ନୂଆଦିଲ୍ଲୀ ୧୨/୧୧: ବିଦେଶରେ କୋହଲି ଝଡ । ତା ପୁଣି ଖବର କାଗଜର ପ୍ରଥମ ପୃଷ୍ଠାରେ । ସର୍ବଦା ଖେଳକୁ ନେଇ ଚର୍ଚ୍ଚାରେ ରହୁଥିବା ଖେଳାଳି ଏହି ଖବରର ଶିରୋନାମାରେ । ଖବରକାଗଜର ପ୍ରଥମ ପୃଷ୍ଠାର ପ୍ରଥମ ହେଡଲାଇନ୍ରେ । ଆଉ ହେଡାଲାଇନ୍ ବି ଲେଖାହୋଇଛି ହିନ୍ଦୀ ଓ ପଞ୍ଜାବୀ ଭାଷାରେ । କେବଳ କୋହଲି ନୁହଁନ୍ତି ତାଙ୍କ ସହ ଅନେକ ଖେଳାଳିଙ୍କୁ ମିଳିଛି ଚାନ୍ସ । ଯାହା ଏବେ ସୋସଆଲ ମିଡିଆରେ ବେଶ ଭାଇରାଲ ହେବାରେ ଲାଗିଛି ।
ସୂଚନା ଥାଉକି, ଆଉ ୧୦ ଦିନ ପରେ ଖେଳାଯିବ ବର୍ଡର ଗାଭାସ୍କର ଟ୍ରଫି । ଭାରତୀୟ କ୍ରିକେଟର ପର୍ଥର ପହଞ୍ଚିବା ପରେ ଅଷ୍ଟ୍ରେଲିଆ ଖବରକାଗଜ ତାଙ୍କୁ ଓ୍ୱେଲକମ୍ କରିଛି ଟିକେ ହଟ୍କେ ଅନ୍ଦାଜରେ । ବିରାଟ ଓ ତାଙ୍କ ଗ୍ରୁପ୍ ଫଟୋକୁ ‘ଫ୍ରଣ୍ଟ୍ ପେଜ୍’ରେ ସ୍ଥାନ ଦେଇଛି । ଯାହା ଜଣାପଡିଛି କି ଭାରତୀୟ କ୍ରିକେଟରଙ୍କ କ୍ରେଜ୍ କେବଳ ଭାରତ ନୁହେଁ; ସାରା ବିଶ୍ୱରେ ବ୍ୟାପ୍ତ । ଆହୁରି ଖାସ୍ କଥା ହେଉଛି, ଦର୍ଶକଙ୍କୁ ଖୁସି କରାଇବା ପାଇଁ ଆଶ୍ଚର୍ଯ୍ୟଜନକ ପଦକ୍ଷେପ ନେଇଛି ଖବରକାଗଜ ସଂସ୍ଥା ।
A lot of @imVkohli in the Australian papers this morning as is the norm whenever India are in town but never expected to see Hindi and Punjabi appearing in the Adelaide Advertiser. Tells you about the magnitude of the #AusvInd series for Australia & cricket in this country pic.twitter.com/I5B2ogPvEJ
— Bharat Sundaresan (@beastieboy07) November 12, 2024
ମାନେ ବିରାଟଙ୍କ ଫଟୋ ଦେଇ ହିନ୍ଦୀ ଏବଂ ପଞ୍ଜାବୀରେ ହେଡଲାଇନ୍ ଛାପିଥିବା ଦେଖାଯାଇଛି । ଖାଲି ସେତିକି ନୁହେଁ, ଖବରକାଗଜରେ ଯଶସ୍ୱୀ ଜୈସୱାଲ୍ ଏବଂ ଋଷଭ ପନ୍ତ୍ଙ୍କ ବିଷୟରେ ମଧ୍ୟ ଉଲ୍ଲେଖ କରାଯାଇଛି । ପ୍ରଥମ ପୃଷ୍ଠାରେ ବିରାଟଙ୍କ ଫଟୋ ସହିତ ବୋଲ୍ଡ ଅକ୍ଷରରେ ଲେଖାଯାଇଥିଲା ‘ଯୁଗୋଁ କି ଲଢ଼ାଇ’। ଅଷ୍ଟ୍ରେଲିଆ ମିଡିଆ ଏଭଳି ଭାବେ କୋହଲିଙ୍କର ସ୍ବତନ୍ତ୍ର ଫଟୋ ଛାପିବା କଥା ସମସ୍ତଙ୍କୁ କରିଛି ଆଶର୍ଯ୍ୟ ଚକିତ ।
କହିବାକୁ ଗଲେ ନଭେମ୍ବର ୨୨ ରୁ ୨୬ ପର୍ଯ୍ୟନ୍ତ ଅପ୍ଟସ୍ ଷ୍ଟାଡିୟମରେ ଭାରତର ସିରିଜ୍ ଓପନର୍ ହେବାର ଦୁଇ ସପ୍ତାହ ପୂର୍ବରୁ କୋହଲି ରବିବାର ସନ୍ଧ୍ୟାରେ ପର୍ଥରେ ପହଞ୍ଚିଥିଲେ । ୱାକା ଗ୍ରାଉଣ୍ଡରେ ଟ୍ରେନିଂ ଆରମ୍ଭ ହେବା ସହିତ କୋହଲି କିପରି ଏହି ତାଜା ପାଇଁ ପ୍ରସ୍ତୁତ ହେବେ ତାହା ଦେଖିବାକୁ ଭାରତୀୟ ପ୍ରଶଂସକମାନେ ଉତ୍ସାହିତ ଅଛନ୍ତି ।
