ନୂଆଦିଲ୍ଲୀ 11/10 : କୁକୁର ମଣିଷର ଭଲ ବନ୍ଧୁ। ମଣିଷ ମଣିଷକୁ ପ୍ରତାରଣା କରିପାରେ, କିନ୍ତୁ କୁକୁର କରିପାରେନି। ସେମାନେ ବାଣ୍ଟନ୍ତି କେବଳ ପ୍ରେମ ଏବଂ ବନ୍ଧୁତା। କିଛି ଲୋକ କୁହନ୍ତି ଯେ, କେତେକ ପ୍ରଜାତିର କୁକୁର ଅତ୍ୟନ୍ତ ଆକ୍ରମଣାତ୍ମକ। କିନ୍ତୁ ଅଧିକାଂଶ କୁକୁର କେବଳ ବନ୍ଧୁତ୍ୱ ଚାହାଁନ୍ତି ।  ଅନେକ ସମୟର ଏହାକର ପ୍ରମାଣ ଓ ଉଦାହରଣ ଦେଖିବାକୁ ମିଳିଛି । ବିଶ୍ୱସ୍ତତା, ସଚ୍ଚୋଟତା ଏବଂ ବନ୍ଧୁତ୍ୱର ଏପରି ଏକ ଉଦାହରଣ ହେଉଛି ଜାପାନର ଏକ କୁକୁର, ଯାହାର ନାଁ ହାଚିକୋ । ଯେତେବେଳେ ଜାପାନର ପିଲାମାନଙ୍କୁ ସଚ୍ଚୋଟତା ଏବଂ ବିଶ୍ୱସ୍ତତାର ଶିକ୍ଷା ଦିଆଯାଏ, ସେତେବେଳେ 'ହାଚିକୋ'ର ଉଦାହରଣ ଦିଆଯାଏ।  ସେମାନଙ୍କୁ ହାଚିକୋ ପରି ସଚ୍ଚୋଟ ହେବାକୁ ଶିଖାଯାଏ।  କିଛି ଲୋକ ଏହା ମଧ୍ୟ ବିଶ୍ୱାସ କରନ୍ତି ଯେ 'ହାଚିକୋ' ହେଉଛି ଜାପାନ ଲୋକଙ୍କ ଭାବମୂର୍ତ୍ତି। କୌଣସି ପ୍ରାଣୀ ମଣିଷକୁ ଏତେ ଗଭୀର ଭାବରେ ଭଲପାଇ ପାରିବ କି? ଉତ୍ତର ହାଚିକୋ । ସେ କେବଳ ଗୃହପାଳିତ ପଶୁ ନୁହେଁ, ତା’ଠାରୁ ଅଧିକ ।

Also Read- ବେଙ୍ଗାଲୁରୁ ମେଟ୍ରୋରେ ଖାଇଲେ ‘କୋବି ମଞ୍ଚୁରିଆନ୍’, ପାଇଲେ ପାନେ, ଦେଲେ ଫାଇନ୍

{"id":855698,"width":839,"height":647,"sizeSlug":"full","linkDestination":"none"}

ନଭେମ୍ବର 10, 1923ରେ ହାଚିକୋର ଜନ୍ମ । 1924ରେ, ପ୍ରଫେସର ହିଦେସାବୁରୋ ୟୁନୋଙ୍କୁ ତାଙ୍କର ଜଣେ ଛାତ୍ର ଏହି ଅକିତା ପ୍ରଜାତିର କୁକୁର ଆଣିଦେଇଥିଲେ। ସେ ସମୟରେ ଶିବୁୟାରେ ରହି ଟୋକିଓ ଇମ୍ପେରିଆଲ୍ ୟୁନିଭର୍ସିଟିରେ ପାଠ ପଢ଼ାଉଥିଲେ ହିଦେସାବୁରୋ। ଦୀର୍ଘ ଟ୍ରେନ୍ ଯାତ୍ରା ପରେ ଜାନୁଆରୀ 15, 1924ରେ ପ୍ରଫେସରଙ୍କ ଘରେ ପହଞ୍ଚିଥିଲା। ସେ ସମୟରେ କୁକୁରର ସ୍ୱାସ୍ଥ୍ୟବସ୍ଥା ଖୁବ୍ ଖରାପ ଥିଲା। ପ୍ରଫେସର ଓ ତାଙ୍କ ପତ୍ନୀ ୟେ ତାଙ୍କର ଯତ୍ନ ନେଇ 6ମାସ ମଧ୍ୟରେ କରିଥିଲେ ସୁସ୍ଥ। ପ୍ରଫେସର ଏହି କୁକୁର ଛୁଆର ନାଁ ରଖିଥିଲେ ହାଚି। ପ୍ରଫେସରଙ୍କ ଛାତ୍ରମାନେ ଏହି ନାଁ 'ସହିତ' ଯୋଡିଥିଲେ ‘କୋ’। ପରେ ହୋଇଥିଲା ହାଚିକୋ।

