ଭୋଗରାଇ ୦୭।୦୧: ବାଲେଶ୍ୱର ଜିଲ୍ଲା ଭୋଗରାଇ ବ୍ଲକ ଦହମୁଣ୍ଡା ନୋଡାଲ ଉଚ୍ଚ ବିଦ୍ୟାଳୟରେ ଅଭାବନୀୟ ଘଟଣା। ସ୍କୁଲରେ ବାର୍ଷିକ ପ୍ରତିଯୋଗିତା ଚାଲିଥିବା ବେଳେ ଜଣେ ଛାତ୍ରଙ୍କୁ ଛୁରାମାଡ଼ ହୋଇଛି । ଯେଉଁଥିରେ ନବମ ଶ୍ରେଣୀ ଛାତ୍ର ଅନ୍ତିଆ ଚନ୍ଦ ଗୁରୁତର ହୋଇଛନ୍ତି । ଗୁରୁତର ଛାତ୍ରଙ୍କୁ ନିକଟସ୍ଥ ମେଡିକାଲରେ ଭର୍ତ୍ତି କରାଯାଇଛି ।
ଖବର ଅନୁଯାୟୀ, ସୋମବାର ଦିନ ନବମ ଶ୍ରେଣୀର ଦୁଇ ଛାତ୍ର ବିନୟ ଚାନ୍ଦ ଏବଂ ଅନ୍ତିଆ ଚାନ୍ଦଙ୍କ ମଧ୍ୟରେ କୌଣସି କାରଣକୁ ନେଇ ବିବାଦ ହୋଇଥିଲା । ଏପିରିକି ଉଭୟଙ୍କ ବିବାଦ ଝଗଡ଼ାର ରୂପ ନେଇଥିଲା । ସୋମବାର ଦିନ ଝଗଡ଼ା ଲାଗିଥିବା ବେଳେ ମଙ୍ଗଳବାର ଦିନ ଭୋଗରାଇ ବ୍ଲକ ଦହମୁଣ୍ଡା ନୋଡାଲ ଉଚ୍ଚ ବିଦ୍ୟାଳୟରେ ବାର୍ଷିକ ପ୍ରତିଯୋଗିତା ଚାଲିଥିଲେ । ଏହି ସମୟରେ ବିନୟ ଚାନ୍ଦ ହଠାତ୍ ଆସି ଅନ୍ତିଆ ଚାନ୍ଦଙ୍କୁ ଛୁରାମାଡ଼ କରିଥିଲେ । ଯେଉଁଥିରେ ଅନ୍ତିଆ ଚାନ୍ଦ ଗୁରୁତର ହୋଇଥିଲେ । ଏହାପରେ ଗୁରୁତର ଛାତ୍ରଙ୍କୁ ଉଦ୍ଧାର କରି ନିକଟସ୍ଥ ମେଡିକାଲରେ ଭର୍ତ୍ତି କରାଯାଇଛି ।
ସେପଟେ ଘଟଣା ସଂପର୍କରେ ଖବର ପାଇ କମର୍ଦ୍ଦା ପୋଲିସ ଘଟଣାସ୍ଥଳରେ ପହଞ୍ଚି ଛୁରା ମାଡ଼ କରିଥିବା ଛାତ୍ର ବିନୟ ଚାନ୍ଦକୁ ଅଟକ ରଖିଛି । ବିଦ୍ୟାଳୟ ପରିସରରେ କିଭଳି ଏପରି ଅଭାବନୀୟ ଘଟଣା ଘଟିଲା । ସେନେଇ ଛାନ୍ଭିନ୍ ଜାରି ରଖିଛି କମର୍ଦ୍ଦା ପୋଲିସ ।
