ନୂଆଦିଲ୍ଲୀ ୦୩।୦୧: ଚାଲିଛି ଶୀତ ରୁତୁ । ଘରେ ଘରେ ପନିପରିବାର ଆସର । ବଜାରକୁ ଯିବା ମାତ୍ରେ ବ୍ୟାଗରେ ଭରି ହେଇଯାଉଛି ବିଭିନ୍ନ କିସମର ପରିବା । ଏଥିରୁ ଅନ୍ୟତମ ହେଉଛି ଗାଜର । ଏଥିରୁ ସମସ୍ତେ ବିଭିନ୍ନ ପ୍ରକାରର ଆଇଟମ୍ କରି ଖାଇଥାନ୍ତି । ଖାସ୍ କରି ଗାଜର ହାଲଓ୍ବା କରିଥାନ୍ତି ଅନେକ । ଏହାପଛର କାରଣ ହେଉଛି ଗାଜରର ମିଠା ସ୍ୱାଦ ।
ଗାଜର ହାଲୱା ପିଲାମାନଙ୍କ ଠାରୁ ବୟସ୍କ ପର୍ଯ୍ୟନ୍ତ ସମସ୍ତଙ୍କୁ ପସନ୍ଦ । କିନ୍ତୁ ଏହା ମଧ୍ୟ ଅନେକଙ୍କ ପାଇଁ ହୋଇପାରେ କ୍ଷତିକାରକ । ଗାଜର ହାଲଓ୍ବା ଅଧିକ ଚିନି ଏବଂ ଘିଅରେ ତିଆରି ହୋଇଥାଏ । କିଛି ଲୋକଙ୍କୁ ଏଥିରୁ ଦୂରେଇ ରହିବା ଉଚିତ୍ । ବିଶେଷଜ୍ଞଙ୍କ ଅନୁଯାୟୀ, ଡାଇବେଟିଜ୍ ରୋଗୀ ଏହାକୁ ଖାଇବାଠାରୁ ଦୂରେଇ ରହିବା ଉଚିତ୍ । ଏହାକୁ ଖାଇବା ଦ୍ବାରା ବ୍ଲଡସୁଗର ବୃଦ୍ଧି ହୋଇପାରେ ।
ଯେଉଁମାନେ ମେଦବହୁଳତା ସହିତ ସଂଘର୍ଷ କରୁଛନ୍ତି କିମ୍ବା ଓଜନ ହ୍ରାସ କରୁଛନ୍ତି, ସେମାନେ ଗାଜର ହାଲୱା ଖାଇବା ଠାରୁ ଦୂରେଇ ରହିବା ଉଚିତ୍ । ହାଇ କୋଲେଷ୍ଟ୍ରଲ ଥିବା ଲୋକଙ୍କ ପାଇଁ ଏହା ମଧ୍ୟ କ୍ଷତିକାରକ ହୋଇପାରେ । କାରଣ ଏଥିରେ କ୍ୟାଲୋରୀ ଏବଂ ଫ୍ୟାଟ ଅଧିକ ରହିଥାଏ । ଏହାବ୍ୟତୀତ ଯେଉଁମାନଙ୍କର ପେଟରେ ଗ୍ୟାସ୍, ଏସିଡିଟି ସମସ୍ୟାରେ ପୀଡିତ ସେମାନେ ମଧ୍ୟ ଗାଜର ହାଲୱା ଖାଇବା ଉଚିତ୍ ନୁହେଁ । ତେଣୁ ଏମାନେ ଗାଜର ହାଲଓ୍ବା ଖାଇବାଠାରୁ ଦୂରେଇ ରୁହନ୍ତି ।