{"id":855699,"width":840,"height":582,"sizeSlug":"full","linkDestination":"none"}

ହାଚିକୋ ସବୁବେଳେ ପ୍ରଫେସରଙ୍କୁ ବିଶ୍ୱବିଦ୍ୟାଳୟ ଯିବାକୁ ଶିବୁୟା ଷ୍ଟେସନ ଛାଡ଼ିବାକୁ ଯାଉଥିଲେ। ପ୍ରଫେସର ଫେରିବା ସମୟରେ  ହାଚିକୋ ଏବଂ ପ୍ରଫେସରଙ୍କ ଅନ୍ୟ ଦୁଇଟି କୁକୁର ଷ୍ଟେସନ ବାହାରେ ଅପେକ୍ଷା କରୁଥିଲେ। ସମସ୍ତେ ଏକାଠି ଘରକୁ ଯାଉଥିଲେ। ସମସ୍ତେ ଖୁବ୍ ଖୁସି ଥିଲେ। କିନ୍ତୁ ଭାଗ୍ୟକୁ ଅନ୍ୟ କିଛି ମଞ୍ଜୁର ଥିଲା। ମେ 1925 ରେ, ପ୍ରଫେସର ହିଦେସାବୁରୋ ଶିକ୍ଷାଦାନ ସମୟରେ ହୋଇଥିଲା ବ୍ରେନ ଷ୍ଟ୍ରୋକ। ଆଉ ତାଙ୍କର ହୋଇଥିଲା ମୃତ୍ୟୁ।  ପ୍ରଫେସରଙ୍କ ମୃତ୍ୟୁ ପରେ ହାଚିକୋଙ୍କୁ ଅନ୍ୟ ପରିବାରକୁ ଦିଆଯାଇଥିଲା। ହାଚିକୋ ସେଠାରେ ରହୁଥିଲେ ସତ କିନ୍ତୁ ସେ ନିଜ ବନ୍ଧୁଙ୍କୁ ଖୁବ୍ ମନେ ପକାଉଥିଲେ। ଫଳସ୍ୱରୂପ, ସେ ପ୍ରଫେସରଙ୍କ ମାଳି ସହିତ ରହିବାକୁ ଲାଗିଲେ। ପ୍ରଫେସର କଲେଜରୁ ଫେରିବା ସମୟରେ ହାଚିକୋ ପ୍ରତିଦିନ  ଶିବୁୟା ଷ୍ଟେସନ ଯାଉଥିଲେ। ଆଉ ପ୍ରଫେସରଙ୍କୁ ଖୋଜୁଥିଲେ। ଦିନ, ସପ୍ତାହ, ମାସ ଏବଂ ବର୍ଷ ବିତିଗଲା ଏମିତି ଚାଲିଲା।

{"id":855700,"width":840,"height":588,"sizeSlug":"full","linkDestination":"none"}

