ପାଟନା: ନୀତୀଶ କୁମାର ବିଜେପି ଛାଡ଼ି ଏବେ ଆରଜେଡି ସମର୍ଥନରେ ବିହାର ମୁଖ୍ୟମନ୍ତ୍ରୀ ଆସନରେ ରହିଛନ୍ତି । କିନ୍ତୁ ମେଣ୍ଟ ଭାଙ୍ଗିବା ପରଠୁ ଆଜି ଯାଏ ବିଜେପି କେବେ ବି ନୀତୀଶ କୁମାରଙ୍କ ଉପରେ ସିଧା ଆକ୍ରମଣ କରି ନଥିଲା । ଆରଜେଡିର ଜଙ୍ଗଲ ରାଜକୁ ମନେ ପକାଇ ଲାଲୁ ପରିବାରକୁ ନିଶାନ କରୁଥିଲା । କିନ୍ତୁ ନୀତୀଶ କୁମାରଙ୍କୁ ନେଇ ରାଜ୍ୟ ବିଜେପି ନେତା ମାପିଚୁପି ବୟାନ ଦେଉଥିଲେ । ଏବେ ସ୍ଥିତିରେ ପରିବର୍ତ୍ତନ ଦେଖିବାକୁ ମିଳୁଛି । ସିଧା ଦିଲ୍ଲୀରୁ ଆସିଛି ସଂକେତ । ଗୁରୁବାର କେନ୍ଦ୍ର ଗୃହମନ୍ତ୍ରୀ ଲଖିସରାୟରେ ନୀତୀଶ କୁମାରଙ୍କୁ କଡ଼ା ସମାଲୋଚନା କରି ୨୦୨୪ ନିର୍ବାଚନରେ ବିଜେପି ନୀତୀଶ କୁମାରଙ୍କ ପ୍ରତି କୌଣସି କହୋଳ ମନଭାବ ରଖିବ ନାହିଁ ବୋଲି ସଂକେତ ଦେଇଛନ୍ତି ।

ଅମିତ୍ ଶାହ କେନ୍ଦ୍ର ସରକାରଙ୍କ ୯ ବର୍ଷର ରିପୋର୍ଟ କାର୍ଡକୁ ଲୋକଙ୍କ ଆଗରେ ରଖି ନୀତୀଶ କୁମାରଙ୍କୁ ପଲଟୁବାବୁ ଏବଂ ବିଶ୍ୱାସଘାତୀ କହିଛନ୍ତି । ଏକ କାର୍ଯ୍ୟକ୍ରମକୁ ସମ୍ୱୋଧିତ କରି କହିଛନ୍ତି ଯେ ଯେଉଁ ନେତା ପ୍ରତି ଥର ଘର ବଦଳାଉଛି, ତା' ଉପରେ ବିଶ୍ୱାସ କରାଯାଇପାରିବ କି ? ଏପରି ବ୍ୟକ୍ତିଙ୍କ ହାତରେ ବିହାରକୁ ଦେବା କି ? ସେ ମଧ୍ୟ ଏହା ଜାଣିଛନ୍ତି, ତେଣୁ କଂଗ୍ରେସ ଦୁଆରେ ବସିଛନ୍ତି । ସେ ଏହି ବୟସରେ ଲାଲୁଙ୍କୁ ମୁର୍ଖ କରିଦେଉଛନ୍ତି । ସେ କୁଆଡେ ଯିବେ ନାହିଁ, କେବଳ ମୁଖ୍ୟମନ୍ତ୍ରୀ ହିଁ ରାହିବାକୁ ଚାହୁଁଛନ୍ତି । ଅମିତ୍ ଶାହ କହିଛନ୍ତି ଯେ ନୀତୀଶ କୁମାର କହୁଛନ୍ତି ଯେ ୨୦ ଦଳ ଏକାଠି ହୋଇଛନ୍ତି । କିନ୍ତୁ ଏମାନେ ତ ସେହି ଲୋକ, ଯେଉଁମାନେ ୨୦୦୪ରୁ ୨୦୧୪ ମଧ୍ୟରେ ୨୦ ଲକ୍ଷ କୋଟି ଟଙ୍କାର ଘୋଟାଲାରେ ସାମିଲ ଥିଲେ ।

wp:html

#WATCH | In Lakhisarai, Bihar, Union Home Minister Amit Shah says, "Paltu babu Nitish Kumar was asking what was done (by the Centre) in nine years. At least have some regard for those with whom you sat and due to whom you became the Chief Minister. A lot of work was done by PM… pic.twitter.com/2Cu2FSV2kd

— ANI (@ANI) June 29, 2023

/wp:html

ଗୃହ ମନ୍ତ୍ରୀ ଅମିତ୍ ଶାହ ପ୍ରଶ୍ନ କରି କହିଛନ୍ତି ଯେ ଯେଉଁ ବ୍ୟକ୍ତି ନିଜ ସିଦ୍ଧାନ୍ତକୁ ଛାଡ଼ନ୍ତି, ତାଙ୍କୁ ଭରସା କରାଯାଇ ପାରିବ କି ? ବିଜେପି ନେତା କହିଛନ୍ତି ଯେ ପଲଟୁବାବୁ ନୀତୀଶ କୁମାର ୯ ବର୍ଷରେ କଣ କରିଛନ୍ତି ଯେ ମୁଖ୍ୟମନ୍ତ୍ରୀ ପଦରେ ବସି ରହିଛନ୍ତି । ଆଜି ତାଙ୍କୁ ହିଁ ଏହାର ହିସାବ ମାଗୁଛୁ । ଅନ୍ୟପଟେ ୯ ବର୍ଷରେ ମୋଦୀ ସରକାରଙ୍କ ଉପଲବ୍ଧି ଏବଂ ଗରିବ କଲ୍ୟାଣ ଯୋଜନାର ହିସାବ ଦେଇଥିଲେ କେନ୍ଦ୍ର ଗୃହ ମନ୍ତ୍ରୀ ଅମିତ୍ ଶାହ ।

Also Read: ଜୁଲାଇ ୩ରେ ମନ୍ତ୍ରିପରିଷଦ ବୈଠକ କରିବେ ମୋଦୀ; ନିର୍ବାଚନ ପୂର୍ବରୁ ଦଳୀୟ ସଙ୍ଗଠନରେ ପରିବର୍ତ୍ତନ ସଙ୍କେତ