ନୂଆଦିଲ୍ଲୀ ୦୪।୦୪: ବୟସ ମାତ୍ର ୧୮ ବର୍ଷ । ଛିଡା କରିଲେ କୋଟିକୋଟିର କମ୍ପାନି । କିନ୍ତୁ ଦିନେ ତାଙ୍କୁ ମିଳିନଥିଲା ପଢିବା ପାଇଁ ୟୁନିଭରସିଟି । ଦୁନିଆର ଟପ୍ ୟୁନିଭର୍ସିଟି ତାଙ୍କୁ କରିଥିଲେ ରିଜେକ୍ଟ । ଏବେ ସେ ୨୫୦ କୋଟି ବିଜନେସ୍ର ମାଲିକ । ଯୁବକ ଜଣଙ୍କ ହେଉଛନ୍ତି ନ୍ୟୁୟର୍କର ଜ୍ୟାକ୍ ୟାଦଗାରୀ ।
ବୟସ ମାତ୍ର ୧୮ ବର୍ଷ । ସେ ଏକ ଷ୍ଟାର୍ଟଅପ୍ ତିଆରି କରିଥିଲେ । ଯେଉଁଥିରୁ ସେ ବର୍ତ୍ତମାନ ୨୫୦ କୋଟି ଟଙ୍କାରୁ ଅଧିକ ରୋଜଗାର କରୁଛନ୍ତି । କିନ୍ତୁ ହାର୍ଭାର୍ଡ, ୟେଲ୍ ଏବଂ ଷ୍ଟାନଫୋର୍ଡ ଭଳି ବିଶ୍ୱର ଶ୍ରେଷ୍ଠ ବିଶ୍ୱବିଦ୍ୟାଳୟରେ ପଢ଼ିବାର ତାଙ୍କର ସ୍ୱପ୍ନ ପୂରଣ ହୋଇପାରିଲାନି । ସେ ସବୁଠାରୁ ରିଜେକ୍ସନର ସମ୍ମୁଖୀନ ହୋଇଥିଲେ । କିନ୍ତୁ ଏହି ରିଜେକ୍ସନ୍କୁ ସେ ନିଜର ଶକ୍ତିରେ ପରିବର୍ତ୍ତନ କରିଥିଲେ ।
ନ୍ୟୁୟର୍କର ଜ୍ୟାକ୍ ୟାଦଗାରୀଙ୍କ କାହାଣୀ କୌଣସି ଫିଲ୍ମଠାରୁ କମ୍ ନୁହେଁ । ଜ୍ୟାକ ମାତ୍ର ୭ ବର୍ଷ ବୟସରେ କୋଡିଂ ଦୁନିଆରେ କରିଥିଲେ ଏଣ୍ଟ୍ରି । ୧୨ ବର୍ଷ ବୟସରେ ସେ ତାଙ୍କର ପ୍ରଥମ ଆପ୍ ଲଞ୍ଚ କରିଥିଲେ । ୧୬ ବର୍ଷ ବୟସରେ ଜ୍ୟାକ ଏକ ଅନଲାଇନ୍ ଗେମିଂ ବ୍ୟବସାୟ ବିକ୍ରି କରି ଟଙ୍କା ରୋଜଗାର କରିଥିଲେ। ଯେତେବେଳେ ସେ ଏକାଦଶ ଶ୍ରେଣୀରେ ପହଞ୍ଚିଲେ, ସେ Cal AI ଲଞ୍ଚ କରିଥିଲେ । ଏହା ଏକ ନ୍ୟୁଟ୍ରିସନ ଟ୍ରାକିଂ କରୁଥିବା ଆପ୍।
ଜ୍ୟାକ୍ ୟାଦଗାରୀ କଲ୍ ଏଆଇ ନାମକ ଏକ ନ୍ୟୁଟ୍ରିଶନ ଟ୍ରାକିଂ ଆପ୍ ତିଆରି କରିଛନ୍ତି । ଯାହା ଖାଦ୍ୟର ଫଟୋ ଉଠାଏ ଏବଂ ଏହାର କ୍ୟାଲୋରୀ କହିଥାଏ । ଏହି AI-ଚାଳିତ ଆପ୍ ତାଙ୍କୁ ରାତାରାତି କରିଦେଇଛି କୋଟିପତି । ତାଙ୍କ କମ୍ପାନୀର ବାର୍ଷିକ ଆୟ ୩୦ ନିୟୁତ ଡଲାର । ଅର୍ଥାତ୍ ଭାରତୀୟ ଟଙ୍କାରେ ଏହା ପ୍ରାୟ ୨୫୦ କୋଟି ଟଙ୍କାରୁ ଅଧିକ। ଜ୍ୟାକ୍ ଭାବିଥିଲେ ତାଙ୍କୁ ବିଶ୍ବବିଦ୍ୟାଳୟରେ ସହଜରେ ଏଣ୍ଟ୍ରି ମିଳିଯିବ । ବିଶ୍ୱର ଅନେକ ଶ୍ରେଷ୍ଠ ବିଶ୍ୱବିଦ୍ୟାଳୟ ଜ୍ୟାକଙ୍କୁ କରିଥିଲେ ରିଜେକ୍ଟ । ତେବେ ତାଙ୍କୁ ଜର୍ଜିଆ ଟେକ୍ ଏବଂ ମିଆମି ବିଶ୍ୱବିଦ୍ୟାଳୟ ଗ୍ରହଣ କରିଥିଲେ ।
ଏବେ ଅନେକ ଜ୍ୟାକ୍ଙ୍କୁ ପ୍ରଶ୍ନ କରିଛନ୍ତି କି କଲେଜର ଆବଶ୍ୟକତା କ’ଣ? ତୁମେ ତ ପୂର୍ବରୁ ଜଣେ ସୁପରଷ୍ଟାର ! ଏହାକୁ ନେଇ ଜ୍ୟାକ୍ କହିଛନ୍ତି କଲେଜ କେବଳ ଡିଗ୍ରୀ ପାଇଁ ନୁହେଁ, ଜୀବନର ଏକ ନୂଆ ଅଭିଜ୍ଞତା ହୋଇପାରେ । ଜ୍ୟାକ କହିଛନ୍ତି କି ମୁଁ ଦକ୍ଷତା ଚାହୁଁନି ବରଂ ମୁଁ ମୋ ଜୀବନର ସର୍ବୋତ୍ତମ ୪ ବର୍ଷ ଚାହୁଁଛି । ମୁଁ କଲେଜକୁ ଏକ ପ୍ରତିବନ୍ଧକ ଭାବରେ ଦେଖେନି ବରଂ ଏକ ସୁଯୋଗ ଭାବରେ ଦେଖେ । ମୁଁ ପୁସ୍ତକରୁ ନୁହେଁ, ପ୍ରଫେସର ଏବଂ ବନ୍ଧୁମାନଙ୍କଠାରୁ ଶିଖିବାକୁ ଚାହୁଁଛି । ଏହା ମୋ ବ୍ୟବସାୟକୁ ନୂଆ ଉଚ୍ଚତାରେ ପହଞ୍ଚାଇବାକୁ ସାହାଯ୍ୟ କରିବ ।
