ମୁମ୍ୱାଇ ୧୩/୦୧: ୫୫ ବର୍ଷୀୟ ଦେବଜିତ ସାଇକିଆ । ଆସାମ ବାସିନ୍ଦା ଜଣେ କ୍ରିକେଟର । ହେଲେ ଆସାମ ତରଫରୁ ମିଳିନି ବେଶି ସୁଯୋଗ । ଓ୍ବିକେଟ କିପର ବ୍ୟାଟ୍ସମ୍ୟାନ ଭାବେ ସାଇକିଆ ଆସାମ ପାଇଁ ଖେଳିଛନ୍ତି ୪ ପ୍ରଥମ ଶ୍ରେଣୀ କ୍ରିକେଟ । ଯେଉଁଥିରେ ୮.୮୩ ଆଭରେଜରେ ଥିଲା ୫୩ ରନ ।
ଏହି ସମୟରେ ତାଙ୍କ ବେଷ୍ଟ ସ୍କୋର ଥିଲା ୫୪ । ୮ଟି କ୍ୟାଚ ଧରିଥିବା ବେଳେ ହାତେଇଛନ୍ତି ଗୋଟିଏ ଷ୍ଟମ୍ପ ଆଉଟ । କ୍ରିକେଟରେ ଅଳ୍ପ ଦିନର ଯାତ୍ରା ପରେ ଆଇନକୁ ପେଶା କରିଥିଲେ ଦେବଜିତ୍ ସାଇକିଆ। ପ୍ରଥମ ଶ୍ରେଣୀ କ୍ରିକେଟର ଭାବେ ସାଇକିଆ ସଫଳ ହୋଇ ନଥିବା ବେଳେ ଆଇନଗତ ପେଶା ବାଛି ନେଇଥିଲେ। ୨୮ ବର୍ଷ ବୟସରେ ଗୌହାଟୀ ହାଇକୋର୍ଟରେ ଓକିଲ ଭାବେ କାର୍ଯ୍ୟ କରିଥିଲେ।
ପେଶାରେ ଦେବଜିତ ଜଣେ ଓକିଲ । ଆଉ ତାଙ୍କର ରହିଛି ପ୍ରଶାସନିକ ଅଭିଜ୍ଞତା । ଆସାମ ମୁଖ୍ୟମନ୍ତ୍ରୀ ହିମନ୍ତ ବିଶ୍ୱଶର୍ମାଙ୍କ ନେତୃତ୍ୱରେ
ସାଇକିଆ ଗୋଟେ କ୍ରିକେଟ କ୍ଲବର ମହାସଚିବ ବି ଥିଲେ । ପରେ ଆସାମ କ୍ରିକେଟ ଆସୋସିଏସନ ସହ କାମ କରିଥିଲେ ସେ ।୨୦୧୬ରେ ଆସାମ କ୍ରିକେଟ ଆସୋସିଏସନର ଉପାଧ୍ୟକ୍ଷ ପଦ ମିଳିଥିଲା । ପରେ ୨୦୧୯ରେ ଏସିଆ କ୍ରିକେଟ କାଉନସିଲର ସଚିବ ଭାବେ ତାଙ୍କୁ କରାଯାଇଥିଲା ନିଯୁକ୍ତ । ୨୦୨୨ରେ ବିସିସିଆଇରେ ତାଙ୍କର ଏଣ୍ଟ୍ରି ସହ ତାଙ୍କୁ ନିୟୁକ୍ତି କରାଯାଇଥିଲା ସଂଯୁକ୍ତ ସଚିବ ।
ଜୟ ଶାହ ଆଇସିସିର ଅଧ୍ୟକ୍ଷ ହେବା ପରେ ସାଇକିଆଙ୍କୁ ମିଳିଛି ଦାୟିତ୍ବ । ଜୟ ଶାହ ଡିସେମ୍ବର ୧ରେ ଆଇସିସି ଅଧ୍ୟକ୍ଷ ପଦ ସମ୍ଭାଳିବା ପରେ ସାଇକିଆ ବିସିସିଆଇର ଅନ୍ତରୀଣ ସମ୍ପାଦକ ଦାୟିତ୍ବ ତୁଲାଉଥିଲେ। ଏବେ ତାଙ୍କୁ ମିଳିଛି ପୂର୍ଣ୍ଣକାଳୀନ ଦାୟିତ୍ବ । ଜୟ ଶାହା ୩୫ ବର୍ଷ ବୟସରେ ସର୍ବକନିଷ୍ଠ ଆଇସିସି ସଭାପତି ଭାବେ ଦାୟିତ୍ବ ଗ୍ରହଣ କରିଥିଲେ। ନ୍ୟୁଜିଲାଣ୍ଡର ଜର୍ଜ ବାର୍କଲେଙ୍କ ପରେ ଜୟ ଶାହା ଦାୟିତ୍ବ ଗ୍ରହଣ କରିଥିଲେ। ପଞ୍ଚମ ଭାରତୀୟ ଭାବେ ଜୟ ଶାହା ଆଇସିସିର ସଭାପତି ହେବା ପରେ ସାଇକିଆଙ୍କୁ ଅନ୍ତରୀଣ ସମ୍ପାଦକ ଦାୟିତ୍ବ ପ୍ରଦାନ କରାଯାଇଥିଲା।
୨୧ ବର୍ଷ ବୟସରେ ଛାଡିଥିଲେ କ୍ରିକେଟ । ଏବେ ୫୫ ବର୍ଷ ବୟସରେ ସମ୍ଭାଳିବେ ଟିମ୍ ଇଣ୍ଡିଆର ଗୁରୁ ଦାୟିତ୍ୱ । ଯଦିଓ ସାଇକିଆଙ୍କ କ୍ରିକେଟ କ୍ୟାରିଅର ଲମ୍ବା ନଥିଲା । କିନ୍ତୁ ଖେଳ ପ୍ରତି ତାଙ୍କର ଆଗ୍ରହ ପାଇଁ ମିଳିଛି ଏହି ପଦ । ଓକିଲାତିରେ ସଫଳ ହେବା ପରେ ସେ ଟିମ୍ ଇଣ୍ଡିଆକୁ ନୂଆ ରାହା ଦେଖାଇବେ ବୋଲି ଆଶା ।
you can also read...
ରୋ-କୋଙ୍କ ଭବିଷ୍ୟତ ସ୍ଥିର କରିବ ଚାମ୍ପିଅନ୍ସ ଟ୍ରଫି, ରିଭ୍ୟୁ ମିଟିଂରେ ବଡ ନିଷ୍ପତ୍ତି
