ନୂଆଦିଲ୍ଲୀ ୦୪।୧୦; ଆଫଗାନିସ୍ତାନର ତାରକା ସ୍ପିନର ରାସିଦ ଖାନ । ବର୍ତ୍ତମାନ ସେ ବିବାହ ବନ୍ଧନରେ ବାନ୍ଧି ହୋଇଛନ୍ତି। ରାସିଦ ଆଫଗାନିସ୍ତାନର ରାଜଧାନୀ କାବୁଲରେ ବିବାହ କରିଥିଲେ। ଆଫଗାନିସ୍ତାନ ସ୍ପିନରଙ୍କ ବିବାହ ପଖ୍ଖତୁନ୍ ରୀତିନୀତି ଅନୁଯାୟୀ ହୋଇଥିଲା। ଭାଇରାଲ ହୋଇଥିବା ଫଟୋ ଅନୁଯାୟୀ ରାସିଦ ଅକ୍ଟୋବର ୩ ଗୁରୁବାର ଦିନ ବିବାହ କରିଥିଲେ। ତାଙ୍କ ବିବାହରେ ଆଫଗାନିସ୍ତାନର ସମସ୍ତ କ୍ରିକେଟର ଯୋଗ ଦେଇଥିଲେ। ରାସିଦଙ୍କ ବିବାହର ସମସ୍ତ ଫଟୋ ସୋସିଆଲ ମିଡିଆରେ ଖୁବ୍ ଭାଇରାଲ ହେବାରେ ଲାଗିଛି।
ଖବର ଅନୁଯାୟୀ,ରାସିଦ ସହ ତାଙ୍କର ତିନି ଭାଇଙ୍କର ମଧ୍ୟ ବିବାହ ହୋଇଥିଲା। ଏହା ମଧ୍ୟ ଦାବି କରାଯାଇଛି ଯେ ରାସିଦ ତାଙ୍କ ସମ୍ପର୍କୀୟଙ୍କ ଭିତରେ ବିବାହ କରିଥିଲେ। ସେ ବିବାହ କରି ଏକ ବଡ ପ୍ରତିଜ୍ଞା ଭାଙ୍ଗିଥିଲେ । କିଛି ବର୍ଷ ପୂର୍ବେ ରାସିଦ ତାଙ୍କ ସାକ୍ଷାତକାରରେ କହିଥିଲେ ଯେ ଆଫଗାନିସ୍ତାନ ଟିମ୍ ବିଶ୍ୱକପ ଜିତିବା ପରେ ସେ ବିବାହ କରିବେ। ୨୦୨୪ରେ ଆଫଗାନିସ୍ତାନ ପ୍ରଥମ ଥର ପାଇଁ ଟି -୨୦ ବିଶ୍ୱକପର ସେମିଫାଇନାଲରେ ଏଣ୍ଟ୍ରି କରିଥିଲେ।
ରାସିଦଙ୍କ ବିବାହରେ ଆଫଗାନିସ୍ତାନ କ୍ରିକେଟ୍ ଦଳ ପାଇଁ ଖେଳୁଥିବା ତାଙ୍କର ସମସ୍ତ କ୍ରିକେଟର ଯୋଗ ଦେଇଥିଲେ। ଏହି ବିବାହରେ ଦଳର ଭେଟେରାନ ଅଲରାଉଣ୍ଡର ମହମ୍ମଦ ନବୀଙ୍କୁ ଦେଖିବାକୁ ମିଳିଥିଲା। ଏହା ବ୍ୟତୀତ ଅଲରାଉଣ୍ଡର ଆଜମତୁଲ୍ଲା ଓମାରଜାଇଙ୍କୁ ମଧ୍ୟ ଦେଖିବାକୁ ମିଳିଥିଲା। ରାସିଦଙ୍କ ବିବାହରେ ନଜିବୁଲ୍ଲା ଜାଦ୍ରାନ୍, ରହମତ ଶାହା ଏବଂ ମୁଜିବ ଉର ରେହମାନଙ୍କ ସମେତ ଅନେକ ତାରକାଙ୍କୁ ଦେଖିବାକୁ ମିଳିଥିଲା । ରାସିଦଙ୍କ ବିବାହରେ ଆଫଗାନିସ୍ତାନ କ୍ରିକେଟ୍ ବୋର୍ଡର ସିଇଓ ନାସିବ ଖାନ ମଧ୍ୟ ଯୋଗ ଦେଇଥିଲେ।
ରାସିଦଙ୍କ ଅଧିନାୟକତ୍ୱରେ ଦଳ ସେମିଫାଇନାଲରେ ପ୍ରବେଶ କରିଥିଲା
ଆମେରିକା ଏବଂ ୱେଷ୍ଟଇଣ୍ଡିଜ୍ ଦ୍ୱାରା ଆୟୋଜିତ ଟି -୨୦ ବିଶ୍ୱକପ ୨୦୨୪ରେ ରସିଦ ଖାନ ଆଫଗାନିସ୍ତାନକୁ କମାଣ୍ଡ କରୁଥିବା ଦେଖିବାକୁ ମିଳିଥିଲା। ଏହା ପ୍ରଥମ ଥର ଥିଲା ଯେ ଆଫଗାନିସ୍ତାନ ଦଳ କୌଣସି ଆଇସିସି ଟୁର୍ନାମେଣ୍ଟର ସେମିଫାଇନାଲରେ ପ୍ରବେଶ କରିଥିଲା। ରାସିଦଙ୍କ ଅଧିନାୟକ ଦଳ ପାଇଁ ଏପର୍ଯ୍ୟନ୍ତ ବହୁତ ଭାଗ୍ୟବାନ ବୋଲି ପ୍ରମାଣିତ ହୋଇଛି।
