କଳାହାଣ୍ଡି ୧୯।୧୨ : ହଷ୍ଟେଲରୁ ଛାତ୍ରୀଙ୍କ ଝୁଲନ୍ତା ମୃତଦେହ ଉଦ୍ଧାର। କଳାହାଣ୍ଡି ଜିଲ୍ଳା ମାଁ ମାଣିକେଶ୍ୱରି ବିଶ୍ଵ ବିଦ୍ୟାଳୟର ଇନ୍ଦ୍ରାବତୀ ଛାତ୍ରୀ ନିବାସରୁ ଉଦ୍ଧାର ହେଲା ମୃତଦେହ । ମୃତକ ହେଲେ ବାଣିଜ୍ୟ ଯୁକ୍ତ ଦୁଇ ପ୍ରଥମ ବର୍ଷର ଛାତ୍ରୀ ତୋଫାଲି ନାଏକ।
ଖବର ଅନୁଯାୟୀ, ମୃତ ଛାତ୍ରୀଙ୍କ ଘର କଳାହାଣ୍ଡି ଥୁଆମୂଲ ରାମପୁର ବ୍ଳକ ବିରୋକୋଟ ଗାଁରେ। ସେ ମାଣିକେଶ୍ୱରୀ ବିଶ୍ୱ ବିଦ୍ୟାଳୟର ଇନ୍ଦ୍ରାବତୀ ଛାତ୍ରୀ ନିବାସରେ ରହୁଥିଲେ । ବାଣିଜ୍ୟ ଯୁକ୍ତ ଦୁଇର ପ୍ରଥମ ବର୍ଷରେ ପାଠ ପଢୁଥିଲେ ଛାତ୍ରୀ । ହେଲେ ହଠାତ୍ ଗୁରୁବାର ଦିନ କୌଣସି କାରଣକୁ ନେଇ ହଷ୍ଟେଲରୁ ଛାତ୍ରୀଙ୍କ ଝୁଲନ୍ତା ମୃତଦେହ ମିଳିଥିଲା । ବର୍ତ୍ତମାନ ଯାଏଁ ଛାତ୍ରୀଙ୍କ ମୃତ୍ୟୁର କାରଣ ସ୍ପଷ୍ଟ ହୋଇ ନଥିବା ବେଳେ ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି।
