ନୂଆଦିଲ୍ଲୀ ୨୦/୧୧: ଦିଲ୍ଲୀ ପ୍ରଦୂଷଣରେ ସାମାନ୍ୟ ଆଶ୍ୱସ୍ତି, ତଳକୁ ଖସିଲା AQI ସ୍ତର । ବୋଧହୁଏ କ୍ରୃତିମ ବର୍ଷା ହେବା ପରେ ପ୍ରଦୂଷଣ ସ୍ତର କମିଥିବା ଜଣାପଡିଛି । କିନ୍ତୁ ଏବେବି ବିପଦ ଟଳିନଥିବା କହିଛନ୍ତି ବିଶେଷଜ୍ଞ । ଆଗକୁ ଥଣ୍ଡାର ପ୍ରକୋପ ବଢିବ ବୋଲି ବିଶେଷଜ୍ଞ ପରାମର୍ଶ ଦେଇଛନ୍ତି ।
ଦିନେ କି ଦୁଇ ଦିନ ମଧ୍ୟରେ ସର୍ବନିମ୍ନ ତାପମାତ୍ରା ୧୦ ଡିଗ୍ରୀ ତଳେ ରହିବ ବୋଲି ଅନୁମାନ କରାଯାଉଛି । ଗତ କିଛି ଦିନ ହେବ ଦିଲ୍ଲୀରେ ଚାଲିଥିବା ବିପଦପୂର୍ଣ୍ଣ ବାୟୁ ପ୍ରଦୂଷଣ ଲୋକଙ୍କ ଜୀବନ କଲବଲ କରିଥିଲା । ବିଳମ୍ବିତ ରାତି ଓ ସକାଳ ପର୍ଯ୍ୟନ୍ତ ଦିଲ୍ଲୀ ଏନସିଆରରେ ଘନ କୁହୁଡି ଅନୁଭୂତ ହୋଇଥିଲା । କୁହୁଡ଼ି ହେତୁ ସକାଳେ ଦିଲ୍ଲୀ ଏନସିଆରରେ ଦୃଶ୍ୟମାନତା ବହୁତ କମ୍ ଥିଲା।
ବୁଧବାର ସକାଳେ ମଧ୍ୟ ଦିଲ୍ଲୀରେ AQI ଏତେଟା ଭଲ ନଥିଲା । ଦ୍ୱାରକା ଏବଂ ଉତ୍କଳ ନଗରରେ ୩୮୮, ଜନକପୁରୀରେ ୩୮୪, ସୁଖଦେବ ବିହାରରେ ୩୮୧, ଆଲିପୁରରେ ୩୭୯, ଶାଲିମାର ବାଗରେ ୩୭୭, ରୋହିଣୀରେ ୩୮୨, ମଡେଲ ଟାଉନରେ ୩୭୭ ରେକର୍ଡ କରାଯାଇଛି । ଦିଲ୍ଲୀର ଅଧିକାଂଶ ଅଞ୍ଚଳରେ AQI ୩୦୦ରୁ ଅଧିକ ରହିଛି ।
ବୁଧବାର ଘନ କୁହୁଡ଼ି ହେବାର ପୂର୍ବାନୁମାନ କରିଛି ପାଣିପାଗ ବିଭାଗ । ସର୍ବାଧିକ ଏବଂ ସର୍ବନିମ୍ନ ତାପମାତ୍ରା ଯଥାକ୍ରମେ ୨୫ଏବଂ ୧୨ଡିଗ୍ରୀ ସେଲସିୟସ ହେବାର ସମ୍ଭାବନା ଅଛି । ମଙ୍ଗଳବାର ଦିନ ଦିଲ୍ଲୀରେ ଦିନର ତାପମାତ୍ରା ୨୫.୪ ଡିଗ୍ରୀରେ ରେକର୍ଡ କରାଯାଇଛି । ଯାହା ସ୍ୱାଭାବିକଠାରୁ ଦୁଇ ଡିଗ୍ରୀ କମ୍ ରହିବ । ସନ୍ଧ୍ୟା ସମୟରେ ଶୀତଳ ପବନ ବହିଲା ଏବଂ ସହରରେ କୁହୁଡ଼ି ଦେଖାଦେଇଛି ।
#WATCH | A layer of haze covers ITO area in Delhi. As per Central Pollution Control Board (CPCB), the air quality in the area remains in 'Severe' category.
— ANI (@ANI) November 20, 2024
Drone visuals shot at 7.30 am. pic.twitter.com/jrLzoxXnUr
ସୋମବାର ରାତି ଦିଲ୍ଲୀରେ ଏହି ଋତୁର ସବୁଠାରୁ ଶୀତ ରାତି ଥିଲା । ସର୍ବନିମ୍ନ ତାପମାତ୍ରା ୧୨.୩ ଡିଗ୍ରୀ ସେଲସିୟସ ରେକର୍ଡ ହୋଇଥିଲାବେଳେ ପୂର୍ବ ରାତିରେ ଏହା ୧୬.୨ ଡିଗ୍ରୀ ସେଲସିୟସ ଥିଲା । ଯେତେବେଳେ ସର୍ବାଧିକ ତାପମାତ୍ରା ୨୩ ଡିଗ୍ରୀ ସେଲସିୟସରେ ରେକର୍ଡ କରାଯାଇଛି । ପାଣିପାଗ ବିଭାଗ କହିଛି ଯେ ଦିନରେ ଆର୍ଦ୍ରତା ସ୍ତର ୮୯ ପ୍ରତିଶତରୁ ୬୯ ପ୍ରତିଶତ ମଧ୍ୟରେ ରହିଛି ।
