ନୂଆଦିଲ୍ଲୀ ୨୩/୦୧: ଭାରତୀୟ କ୍ରିକେଟ ଟିମ୍ର ଷ୍ଟାର କ୍ରିକେଟର ରିଙ୍କୁ ସିଂହ । ସରିଛି ନିର୍ବନ୍ଧ, ଏବେ ବାନ୍ଧିହେବେ ବିବାହ ବନ୍ଧନରେ । ଉତ୍ତର ପ୍ରଦେଶର ମଛଲୀ ସହରର ସାଂସଦ ପ୍ରିୟା ସରୋଜଙ୍କ ହାତ ଧରିବେ ରିଙ୍କୁ । କେବେ ଖାିଇବାକୁ ମୁଠାେ ପାଉନଥିବା ରିଙ୍କୁ କିନ୍ତୁ ଏବେ କୋଟିପତି ଖେଳାଳି ।
ପାଖରେ ଅଛି କୋଟି କୋଟିର ପ୍ରପଟି । ତେବେ ସୋସିଆଲ ମିଡିଆ ଦାବି ମୁତାବକ, ରିଙ୍କୁ ବିବାହ ପୂର୍ବରୁ ତାଙ୍କ ସମସ୍ତ ସମ୍ପତ୍ତି ଆଉ କାହା ନାମରେ ଟ୍ରାନ୍ସଫର କରିଦେଇଛନ୍ତି । ସୋସିଆଲ ମିଡିଆ ଦାବି ମୁତାବକ, ରିଙ୍କୁ ସିଂହ ନିଜର ପ୍ରପଟି ମାଆ, ଭାଇ ଏବଂ ବାପାଙ୍କ ନାରେ କରିଦେଇଛନ୍ତି । ଲୋକଙ୍କ କହିବା କଥା ଆଜିକାଲି ଚାଲୁଥିବା ବିଚ୍ଛେଦକୁ ଦୃଷ୍ଟିରେ ସେ ଏପରି ନିଷ୍ପତ୍ତି ନେଇଥିବା ଜଣାପଡିଛି । ଯଦିଓ ଏନେଇ ସ୍ପଷ୍ଟ ଘୋଷଣା ହୋଇନି ।
କହିବାକୁ ଗଲେ ରିଙ୍କୁ ସିଂହ କୋଲକାତା ନାଇଟ୍ ରାଇଡର୍ସ ପାଇଁ ଖେଳୁଛନ୍ତି । କେକେଆର ରିଙ୍କୁଙ୍କୁ ୧୩ କୋଟି ଟଙ୍କାରେ ରିଟେନ୍ କରିଛି । ଏହା ପୂର୍ବରୁ କେକେଆର ରିଙ୍କୁ ସିଂହଙ୍କୁ ମାତ୍ର ୫୫ ଲକ୍ଷ ଟଙ୍କା ମିଳୁଥିଲା । ଏହାରି ଭିତରେ ରିଙ୍କୁ ସିଂହଙ୍କ ନେଟଓ୍ୱର୍ଥ ୮ ରୁ ୯ କୋଟି ହେବ । ରିଙ୍କୁ ଗତ ବର୍ଷ ୩ କୋଟିରୁ ଅଧିକ ଟଙ୍କାରେ ଗୋଟିେ ଆଲୀଶାନ ବଙ୍ଗଳା କିଣିଥିଲେ ।
