ନୂଆଦିଲ୍ଲୀ: ଯୁବକଙ୍କୁ ଆକର୍ଷଣ କରୁଥିବା ବଜାଜ୍ର ଜବରଦସ୍ତ ବାଇକ୍ ପଲ୍ସରର ଏକ ନୂଆ ମଡେଲ୍ ଲଞ୍ଚ କରିଛି। ପଲ୍ସର N160 ମଡେଲ୍କୁ ଭାରତୀୟ ବଜାରରେ ଲଞ୍ଚ କରିଛି କମ୍ପାନୀ। ଏକ ଲକ୍ଷ ୨୩ ହଜାର(ଏକ୍ସ- ଶୋରୁମ୍ ମୂଲ୍ୟ)ରୁ ଆରମ୍ଭ ହେଉଥିବା ବେଳେ ଷ୍ଟାଇଲ୍ ଓ ଫିଚର ବି ଜବରଦସ୍ତ। କଲର କଥା ଦେଖିଲେ ଏବିଏସ୍ ଭର୍ଜନରେ କେରବିୟନ ବ୍ଲୁ, ରେସିଂ ରେଡ୍ ଓ ଟେକ୍ନୋ ଗ୍ରେ ରଙ୍ଗରେ ବାଇକ୍ ବଜାରରେ ଉପଲବ୍ଧ ରହିଛି। ସେହିପରି ଡୁଆଲ ଚ୍ୟାନେଲ ଏବିଏସ୍ ଭର୍ଜନ୍ରେ ଫାଷ୍ଟ ବ୍ରୁକଲୀନ ବ୍ଲାକ୍ ଶେଡେରେ ବି ମିଳୁଛି।
କମ୍ପାନୀ ପଲ୍ସର N160କୁ ଦୁଇଟି ଭ୍ୟାରିଏଣ୍ଟରେ ଲଞ୍ଚ କରିଛି। ଗୋଟିଏରେ ସିଙ୍ଗଲ ଚ୍ୟାନେଲ ଏବିଏସ୍ ଓ ଅନ୍ୟଟି ଡୁଆଲ ଚ୍ୟାନେଲ୍ ଏବିଏସ୍। ଡୁଆଲ ଚ୍ୟାନେଲ୍ ଭ୍ୟାରିଏଣ୍ଟର ମୂଲ୍ୟ ୧.୨୮(ଏକ୍ସ ଶୋ-ରୁମ ମୂଲ୍ୟ)ଲକ୍ଷରୁ ଆରମ୍ଭ ହେଉଛି। ଭାରତରେ ଏହି ବାଇକ୍ ୟାମାହା FZ, TVS ଆପାଚୀ RTR 160 4V ଓ ସୁଜୁକି ଜିସ୍କରକୁ ଟକ୍କର ଦେବ।
{"width":838,"height":449}
ବଜାଜ ପଲ୍ସର N160ର ବିଶେଷତ୍ୱ-
ବଜାଜ ପଲ୍ସର N160 ର ବଡି ଡିଜାଇନ୍ N250 ଭଳି ହୋଇଛି। ଏହି ନୂଆ ମଡେଲ୍ରେ ସମାନ ସିଙ୍ଗଲ LED ପ୍ରୋଜେକ୍ଟର ହ୍ୟାଣ୍ଡଲ୍ୟାମ୍ପକୁ ସପୋର୍ଟ କରିଥାଏ। ଗାଡ଼ିର ଦୁଇ ପାଖେ ସ୍ଲୀମ ଏଲ୍ଇଡି ଡେ-ଟାଇମ୍ ରନିଂ ଲ୍ୟାମ୍ପସକୁ ଘେରାଯାଇଛି। ବଜାଜର N250ରେ ଫ୍ୟୁଲ ଟ୍ୟାଙ୍କ, ଟେକ୍ ଏକ୍ସଟେଶନ, ସିପ୍ଲଟ ସିଟ, ଆଲୟ ହ୍ୱିଲ୍ ଓ ଟେଲ-ଲାଇଟ ଭଳି ସୁବିଧା ଦିଆଯାଇଛି।
କେବଳ ସେତିକି ନୁହେଁ ପଲ୍ସର N160ରେ USB ଚାର୍ଜିଂ ପୋର୍ଟ, ୧୪ ଲିଟର ଫ୍ୟୁଲ ଟ୍ୟାଙ୍କ ଓ ଡିଜି ଏନାଲଗ ଇନଷ୍ଟ୍ରୁମେଣ୍ଟ କ୍ଲଷ୍ଟର ଦିଆଯାଇଛି। ଯାହା ଗିୟର ଷ୍ଟାଟସ, ୱାଚ୍, ଫ୍ୟୁଲ ଇକୋନୋମିକ ଓ ରେଞ୍ଜକୁ ଡିସ୍ପ୍ଲେ କରିଥାଏ।
ଇଞ୍ଜିନ ଓ ଗିୟରବକ୍ସ-
ପଲସର N160ରେ 164.82cc, ୨-ଭଲ୍ଭ, ଅଏଲ-କୁଲ୍ଡ, ସିଙ୍ଗଲ ସିଲିଣ୍ଡର ଇଞ୍ଜିନ ଦିଆଯାଇଛି। ଯାହା 8,750Rpmରେ 16Bhp ପାୱାର ଓ 6,750Rpmରେ 14.65Nm ଟର୍କ ଜେନେରେଟ୍ କରିଥାଏ। ତା ସହ ୫-ସ୍ପିଡ୍ ଗିୟରବକ୍ସକୁ ଯୋଡ଼ାଯାଇଛି। ତା ସହ ଅନେକ ଏଭଳି ଆକର୍ଷଣୀୟ ସୁବିଧା ରହିଛି ଯାହା ଯୁବ ଗ୍ରାହଙ୍କୁ ଏଇ ବାଇକ୍ କିଣିବାକୁ ବାଧ୍ୟ କରିପାରେ।
