ମୁମ୍ଵାଇ ୧୪।୧୧; ବଲିଉଡ ଅଭିନେତା ଭିକି କୌଶଲ। ତାଙ୍କର ଅପକମିଂ ପିରିୟଡ ଡ୍ରାମା ଚଳଚ୍ଚିତ୍ର 'ଛାବା' ଲାଇମଲାଇଟରେ ଅଛି। ବର୍ତ୍ତମାନ ଫିଲ୍ମର ଟିଜର ରିଲିଜ ହୋଇଛି। ଯେଉଁଥିରେ ସେ ଜବରଦସ୍ତ ଆକ୍ସନ୍ କରୁଥିବା ଦେଖିବାକୁ ମିଳିଛି । ଏହି ଚଳଚ୍ଚିତ୍ରରେ ଭିକିଙ୍କ ସହ ମୁଖ୍ୟ ଭୂମିକାରେ ରଶ୍ମିକା ମନ୍ଦନା ନଜର ଆସିବେ। ଏହି ଫିଲ୍ମର ଟିଜର ଦର୍ଶକଙ୍କୁ ବେଶ୍ ପସନ୍ଦ ଆସିଥିବା ବେଳେ ଭିକିଙ୍କ ଆଉ ଏକ ଫିଲ୍ମର ନାମ ଘୋଷଣା କରାଯାଇଛି। ନାଁ ସହ ଫିଲ୍ମରେ ଥିବା ଭିକିଙ୍କ ଲୁକ୍ ସାମ୍ନାକୁ ଆସଛି। ଯାହାକୁ ଦେଖିବା ପରେ ପ୍ରଶଂସକଙ୍କ ଲୋମଟାଙ୍କୁରି ହୋଇଯାଇଛି।
ଫିଲ୍ମର ନାମ 'ମହାବତାର' । ଏଥିରେ ସେ ଚିରଞ୍ଜୀବୀ ପର୍ଶୁରାମଙ୍କ ଭୂମିକାରେ ନଜର ଆସିବେ। ପର୍ଶୁରାମଙ୍କ ଚରିତ୍ର ପାଇଁ ସେ ଯେଉଁଭଳି ଭାବେ ନିଜର ଲୁକ୍ ବଦଳାଇଛନ୍ତି ତାହା ଦର୍ଶକଙ୍କୁ ବେଶ୍ ପସନ୍ଦ ଆସୁଛି। ଇନଷ୍ଟାଗ୍ରାମରେ ମୋସନ ପୋଷ୍ଟର ସେୟାର କରି ମ୍ୟାଡଡକ୍ ଫିଲ୍ମସ ଲେଖିଛି ଯେ, “ଦୀନେଶ ବିଜନ ଯୋଦ୍ଧାଙ୍କ କାହାଣୀକୁ ଜୀବନ୍ତ କରିଛନ୍ତି। ଅମର କୌଶିକଙ୍କ ନିର୍ଦ୍ଦେଶିତ ମହାବତାରରେ ଚିରଞ୍ଜୀବୀ ପର୍ଶୁରାମ ଭାବରେ ଭିକି କୌଶଲ ଅଭିନୟ କରିଛନ୍ତି। ଫିଲ୍ମଟି ଖ୍ରୀଷ୍ଟମାସ ୨୦୨୬ରେ ଏହି ଫିଲ୍ମ ରିଲିଜ୍ ହେବ। ଫିଲ୍ମର ମୋସନ ପୋଷ୍ଟର ଦେଖିବା ପରେ ଏବେ ଦର୍ଶକ ରିଲିଜ୍ ପାଇଁ ଦିନ ଗଣିବା ଆରମ୍ଭ କରିଛନ୍ତି।
ସୋସିଆଲ ମିଡିଆ ୟୁଜର୍ସମାନେ ପ୍ରକୃତରେ ଫିଲ୍ମ 'ମହାବତାର'ର ମୋସନ ପୋଷ୍ଟରରେ ଅଭିନେତାଙ୍କ ଲୁକକୁ ପସନ୍ଦ କରୁଛନ୍ତି ଏବଂ ପୋଷ୍ଟରରେ ଉତ୍ସାହର ସହ ମନ୍ତବ୍ୟ ଦେଉଛନ୍ତି। ଜଣେ ଲେଖିଛନ୍ତି, "ଏହା ଏକ ବ୍ଲକବଷ୍ଟର ହେବାକୁ ଯାଉଛି", ଅନ୍ୟ ଜଣେ ଲେଖିଛନ୍ତି, "ଆମେ ଏହିପରି ଚଳଚ୍ଚିତ୍ର ଚାହୁଁଛୁ। କହିବାକୁ ଗଲେ 'ମହାବତାର' ଏବଂ 'ଛାଭା' ବ୍ୟତୀତ ଭିକି କୌଶଲଙ୍କ ହାତରେ ଅନେକ ବଡ଼ ପ୍ରୋଜେକ୍ଟ ରହିଛି।
