କଟକ ୦୨/୦୮: ସିଡିଏ ଅଞ୍ଚଳରେ ଅଭାବନୀୟ ଘଟଣା । ଗୋଟିଏ ପରିଵାରର ୩ଜଣଙ୍କର ଆତ୍ମହତ୍ୟା ଉଦ୍ୟମ । ବିଷ ପିଇ ଵାପା,ମା ଓ ପୁଅ ଆତ୍ମହତ୍ୟା ଉଦ୍ୟମ କରିଥିଵା ସୂଚନା । ଆର୍ଥିକ ଅନାଟନ ଓ ୠଣ ଭାର ପାଇଁ ଆତ୍ମହତ୍ୟା ଉଦ୍ୟମ ଅଭିଯୋଗ । କଟକ ସିଡିଏ ସେକ୍ଟର-୬ ଅନ୍ତର୍ଗତ ସରସ୍ୱତୀ ଶିଶୁ ମନ୍ଦିର ନିକଟରେ ଘଟିଛି ଏହି ଅଘଟଣ .
ସୂଚନା ଥାଉକି, ଆର୍ଥିକ ଅନଟନ ଦେଇ ଗତି କରୁଥିଲା ପରିବାର । ଦୀର୍ଘ ଦିନ ଧରି ଏନେଇ ମାନସିକ ଚାପରେ ଥିଲେ ପରିବାରର ସଦସ୍ୟ । ଶେଷରେ ଅନ୍ୟ ଉପାୟ ନପାଇ ବାଧ୍ୟ ହୋଇ ବାପା-ମାଆ ଓ ପୁଅ ୩ ଜଣ ଯାକ ବିଷ ପିଇଥିଲେ । ହେଲେ ସୌଭାଗ୍ୟବଶତଃ ସେମାନେ ବର୍ତ୍ତିଯାଇଛନ୍ତି ।
ଗୁରୁବାର ବିଳମ୍ବିତ ରାତିରେ ସ୍ଥାନୀୟ ଲୋକଙ୍କଠାରୁ ଖବର ପାଇ ପୋଲିସ କଵାଟ ଭାଙ୍ଗି ତିନି ଜଣଙ୍କୁ ଉଦ୍ଧାର କରି ଏସ୍ ସି ଵି ମେଡିକାଲରେ ଭର୍ତ୍ତି କରିଛି । ଏସ୍ ସି ଵି ମେଡିକାଲର ମେଡ଼ିସିନ ଓ୍ବାର୍ଡରେ ତିନି ଜଣ ଯାକ ଚିକିତ୍ସିତ ହେଉଛନ୍ତି । ତିନି ଜଣଙ୍କର ଅଵସ୍ଥା ସ୍ଥିର ରହିଥିଵା ମେଡିକାଲ ପକ୍ଷରୁ କୁହାଯାଇଛି। ଅତ୍ୟଧିକ ଋଣ ଭାର ଓ ଆର୍ଥିକ ଅନାଟନ କାରଣରୁ ପରିବାର ଏଭଳି ଉଦ୍ୟମ କରିଥିବା ଅନୁମାନ କରାଯାଉଛି।
