ନୂଆଦିଲ୍ଲୀ: କୁହାଯାଏ ଯେ, ଅବିବାହିତ ଲୋକମାନେ ଅଧିକ ଖୁସି ହୁଅନ୍ତି। କାହିଁକିନା ସେମାନେ ନିଜ ଜୀବନକୁ ମୁକ୍ତ ଭାବରେ ବଞ୍ଚନ୍ତି। କିଛି ରୋକ-ଟୋକ୍ ନାହିଁ। ପୂରା ସ୍ୱାଧୀନ ଜୀବନ। ଏହି କାରଣରୁ, ପୁରୁଷମାନେ ଦୀର୍ଘ ସମୟ ପର୍ଯ୍ୟନ୍ତ ଯୁବକ ଅନୁଭବ ବି କରନ୍ତି। ଆପଣ ଏମିତି ଭାବୁଥିବେ । ଠିକ୍ କହିଲି ନା... କିନ୍ତୁ ଏମିତି ନୁହେଁ। ନୂଆ ଗବେଷଣାରେ ଏକ ଆଶ୍ଚର୍ଯ୍ୟଜନକ ତଥ୍ୟ ଆସିଛି ସାମ୍ନାକୁ। ରିପୋର୍ଟ କହୁଛି ଅବିବାହିତ ପୁରୁଷମାନେ ଶୀଘ୍ର ବୁଢ଼ା ହୋଇଯାଆନ୍ତି।  

ଯେତେବେଳେକି ବିବାହିତ ପୁରୁଷଙ୍କ ବାର୍ଦ୍ଧକ୍ୟ ପ୍ରକ୍ରିୟା ଧୀର । ସରଳ ଭାଷାରେ କହିବାକୁ ଗଲେ ଅବିବାହିତ ଲୋକମାନେ ଶୀଘ୍ର ବୁଢ଼ା ହୋଇଯାଆନ୍ତି ଆଉ ବିବାହିତ ପୁରୁଷମାନେ ଦୀର୍ଘ ସମୟ ପର୍ଯ୍ୟନ୍ତ ଯୁବକ ରୁହନ୍ତି ।  ଅବଶ୍ୟ, ଏହା କେବଳ ପୁରୁଷମାନଙ୍କ କ୍ଷେତ୍ରରେ ହୋଇଥାଏ ଏବଂ ମହିଳାମାନଙ୍କ କ୍ଷେତ୍ରରେ ଏପରି ପରିବର୍ତ୍ତନ ହୁଏ ନାହିଁ । 

ନ୍ୟୁୟର୍କ ପୋଷ୍ଟର ରିପୋର୍ଟ ଅନୁଯାୟୀ, ନିକଟରେ ହୋଇଥିବା ଏକ ଅଧ୍ୟୟନରୁ ଜଣାପଡିଛି ଯେ ବିବାହିତ ପୁରୁଷଙ୍କ ବୟସ ଅବିବାହିତ ପୁରୁଷଙ୍କ ତୁଳନାରେ ଧୀରେ ଧୀରେ ବଢ଼ିଥାଏ। ଏହି ଅଧ୍ୟୟନ ସୋସିଆଲ୍ ୱାର୍କ ଜର୍ଣ୍ଣାଲ୍ ରେ ପ୍ରକାଶିତ ହୋଇଛି। ଏଥିରେ ବୈଜ୍ଞାନିକମାନେ ୪୫ରୁ ୮୫ବର୍ଷ ବୟସ୍କଙ୍କ ସ୍ୱାସ୍ଥ୍ୟ ଏବଂ ଗୁଣବତ୍ତାକୁ ନେଇ ୨୦ ବର୍ଷ ପର୍ଯ୍ୟନ୍ତ ଅଧ୍ୟୟନ କରାଯାଇଥିଲା। ଉଦ୍ଦେଶ୍ୟ ଥିଲା ଜାଣିବା ଯେ,  ବିବାହର ସ୍ୱାସ୍ଥ୍ୟ ଉପରେ କି ପ୍ରଭାବ ପଡିଥାଏ ।  ଏହି ଅନୁସନ୍ଧାନରେ, ଶାରୀରିକ ସ୍ୱାସ୍ଥ୍ୟ, ମାନସିକ ସ୍ୱାସ୍ଥ୍ୟ, ସାମାଜିକ ଜୀବନ ଏବଂ ବୟସ ସମ୍ବନ୍ଧୀୟ କଥାକୁ ଧ୍ୟାନରେ ରଖି ମୂଲ୍ୟାଙ୍କନ କରାଯାଇଥିଲା । ଯେଉଁଥିରେ ଜଣାପଡିଛି ଯେ ବିବାହିତ ପୁରୁଷମାନେ ସେମାନଙ୍କର ଅବିବାହିତ ବନ୍ଧୁମାନଙ୍କ ଅପେକ୍ଷା ଠିକ୍ ଭାବରେ ବୟସ ବଢ଼ାଇବାରେ ସଫଳତା ହାସଲ କରନ୍ତି। ଯଦିଓ, ଏହା ସେତେବେଳେ ହୁଏ, ଯେତେବେଳେ ସେହି ବ୍ୟକ୍ତି  ଜୀବନସାରା ବିବାହିତ ରୁହେ।  ଯଦି ସେମାନଙ୍କର ବିବାହ ଭାଙ୍ଗିଯାଏ କିମ୍ବା ସେମାନଙ୍କ ସାଥୀଙ୍କ ମୃତ୍ୟୁ ହୁଏ ଏହା ସେମାନଙ୍କର ବାର୍ଦ୍ଧକ୍ୟ ପ୍ରକ୍ରିୟାରେ ନକାରାତ୍ମକ ପ୍ରଭାବ ପକାଇଥାଏ ।  

