ସୋନପୁର ୫।୧୧: ସାମ୍ବାଦିକଙ୍କୁ ବିଡିଓଙ୍କ ଆକ୍ରମଣ ମାମଲାରେ ଆକ୍ସନ । ବଦଳିଲେ ସୋନପୁର ଥାନା ଅଧିକାରୀ ଭୋଜରାଜ ଶାହ ।ଥାନା ଅଧିକାରୀଙ୍କୁ ପୋଲିସ ମୁଖ୍ୟାଳୟକୁ ବଦଳି କଲେ ସୋନପୁର ଏସ୍ପି । ଥାନା ଅଧିକାରୀଙ୍କୁ ମୁଖ୍ୟାଳୟକୁ ବଦଳି କରାଯାଇଛି । ନୂତନ ଭାବେ ଥାନା ଅଧିକାରୀ ରଞ୍ଜିତ ସାହୁଙ୍କୁ ନିଯୁକ୍ତି ମିଳିଛି ।
ସେପଟେ ସୋନପୁରର ବିବାଦୀୟ ବିଡ଼ିଓ ସୌମ୍ୟ ରଞ୍ଜନ ସ୍ବାଇଁ ନିଜ କାର୍ଯ୍ୟାଳୟରେ ଅନୁପସ୍ଥିତ ଥିବା ଦେଖିବାକୁ ମିଳିଛି । ସୋନପୁର ବିଡ଼ିଓଙ୍କ କାର୍ଯ୍ୟାଳୟରେ ଥିବା ତାଙ୍କ ଚାମ୍ବରରେ ବିଡ଼ିଓ ଅନୁପସ୍ଥିତ ଥିବା ବେଳେ ଘଟଣା ଘଟିବା ଦିନ ଠାରୁ ବିଡ଼ିଓ କାର୍ଯ୍ୟାଳୟକୁ ଆସୁନଥିବା ସୂଚନା ମିଳିଛି । ସେପଟେ ପୌର ପରିଷଦର ନିର୍ବାହୀ ଅଧିକାରୀ ଦାୟିତ୍ଵରେ ମଧ୍ୟ ବିଡ଼ିଓ ସୌମ୍ୟ ରଞ୍ଜନ ସ୍ବାଇଁ ରହିଥିବା ବେଳେ ସେଠାର ମଧ୍ୟ ତାଙ୍କ ଅଫିସ ଖାଲି ପଡ଼ିଥିବା ଦେଖିବାକୁ ମିଳିଛି । ତେବେ କୁଆଡେ ଗଲେ ସୋନପୁର ବିଡ଼ିଓ ସୌମ୍ୟ ରଞ୍ଜନ ସ୍ବାଇଁ ? କାହିଁକି ଲୁଚି ରହୁଛନ୍ତି ସୋନପୁର ବିଡ଼ିଓ ? ଗୁଣ୍ଡା ସାଜିଥିବା ସୋନପୁର ବିଡ଼ିଓ ଦାଦାଗିରି କରି ସାମ୍ବାଦିକଙ୍କୁ ଆକ୍ରମଣ କରି ଫେରାର ମାରିଛନ୍ତି କି ? ଯଦି ସେ ସଠିକ୍ ରାସ୍ତାରେ ଅଛନ୍ତି ତେବେ ପୋଲିସର ତଦନ୍ତ ପାଇଁ ସାମ୍ନାକୁ କାହିଁକି ଆସୁନାହାନ୍ତି ? ସେପଟେ ଉଭୟ କାର୍ଯ୍ୟାଳୟରେ ବହୁ ଅଭିଯୋଗକାରୀ ଆସି ଫେରୁଥିବା ଦେଖିବାକୁ ମିଳିଛି ।
You Can Read:
ଯୁବ ଚେହେରାଙ୍କୁ ପିସିସି ସଭାପତି କରିବାକୁ ଆମେ ମତ ଦେଇଛୁ : ବିଧାୟକ ମଙ୍ଗୁ ଖିଲ
