ ୧୯।୦୧; ଜୀ ଟିଭିର ରିଆଲିଟି ଶୋ 'ସା ରେ ଗା ମା ପା'। ଏହି ଶୋ’କୁ ତାର ବିଜେତା ମିଳିଛି। ଶ୍ରଦ୍ଧା ମିଶ୍ରା ଟ୍ରଫି ଜିତିଛନ୍ତି। ଶ୍ରଦ୍ଧା, ଯିଏ ନିଜ କଣ୍ଠସ୍ୱରରେ ଦର୍ଶକ ଏବଂ ଜର୍ଜମାନଙ୍କୁ ପ୍ରଭାବିତ କରିଥିଲେ। ପାଞ୍ଚ ମାସ ଧରି ଚାଲିଥିବା ଏହି ଶୋ’ର ବିଚାରକ ଥିଲେ ସଚେତ-ପରମ୍ପରା, ଗୁରୁ ରନ୍ଧାୱା ଏବଂ ସଚିନ-ଜିଗର।
ଶ୍ରଦ୍ଧା ସା ରେ ଗା ମା ପା ର ବିଜେତା
ଶ୍ରଦ୍ଧା ମୁମ୍ବାଇର ଜଣେ ବାସିନ୍ଦା। ସେ ଫାଇନାଲିଷ୍ଟ ଶୁଭଶ୍ରୀ ଦେବନାଥ ଏବଂ ଉଜ୍ଜ୍ୱଳ ମୋତିରାମଙ୍କୁ ପଛରେ ପକାଇ ଟ୍ରଫି ହାତେଇଛନ୍ତି। ଫାଇନାଲ୍ ରେସ୍ରେ ୬ ଜଣ ଫାଇନାଲିଷ୍ଟ ଥିଲେ। ଯେଉଁଥିରୁ ଶ୍ରଦ୍ଧା ସମସ୍ତଙ୍କୁ ଟକ୍କର ଦେଇ ବିଜେତା ହୋଇଥିଲେ। ଶୁଭଶ୍ରୀ ଏବଂ ଉଜ୍ଜ୍ୱଳ ପ୍ରଥମ ଏବଂ ଦ୍ୱିତୀୟ ରନର୍ସଅପ୍ ହୋଇଥିଲେ। ସେ ତାଙ୍କର ଶକ୍ତିଶାଳୀ ପ୍ରଦର୍ଶନ ଦ୍ୱାରା ସମସ୍ତଙ୍କ ହୃଦୟ ଜିତିଥିଲେ। ଉଦିତ ନାରାୟଣ ଏବଂ କବିତା କୃଷ୍ଣମୂର୍ତ୍ତି ମଧ୍ୟ ଶେଷ ପର୍ଯ୍ୟାୟରେ ପରଫର୍ମ କରିଥିଲେ। ଏହି ଏପିସୋଡ୍ରେ ହରଭଜନ ସିଂହ ଆସିଥିଲେ।
ଖୁସି ପ୍ରକାଶ କଲେ ଶ୍ରଦ୍ଧା
ଟ୍ରଫି ଜିତିବା ପରେ ଶ୍ରଦ୍ଧା କହିଥିଲେ - ମୋ ପାଇଁ ଏହା ଏକ ସ୍ୱପ୍ନ ସାକାର ହେବା ପରି ଅଭିଜ୍ଞତା ଥିଲା। ସା ରେ ଗା ମା ପା ସହିତ ମୋର ଯାତ୍ରା ବହୁତ ଆଶ୍ଚର୍ଯ୍ୟଜନକ ଥିଲା। ଏଠାରେ ରହି ମୁଁ ବହୁତ କିଛି ଶିଖିଲି। ବିଚାରକମାନେ ମୋତେ ଯେଭଳି ସମର୍ଥନ କରିଥିଲେ ଏବଂ ପରାମର୍ଶଦାତାମାନେ ମୋତେ ମାର୍ଗଦର୍ଶନ ଦେଖାଇଥିଲେ। ତାହା ମୋ ପାଇଁ ଏକ ବହୁତ ଭଲ ଅଭିଜ୍ଞତା ଥିଲା। ମୁଁ ଲୋକଙ୍କଠାରୁ ଏପରି ପ୍ରେମ ପାଇବି ବୋଲି ଆଶା କରି ନଥିଲି। ମୁଁ ସମସ୍ତଙ୍କ ନିକଟରେ କୃତଜ୍ଞ। ମୁଁ ଏଠାରୁ ବହୁତ ସ୍ମୃତି ନେଇ ଯାଉଛି ଏବଂ ଗାୟିକା ହେବା ପଥରେ ଆହୁରି ଦୃଢ଼ ଭାବରେ ଆଗକୁ ବଢ଼ିବାକୁ ଭାବୁଛି। ମୁଁ ଏହି କ୍ଷେତ୍ରରେ ମୋର କ୍ୟାରିଅର ମଧ୍ୟ ଦେଖୁଛି। ମୋର ଏହି ଯାତ୍ରାକୁ ସୁନ୍ଦର କରିବା ପାଇଁ ଆପଣମାନଙ୍କୁ ସମସ୍ତଙ୍କୁ ହୃଦୟରୁ ଧନ୍ୟବାଦ।
ବିବାହ ବନ୍ଧନରେ ବାନ୍ଧି ହେଲେ ଗାୟକ ଦର୍ଶନ ରାୱଲ, ସାମ୍ନାକୁ ଆସିଲା ୱେଡିଂ ଫଟୋ
