ଚାନ୍ଦବାଲି ୨୧।୧୧: ଭଦ୍ରକ ଧାମରା ପୋଲିସକୁ ବଡ଼ ସଫଳତା । ତିନି ଅଭିଯୁକ୍ତ ଗିରଫ ସହ ବନ୍ଧୁକ, ଦୁଇଟି ଅଫୁଟା ଗୁଳି, ଦୁଇଟି ମୋବାଇଲ ଓ ଦାମୀ ବାଇକ୍ ଜବତ ହୋଇଛି ।

ଭଦ୍ରକ ଜିଲ୍ଲା ଚାନ୍ଦବାଲି ବ୍ଲକ କଇଥ ଖୋଲା କିଶୋର ପ୍ରସାଦ ଛକ ନିକଟରେ ଚଳିତ ମାସ ୨ ତାରିଖ   ରାତି ୯ଟା ସମୟରେ  ହୋଇଥିଲା ଗୁଳିକାଣ୍ଡ  l ଏହି ଗୁଳିକାଣ୍ଡରେ ସେହି ଗ୍ରାମର ରାଜେନ୍ଦ୍ର ମହାପାତ୍ର ଗୁରୁତର ହୋଇଥିଲେ । ଗ୍ରାମବାସୀ ମାନେ ପ୍ରଥମେ ତାଙ୍କୁ ବାସୁଦେବପୁର ଡାକ୍ତରଖାନାକୁ ନେଇ ଯାଇଥିଲେ ପରେ  ଅବସ୍ଥା ଗୁରୁତର ହେବାରୁ ତାଙ୍କୁ କଟକ ବଡ଼ ଡାକ୍ତରଖାନାକୁ ପଠାଇ ଦିଆଯାଇଥିଲା   l ରାଜେନ୍ଦ୍ର ଏବେ ମଧ୍ୟ ଚିକିତ୍ସିତ ହେଉଛନ୍ତି  l ରାଜେନ୍ଦ୍ର ନିଜ ଗାଁ ଛକ ନିକଟରେ ଛିଡା ହୋଇଥିବା ବେଳେ ଏକ ମୋଟର ସାଇକେଲରେ ଏମାନେ ଆସି ତାଙ୍କ ମୁଣ୍ଡକୁ ଗୁଳି କରି ଘଟଣାସ୍ଥଳରୁ ପଳାଇ ଯାଇଥିଲେ  l ରାଜେନ୍ଦ୍ର ଚିତ୍କାର କରିବାରୁ ଗ୍ରାମବାସୀ ଓ ପରିବାର ଲୋକେ ଉଦ୍ଧାର କରି ଡାକ୍ତରଖାନାକୁ ନେଇଯାଇଥିଲେ  l ଧାମରା ଥାନା ପୋଲିସର ତଦନ୍ତ ଜାରି ରହିଥିଲା  l 

ଏହି ଘଟଣା ଘଟାଇଥିବା ତିନି ଜଣ ଅଭୁଯୁକ୍ତଙ୍କୁ  ଧାମରା ଥାନା ପୋଲିସ ଗିରଫ କରି କୋର୍ଟ ଚାଲାଣ କରିବା ସହିତ ଦୁଇଟି ଅଫୁଟା ଗୁଳି, ବନ୍ଧୁକ, ଦୁଇଟି ମୋବାଇଲ ଓ ଗୋଟିଏ ଦାମୀ ବାଇକ ଜବତ ହୋଇଛି  l ଏହି ଅଭିଯୁକ୍ତଙ୍କ ନାମରେ ଅନେକ ଥାନାରେ ଏକାଧିକ ମାମଲା ଅଛି ବୋଲି ଧାମରା ଥାନା ଅଧିକାରୀ କହିଛନ୍ତି  l 

You Can Read:

୭ ଦିନ ପାଇଁ ରେଷ୍ଟୁରାଣ୍ଟ ସିଲ୍, ଖାଦ୍ୟ ପ୍ରସ୍ତୁତ ହେଉଥିବା ରୋଷେଇ ଘରର ନଥିଲା ସ୍ୱଚ୍ଛତା ସହ ପରିଚ୍ଛନ୍ନତା