କଟକ: କଟକ ଆରପିଏଫ୍ ପୋଲିସକୁ ପ୍ରଶଂସା। ଚଳନ୍ତା ଟ୍ରେନରୁ ଖସି ପଡ଼ି ନିଖୋଜ ହୋଇଥିବା ଜଣେ ବ୍ୟକ୍ତିଙ୍କୁ ରେଳ ଧାରଣାରୁ ଆହତ ଅବସ୍ଥାରେ ଉଦ୍ଧାର କରିବା ସହ ଚିକିତ୍ସା ପାଇଁ ଏସିବି ମେଡିକାଲରେ ଭର୍ତ୍ତି କରିଛି। ଯାହାକୁ ନେଇ ବେଶ୍ ପ୍ରଶଂସିତ ହୋଇଛି ଆରପିଏଫ୍ ପୋଲିସ।
ସୂଚନା ଅନୁଯାୟୀ, ଗତ ରାତିରେ ବାଙ୍ଗାଲୋରରୁ ହାୱଡ଼ା ଯାଇଥିବା ଯଶଓ୍ବନ୍ତପୁର- ବାଗଲପୁର ଏକ୍ସପ୍ରେସରୁ ଜଣେ ବ୍ୟକ୍ତି ଭୁବନେଶ୍ବରରୁ କଟକ ଭିତରେ ନିଖୋଜ ହୋଇଥିବା ନେଇ ମହିଳାଙ୍କ ସ୍ବାମୀ ଆରପିଏଫରେ ଅଭିଯୋଗ କରିଥିଲେ।
ଆଉ ଆରପିଏଫ୍ ପକ୍ଷରୁ ରାତିରେ ସର୍ଚ୍ଚ ଅପରେସନ ଆରମ୍ଭ ହୋଇଥିଲା।ସର୍ଚ୍ଚ ଅପରେସନରେ ନିଖୋଜ ବ୍ୟକ୍ତିଙ୍କୁ କାଠଯୋଡ଼ି ନଦୀ ଉପର ରେଳଧାରଣାରୁ ଉଦ୍ଧାର କରାଯାଇଥିଲା। ଏହା ପରେ ତାଙ୍କୁ ଚିକିତ୍ସା ପାଇଁ ଏସସିବି ମେଡିକାଲ୍ ପଠାଇଥିଲେ। ଉଦ୍ଧାର ବ୍ୟକ୍ତି ଜଣକ ପଶ୍ଚିମବଙ୍ଗର ସୋନୁ ବୋଲି ଆରପିଏଫ୍ ଜାଣିବାକୁ ପାଇଛି। ତେବେ ଉଦ୍ଧାର ପାଇଥିବା ବ୍ୟକ୍ତିଙ୍କ ପତ୍ନୀ ଆରପିଏଫର ଏହି ମହାନତା ପାଇଁ ପ୍ରଶଂସା କରିଛନ୍ତି।