ଅନ୍ୟପଟେ ବିବାହିତ ମହିଳା ଓ ଅବିବାହିତ ମହିଳାମାନେ ବାର୍ଦ୍ଧକ୍ୟ ଦୃଷ୍ଟିରୁ ପ୍ରାୟତଃ ସମାନ। ଯେଉଁ ମହିଳାମାନେ ବିବାହିତ କିନ୍ତୁ ପରେ ଛାଡପତ୍ର କିମ୍ବା ବିଧବା  ହେୁଛନ୍ତି   ସେ ଅବିବାହିତ ମହିଳା ଠାରୁ ଅଧିକ ଦୁଃଖିତ। ଗବେଷଣା  ଅନୁଯାୟୀ, ମହିଳାମାନେ ପ୍ରାୟତଃ ଏକାକୀ ରହିବାରେ ଅଧିକ ଖୁସି ହୁଅନ୍ତି, କିନ୍ତୁ ପୁରୁଷଙ୍କ ପାଇଁ ଏହା କଷ୍ଟସାଧ୍ୟ ଅଟେ। ମହିଳାମାନେ ଏକାକୀ ରହିବାରେ ଅଧିକ ସନ୍ତୁଷ୍ଟ ଏବଂ ରୋମାଣ୍ଟିକ ସମ୍ପର୍କ କମ୍ ଆବଶ୍ୟକ ଥାଏ। ବିଶେଷଜ୍ଞଙ୍କ କହିବା ଅନୁସାରେ ମହିଳାମାନେ ନିଜ ସାଙ୍ଗ ଏବଂ ପରିବାରଠାରୁ ଅଧିକ ସମର୍ଥନ ପାଇଥାନ୍ତି, ଯେତେବେଳେ ବିବାହରେ ସେମାନଙ୍କୁ ଘର କାମରେ ବ୍ୟସ୍ତ ରହିବାକୁ ପଡିଥାଏ।  

ଗବେଷଣାରେ ଦର୍ଶାଯାଇଛି ଯେ,  ବିବାହିତ ଲୋକମାନେ ଏକାକୀ ରହୁଥିବା ଲୋକଙ୍କ ଅପେକ୍ଷା ସ୍ୱାସ୍ଥ୍ୟକର ।  ବିଶ୍ୱ ସ୍ୱାସ୍ଥ୍ୟ ସଂଗଠନ ଦ୍ୱାରା ପ୍ରକାଶିତ ଏକ ରିପୋର୍ଟରେ କୁହାଯାଇଛି ଯେ ବିବାହ ପୁରୁଷଙ୍କ ମୃତ୍ୟୁ ହାରକୁ ଏକ ତୃତୀୟାଂଶ ହ୍ରାସ କରିଥାଏ। ଏହା ବ୍ୟତୀତ ପ୍ରକୃତି ମାନବ ଆଚରଣ ପତ୍ରିକାର ଅନ୍ୟ ଏକ ଅଧ୍ୟୟନରୁ ଜଣାପଡିଛି ଯେ ବିବାହିତ ବ୍ୟକ୍ତିଙ୍କ ଅପେକ୍ଷା ଅବିବାହିତ ବ୍ୟକ୍ତି ମାନସିକ ସମସ୍ୟାରେ ଅଧିକ ପୀଡିତ। ଏମିତି କି ବିବାହିତ ଲୋକମାନଙ୍କ ଅପେକ୍ଷା ଅବିବାହିତ ଲୋକମାନେ ଡିପ୍ରେସନର ଶିକାର ହେବାର ୭୯% ଅଧିକ।  

Also Read-  ୫ କୋଟି ଚୁନା ଲଗାଇ ଫେରାର ସ୍ବାମୀ,ଅହମ୍ମଦାବାଦରୁ ଆସି ଭଦ୍ରକରେ ଖୋଜୁଛି ସ୍ତ୍ରୀ