ହାଚିକୋଙ୍କ କାହାଣୀକୁ ନେଇ ପ୍ରଫେସର ହିଦେସାବୁରୋଙ୍କ ଜଣେ ଛାତ୍ର ହିରୋକିଚି ସାଇଟୋ ଏକ ଆର୍ଟିକିଲ୍ ଲେଖିଲେ। ହାଚିକୋଙ୍କ କାହାଣୀ ଜାପାନର 'ଆସାହି ଶିମ୍ବୁନ୍'ରେ ପ୍ରକାଶ ପାଇଲା। ଏହିପରି ହାଚିକୋ ସମଗ୍ର ଜାପାନରେ ହେଲା ଫେମସ୍। ଦେଶର ବିଭିନ୍ନ ସ୍ଥାନରୁ ଲୋକମାନେ ହାଚିକୋଙ୍କୁ ଦେଖିବାକୁ ଆସିଲେ। ମାର୍ଚ୍ଚ 8, 1935ରେ ହାଚିକୋର ମୃତ୍ୟୁ ହୋଇଥିଲେ। ଫିଲାରିଆ ସଂକ୍ରମଣ ଏବଂ କର୍କଟ ରୋଗରେ ତାଙ୍କର ମୃତ୍ୟୁ ହୋଇଥିଲା। ହାଚିର ମୃତ୍ୟୁ ହଜାର ହଜାର ଲୋକଙ୍କ ଆଖିରେ ଆଣିଥିଲା ଲୁହ । ତାଙ୍କ ଶବଦାହ ପରେ ପ୍ରଫେସର ହିଦେସାବୁରୋଙ୍କ ପାଖରେ ତାଙ୍କ ଅସ୍ତି ରଖାଯାଇଥିଲା।

{"id":855701,"sizeSlug":"full","linkDestination":"none"}

ଲୋକମାନେ ହାଚିକୋଙ୍କୁ ଏତେ ଭଲ ପାଉଥିଲେ ଯେ, ତାଙ୍କ ପ୍ରତିମୂର୍ତ୍ତି ନିର୍ମାଣ ସ୍ଥାପନ କଲେ। ତାପୁଣି ସେହି ସ୍ଥାନରେ ଯେଉଁଠାରେ ସେ ଠିଆ ହୋଇ ନିଜ ମାଲିକଙ୍କ ଅପେକ୍ଷା କରିଥିଲେ। ସୂଚନାଯୋଗ୍ୟ ଯେ କିଛି ବର୍ଷ ପରେ ଜାପାନ ଦ୍ୱିତୀୟ ବିଶ୍ୱଯୁଦ୍ଧରେ ହାଚିକୋଙ୍କ ପ୍ରତିମୂର୍ତ୍ତି ମଧ୍ୟ ନଷ୍ଟ ହୋଇଯାଇଥିଲା। ଦ୍ୱିତୀୟ ବିଶ୍ୱଯୁଦ୍ଧ ହେବା ପରେ ହାଚିକୋଙ୍କ ପ୍ରତିମୂର୍ତ୍ତିକୁ ଶିବୁୟା ଷ୍ଟେସନ ବାହାରେ ପୁନଃ ସ୍ଥାପନ କରାଯାଇଥିଲା। ଆଜି ବି ଷ୍ଟେସନ ବାହାରେ ସେହି ପ୍ରତିମୂର୍ତ୍ତି ରହିଛି। ଓଡେଟର ଅକିତା କୁକୁର ସଂଗ୍ରହାଳୟ ବାହାରେ ବି ହାଚିକୋଙ୍କର ଏକ ପ୍ରତିମୂର୍ତ୍ତି ମଧ୍ୟ ସ୍ଥାପନ କରାଯାଇଛି। ହାଚିକୋ କାହାଣୀ ଦ୍ୱାରା ଅନୁପ୍ରାଣୀତ ହୋଇ ଅନେକ କବିତା, କାହାଣୀ ଏବଂ ପୁସ୍ତକ ଲେଖାହୋଇଛି। ଚଳଚ୍ଚିତ୍ର ବି ହୋଇଛି। କାରଣ ବିଶ୍ୱସ୍ତତା, ସଚ୍ଚୋଟତା ଏବଂ ବନ୍ଧୁତ୍ୱର ମିଶାଲ ହାଚିକୋ ।

wp:html /wp:html