ଆନନ୍ଦପୁର ୧୦।୧୧: ଟାର୍ଗେଟ୍ରେ ଥିଲେ ଅନ୍ୟ ଜଣେ, ହେଲେ ନିଶା ଯୋଗୁଁ ଗାଡି ଚଢାଇ ମାରିଦେଲେ ନିଜ ଦୁଇ ସମ୍ପର୍କୀୟଙ୍କୁ । ଏମିତି ଘଟଣା ଘଟିଛି କେନ୍ଦୁଝର ଜିଲ୍ଲା ଘଷିପୁରା ଥାନା ନଦୁଆ ଗ୍ରାମରେ ।
ସୂଚନାଯୋଗ୍ୟ ଯେ, ନଦୁଆର ସଞ୍ଜୁ ପଲେଇଙ୍କ ଘରକୁ ସମ୍ପର୍କୀୟ ପୁତୁରା ଆସିଥିଲେ । କୌଣସି ଘଟଣାକୁ ନେଇ ସମ୍ପର୍କୀୟ ପୁତୁରାଙ୍କର ଡମ୍ପର ଚାଳକ ଭଞ୍ଜ ପୃଷ୍ଟିଙ୍କ ସହ ବଚସା ହୋଇଥିଲା । ନିଶାରେ ଥିବା ଭଞ୍ଜ ପୃଷ୍ଟି ଉତକ୍ଷିପ୍ତ ହୋଇ ଡମ୍ଫର ଚଢାଇ ହତ୍ୟା କରିବାକୁ ଧମକ ଦେଇଥିଲେ । ହଠାତ ଭଞ୍ଜ ନିଜ ଡମ୍ପର ଧରି ମାଡି ଆସିଥିଲେ । ଏହି ସମୟରେ ଭଞ୍ଜଙ୍କ ସମ୍ପର୍କୀୟ ଜେଜେବାପା ପାଣୁ ପୃଷ୍ଟି ସାମ୍ନାକୁ ଆସିଯାଇଥିଲେ । ଭଞ୍ଜ ପାଣୁଙ୍କୁ ଡମ୍ପର ଚଢାଇ ଦେଇଥିଲେ । ଏହି ସମୟରେ ସଞ୍ଜୁ ପଲେଇ ମଧ୍ୟ ସାମ୍ନାକୁ ଆସିଯିବାରୁ ତାଙ୍କୁ ମଧ୍ୟ ଡମ୍ପର ଚଢାଇ ଦେଇଥିଲେ । ଘଟଣାସ୍ଥଳରେ ପାଣୁ ପୃଷ୍ଟି ଏବଂ ସଞ୍ଜୁ ପଲେଇଙ୍କର ମୃତ୍ୟୁ ହୋଇଥିଲା । ଗ୍ରାମବାସୀ ମାନେ ମଦ୍ୟପ ଡ୍ରାଇଭର ଭଞ୍ଜ ପୃଷ୍ଟିକୁ ଅଟକ ରଖିଥିଲେ । ଖବର ପାଇ ଘଷିପୁରା ପୋଲିସ ଘଟଣାସ୍ଥଳରେ ପହଞ୍ଚି ଅଭିଯୁକ୍ତ ଡ୍ରାଇଭର ଭଞ୍ଜ ପୃଷ୍ଟିକୁ ଥାନାକୁ ଆଣି ଅଧିକ ତଦନ୍ତ ଚଳାଇଛି ।
You Can Read:
କଲେଜ ଛାତ୍ରୀଙ୍କୁ ଗଣଦୁଷ୍କର୍ମ ଘଟଣା : କଟକ ଡିସିପିଙ୍କୁ ଭେଟିଲା ମହିଳା ବିଜେଡି ଫ୍ୟାକ୍ଟ ଫାଇଣ୍ଡିଂ କମିଟି
