ନୂଆଦିଲ୍ଲୀ: ଆମେରିକାର ଶୁଳ୍କ ବୃଦ୍ଧି ପରେ ଚୀନ ପାଲଟା ଶୁଳ୍କ ଘୋଷଣା କରିବା ପରେ ପ୍ରତିକ୍ରିୟା ଦେଇଛନ୍ତି ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ। ସେ କହିଛନ୍ତି “ଚୀନ ଭୁଲ ଚାଲ୍ ଚଳାଇଥିଲା। ଏବେ ଡରୁଛି।” ଚୀନ ଆମେରିକା ଉପରେ ୩୪ ପ୍ରତିଶିତ ଅତିରିକ୍ତ ଶୁଳ୍କ ଲାଗୁ କରିବାକୁ ଘୋଷଣା କରିବା ପରେ ଟ୍ରମ୍ପ ଚୀନକୁ ଏଭଳି ଆଟାକ କରିଛନ୍ତି।
ଚୀନର ଅର୍ଥ ମନ୍ତ୍ରଣାଳୟ ଅନୁଯାୟୀ, ଚୀନ ଲଗାଇଥିବା ନୂଆ ଶୁଳ୍କ ଏପ୍ରିଲ ୧୦ ରୁ କାର୍ଯ୍ୟକାରୀ ହେବ। ଏହା ପୂର୍ବରୁ, ଏପ୍ରିଲ ୨ ରେ ଟ୍ରମ୍ପ ପ୍ରଶାସନ ଚୀନରୁ ଆସୁଥିବା ସାମଗ୍ରୀ ଉପରେ ୩୪% ଶୁଳ୍କ ଘୋଷଣା କରିଥିଲା। ଟ୍ରମ୍ପଙ୍କ "ଲିବରେସନ ଡେ" ନୀତି ଅନୁସାରେ ଆମେରିକା ଏହି ଶୁଳ୍କ ଲାଗୁ କରିଛି। ଯାହାର ଲକ୍ଷ୍ୟ ଆମେରିକାର ବାଣିଜ୍ୟ ନିଅଣ୍ଟକୁ ସନ୍ତୁଳିତ କରିବା ଏବଂ ଘରୋଇ ଶିଳ୍ପଗୁଡ଼ିକୁ ସୁରକ୍ଷା ଦେବା।
ପଢନ୍ତୁ- ଆମେରିକା ଉପରେ ଚୀନର ପାଲଟା ଶୁଳ୍କ ଘୋଷଣା ପରେ ୮ ପ୍ରତିଶତ କମିଲା ତେଲ ଦର
ଚୀନର କାର୍ଯ୍ୟାନୁଷ୍ଠାନ ପରେ ଟ୍ରମ୍ପ ନିଜ ସୋସିଆଲ୍ ମିଡିଆ ଟ୍ରୁଥ୍ ସୋଶାଲରେ ପୋଷ୍ଟ କରି ଲେଖିଛନ୍ତି “ଟ୍ରୁଥ୍ ସୋସିଆଲ ଲେଖିଛନ୍ତି, “ଚୀନ ଭୁଲ ପଦକ୍ଷେପ ନେଇଛି, ସେମାନେ ଭୟଭୀତ ହୋଇଯାଇଛନ୍ତି,- ଏହା ସେମାନେ କେବେ ବି କରିପାରି ନଥାନ୍ତେ।” ଟ୍ରମ୍ପ୍ ତାଙ୍କ ପୋଷ୍ଟରେ ଏହା କହିବାକୁ ଚାହୁଁଛନ୍ତି ଯେ ଆମେରିକାର ନୀତି ଯୋଗୁ ଚୀନ୍ ନର୍ଭସ ହୋଇଯାଇଛି ଏବଂ ଚିନ୍ତା ନକରି ପ୍ରତିଶୋଧମୂଳକ ଶୁଳ୍କ ଲାଗୁ କରିଛି। ଯାହା ଏହାର ଅର୍ଥନୀତି ପାଇଁ କ୍ଷତିକାରକ ହୋଇପାରେ।
ଟ୍ରମ୍ପ ପ୍ରଶାସନ ଚୀନ ଉପରେ ଲଗାଇଥିବା ୩୪% ଶୁଳ୍କକୁ ଯଥାର୍ଥ ବୋଲି କହିବା ସହିତ ଏହା ଆମେରିକାର ବାଣିଜ୍ୟିକ କ୍ଷତି ଉପରେ ଆଧାର କରି ଲଗାଯାଇଛି ବୋଲି କହିଥିଲା। ଏହା ପୂର୍ବରୁ ଚୀନ ଉପରେ ୨୦% ଶୁଳ୍କ ଲାଗୁ ହୋଇଥିଲା, ବର୍ତ୍ତମାନ ମୋଟ ୫୪% ପର୍ଯ୍ୟନ୍ତ ଶୁଳ୍କ ଲଗାଯାଇଛି। ଜବାବରେ ଚୀନ ଆମେରିକା ଉପରେ ଶୁଳ୍କ ଲଗାଇବା ସହିତ ବିରଳ ଖଣିଜ ପଦାର୍ଥ ଆମେରିକାକୁ ରପ୍ତାନୀ ଉପରେ ରୋକ ଲଗାଇବାକୁ ନିଷ୍ପତ୍ତି ନେଇଛି। ୪ ଏପ୍ରିଲରୁ, ଚୀନ୍ ସାମାରିୟମ, ଗାଡୋଲିନିୟମ, ଟେରବିୟମ, ଡିସପ୍ରୋସିୟମ, ଲୁଟେଟିୟମ, ସ୍କାନଡିୟମ ଏବଂ ଇଟ୍ରିୟମ ଭଳି ଗୁରୁତ୍ୱପୂର୍ଣ୍ଣ ଖଣିଜ ପଦାର୍ଥର ଯୋଗାଣ ଉପରେ କଟକଣା ଲଗାଇବ।
ପଢନ୍ତୁ- ଚୀନରୁ ଆସିପାରେ ଶସ୍ତା ସାମଗ୍ରୀର ବନ୍ୟା! ଭାରତ ସରକାରଙ୍କ ଉଚ୍ଚସ୍ତରୀୟ ବୈଠକ ଆରମ୍ଭ
ଏହି ସମସ୍ତ ବିରଳ ଖଣିଜ ପଦାର୍ଥକୁ ଉଚ୍ଚ-ପ୍ରଯୁକ୍ତିବିଦ୍ୟା ଉତ୍ପାଦନ ଏବଂ ପ୍ରତିରକ୍ଷା ଶିଳ୍ପ ପାଇଁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ବୋଲି ବିବେଚନା କରାଯାଏ। ତେବେ ଚୀନର ଏହି ପଦକ୍ଷେପ ଆମେରିକାର ପ୍ରତିରକ୍ଷା ଏବଂ ଇଲେକ୍ଟ୍ରୋନିକ୍ସ ଶିଳ୍ପକୁ ପ୍ରଭାବିତ କରିପାରେ ହୋଲି ବିଶେଷଜ୍ଞମାନେ ମତ ଦେଇଛନ୍ତି ।
